ماں کے قدموں سے شفایابی

چند سال قبل میں اپنی والدہ صاحبہ کو جو کہ راجن پو ر میں بیما ر تھیں دیکھنے کے لیے جایا کر تا تھا ۔ ایک جمعہ کے دِ ن میں نے والدہ صاحبہ کی خدمت میں حاضری دی ، واپسی پر دعا کی درخوا ست کی جو انہو ں نے قبول فرمائی اور بڑی دعائیں دیں ۔ واپسی پر دریا ئے سندھ پا ر کرنے کے بعد ایک بہت بڑی گہری نہر جو تقریباً 20 فٹ گہری اور 30 فٹ چوڑی پانی سے لبالب بھری ہوئی بہہ رہی تھی۔ جمعہ کی نماز کا وقت ہو چکا تھا۔ گاڑی کھڑی کر کے ڈرائیور تو وضو کر کے نماز میں شریک ہوگیا ۔ میں نے استنجاء کیا اور نہر کے کنارے بیٹھ کر وضو کر رہا تھا کہ اچانک نہر کا کنا رہ جو شائد نیچے سے پانی نے کھوکھلا کر دیا تھا، پانی میں گرا اور میں نہر کے اندر گرگیا ۔ ایک دو ڈبکیاں آئیں اور میں نہر کے وسط میں پہنچ گیا کیو نکہ میں تیرنا نہیں جا نتا تھا اس لیے ڈ بکیا ں آنی شروع ہوئیں اور سر چکرانے لگا ۔ میں نے ایک ہا تھ دیکھا جس نے مجھے پکڑ ا اور نہر کے درمیان سے گھسیٹ کر نہر کے کنارے کھڑا کر دیا

پڑھنا جاری رکھئے…

شہاب نامہ ۔ قدرت اللہ شہاب

شہاب نامہ قدرت اللہ شہاب کی خودنوشت کہانی ہے۔ شہاب نامہ مسلمانان برصغیر کی تحریک آزادی کے پس منظر ، مطالبہ پاکستان، قیام پاکستان اور تاریخ پاکستان کی چشم دید داستان ہے۔ جو حقیقی کرداروں کی زبان سے بیان ہوئی ہے۔ شہاب نامہ دیکھنے میں ضخیم اور پڑھنے میں مختصر کتاب ہے۔ شہاب نامہ امکانی حد تک سچی کتاب ہے۔ قدرت اللہ شہاب نے کتاب کے ابتدائیہ میں لکھا ہے کہ،
میں نے حقائق کو انتہائی احتیاط سے ممکنہ حد تک اسی رنگ میں پیش کرنے کی کوشش کی ہے جس رنگ میں وہ مجھے نظرآئے۔

پڑھناجاری رکھئے…

’’ باپو! یہ توویسے نہیں ہیں‘‘

سکھ یاتریوں کاایک جتھہ حسن ابدال کی گلیوں میں اتنی آزادی سے گھوم پھررہاتھا‘ جیسے اپنے دیس میں ہو۔اس قدربے فکری یقینااس بات کاثبوت تھی کہ انھیں کسی قسم کا کوئی خوف نہیں ہے اور نہ انھیں کوئی رنج ہے۔ یاتریوں کے اس ٹولے میں مادھوی کوربھی تھی۔ٹاٹاگروپ آف کمپنیزسے وابستہ چھبیس سالہ یہ خوب رولڑکی اپنے والد کے ساتھ اپنی مذہبی رسومات کی ادائیگی کے لیے آئی ہوئی تھی اوراپنے مقدس مقامات کی یاترا کے ساتھ ساتھ پاکستان کوجاننے کی کوشش میں تھی۔وہ جانناچاہتی تھی کہ بھارت سرکارجس ملک کی سرکار اور پرجا کے حوالے سے ہمیشہ خوف کاشکارنظرآتی ہے‘وہاں کی پرجاکیاواقعی اتنی خطرناک ہے۔وہ جانناچاہتی تھی جس کے بارے میں اُس کے ملک کے پترکاروں‘ فلم سازوں اورنیتاؤں نے کاغذوں کے ڈھیرکالے کردیے ہیں‘ کیاوہ اس لائق ہے بھی یانہیں۔‘‘ وہ اپنے بوڑھے باپوکرکرید رہی تھی کہ وہ اُسے اپنے آبائی شہرجہلم کے متعلق بتائے اوریہ کہ جوجذبہ وہاں اُسے بے چین رکھتا ہے‘ یہاں شانت کیسے ہوگیا ہے۔

پڑھناجاری رکھئے…

لاپتہ جہاز ایم وی کیلاش پر منشیات لے جانے کے شواہد ملے تھے

عملہ اس معاملے سے لاعلم تھا. نارکوٹکس اور ایف آئی اے سمیت غیر ملکی ادارے بھی اسی پہلو پر تفتیش کرتے رہے، جہاز سے متعلق تحقیقاتی رپورٹس دبا دی گئیں. تئیس برس پہلے غائب ہونے والے جہاز پر خصوصی رپورٹ، متعلقہ اداروں نے تعاون نہیں کیا، اپنی رپورٹ میں لکھا تھا کہ جہازڈوبنے کے ثبوت نہیں ملے. معاملہ کچھ اور ہے، ایف آئی اے کے سابق انسپکٹر صلاح الدین ابڑو کی گفتگو.
یہ جون 1988 کی ایک دوپہر تھی، موسم گرما اپنے عروج پر تھا، اسکول کی چھٹیاں ہو چکی تھیں،
مرچنٹ نیوی کے کپٹن محبت خان خود بھی اگرچہ چھٹیوں پر تھے لیکن ان کی شپنگ کمپنی کی جانب سے پیغام آیا کہ مال بردار جہاز “ایم وی کیلاش” کو کینیا کی بندرگاہ ممباسا لے کر جانا ہے، اور یہ کہ آپ ہمارے قابلِ اعتماد آفسیر ہیں لہذا ہم کسی اور کو جہاز پر نہیں بھیج سکتے. بادل نخواستہ کپٹن محبت خان کو ہامی بھرنی پڑی حالانکہ ان کا موڈ کچھ دن مزید آرام کرنے کا تھا. ان کے والدین حج پر جانے کی تیاریاں کر رہے تھے، انہوں نے اپنی اہلیہ پروین ناہید کو کہا کہ چونکہ ابا، امی حج پر جا رہے ہیں اور میں بھی جولائی میں ٹرپ پر چلا جاؤں گا، پیچھے اکیلی رہ جاؤ گی لہذا تم بچوں کو گرمیوں کی چھٹیاں گزارنے ان کے ننھیال ایبٹ آباد لے جاؤ.
پڑھناجاری رکھئے…

خانہ کعبہ کی تاریخ

تاریخ ابن عساکر اور تاریخ ارزقی سے تفسیر عزیزی نے نقل کیا ہے کہ جب حضرت آدم علیہ السلام بہشت سے زمین پر تشریف لائے تو بارگاہ الہی میں عرض کی کہ خدایا میں یہاں نہ تو ملائکہ کی تسبیح و تہلیل سنتا ہوں اور نہ کوئی عبادت گاہ ہی دیکھتا ہوں جیسے آسمان میں بیت المعمور دیکھتا تھا، جس کے ارد گرد فرشتے طواف کرتے تھے۔ جواب میں ارشاد ہوا کہ جاو ہم جہاں نشان بتائیں وہاں کعبہ بناکر اس کے اردگرد طواف بھی کر لو اور اس کی طرف رخ کرکے نماز بھی ادا کرو۔

حضرت جبرئیل علیہ السلام حضرت آدم علیہ السلام کی رہبری کے لیئے ان کے ساتھ چلے اور انھیں وہاں لائے جہاں سے زمین بنی تھی یعنی جس جگہ پانی پر جھاگ پیدا ہوا تھا۔ اور پھر یہی جھاگ پھیل کر زمین بنی۔ حضرت جبرئیل علیہ السلام نے وہاں اپنا پر مار کر ساتویں زمین تک بنیاد ڈال دی جس کو ملائکہ نے پانچ پہاڑوں کے پتھروں سے بھرا۔

پڑھناجاری رکھئے…

کرپشن ستان : از جاوید چوہدری

 یہ تینوں کرکٹر، سلمان بٹ، محمد آصف اور محمد عامر کرپٹ نہیں ہیں، ان سے دو غلطیاں ہو گئیں. ایک یہ عام لوگ تھے اور دوسری یہ غلط ملک میں پکڑے گئے، یہ اگر عام لوگ نا ہوتے اور ان کے نام کے ساتھ گیلانی، قریشی، مزاری، لغاری اور زرداری کا لاحقہ ہوتا تو یہ آج سزا پانے کے باوجود معزز ترین شہری بھی کہلاتے اور لوگ ان کی ترقی، ان کی دولت، ان کی کرپشن اور ان کی بدعنوانی کو حسرت کے ساتھ بھی دیکھتے، بالکل ان معززین کی ترقی اور دولت کی طرح جو اس ملک کو چونسٹھ برسوں سے لوٹ رہے ہیں، جنہوں نے کرپشن کو بدبودار جوہڑ بنا دیا ہے لیکن ہم 18 کروڑ لوگ انہیں سیلوٹ بھی کرتے ہیں، انہیں آپ جناب بھی کہتے ہیں، ان سے اٹھ کر ملاقات بھی کرتے ہیں، انہیں ووٹ بھی دیتے ہیں اقتدار کی کرسی پر بٹھا کر ان کی عبادت بھی کرتے ہیں. یہ کرپشن میں لتھڑے پجاریوں کا ملک ہے جس میں موسٹ کرپٹ لوگ بھگوان ہو جاتے ہیں اور موسٹ کرپٹ بھگوانوں کے اس کرپشن ستان میں یہ بے چارے پکڑے گئے اور ہم مملکت کرپشن ستان کے منافق شہری انہیں ماں بہن کی گالی دے رہے ہیں، یہ ناانصافی بھی ہے اور ظلم بھی.
پڑھنا جاری رکھئے…

آن لائن آٹو کیڈ (AutoCad) سیکھئے

کمپیوٹر ایڈڈ ڈیزائننگ اور ڈرافٹنگ (CADD, Computer-Aided-Designing-&-Drafting) سے متعلق جتنے بھی سافٹ وئر دستیاب ہیں ۔۔۔ اِن تمام میں ایک AutoCAD ہی وہ واحد سافٹ وئر ہے ، جو ساری دنیا میں سب سے زیادہ مقبول ہے اور سب سے زیادہ استعمال بھی کیا جاتا ہے۔
آج سے کوئی پچیس تیس سال قبل ، دنیا بھر میں جو بھی ڈرائنگ (Drawing) بنائی جاتی تھی ، وہ کاغذ پر پنسل یا روشنائی والے قلم سے تیار کی جاتی تھی ۔۔۔ اور پھر ، ڈرائنگ میں کسی بھی قسم کی تبدیلی کا مطلب تھا کہ ساری کی ساری ڈرائنگ شروع سے تیار کی جائے ۔ یہ اتنی بڑی خامی تھی جس کا حل نہایت مطلوب تھا۔ اور CAD کے نظام کی تخلیق نے یہ مسئلہ مستقل طور پر حل کردیا۔
واضح رہے کہ CAD یا CADD دراصل ڈرائنگ سے متعلق ایک کمپیوٹر نظام (Computer System) ہے اور اسی نظام کے تحت کئی سافٹ وئرز کام کرتے ہیں ، جن میں AutoCAD نسبتاً زیادہ معروف و مقبول ہے۔

پڑھناجاری رکھئے…

جناح پور کے نقشے برآمد کرنے والے فوجی افسر کو بھی تحفظ ناملا

1992 کے کراچی آپریشن میں شریک کسی سرکاری افسر کو تحفظ نہیں ملا حتٰی کہ اس آپریشن میں ایم کیو ایم کے خلاف چھاپہ مارنے والے رینجرز کے میجر ندیم ڈار، جو ڈیپوٹیشن پر فوج سے رینجر میں آئے تھے، تحفظ دینے سے انکار کیا گیا، میجر ندیم ڈار آج کل ایک یورپی ملک میں پناہ گزین ہیں، ان پر کراچی آپریشن کے بعد کیا بیتی یہ ان کی اپنی زبانی سنئے.

کراچی میرے لئے ہمیشہ خوابوں کا شہر رہا، میرے اپنے رشتہ داروں میں بھی اردو سپیکنگ ہیں. میرے دوستوں میں بھی بہت سے لوگ ایسے ہیں. جب کراچی میں میری ڈیوٹی لگی، مجھے روشنیوں اور دوستیوں کے شہر میں لگی آگ دیکھ کر بہت دکھ ہوا. مجھے اس آپریشن میں حصہ لینے کے لئے ایک تحریری حکم نامہ دیا گیا تھا. کام شروع کرتے ہی میں نے یہ واضح کر دیا تھا کہ میں کسی کے تحریری حکم کے بغیر نا کسی کو رہا کروں گا اور نہ ہی کسی زبانی حکم پر کسی کو گرفتار کروں گا. میں نے غلام اسحاق خان کے زبانی احکامات ماننے سے انکار کر دیا تھا لہذا میری یہ شہرت ہو گئی تھی.
پڑھناجاری رکھئے…

وار آن ٹیرریا صلیبی جنگ؟

2001ءمیں امریکی صدر بش نے امریکی پرچم کے زیر سایہ ایک عالمی جنگ چھیڑنے کا اعلان کیا تھا۔ اس جنگ کو کروسیڈ یعنی صلیبی جنگ کے نام سے پکارا تھا۔ کچھ ماہ بعد وائٹ ہاﺅس اور پینٹاگون نے کروسیڈ کا ایک اور نام ”وار آن ٹیرر“ مشہور کیا۔ اس کے بعد کئی اور نام بھی پھیلائے مثلا انتہا پسندی کے خلاف جنگ‘ (قرآن پڑھنے والے) طالبان کے خلاف جنگ‘ عسکریت پسندوں کے خلاف جنگ وغیرہ۔ کروسیڈیوں کے پروپیگنڈا کیے گئے ناموں کے جمگھٹے میں کروسیڈ کا مرکزی نام ”وار آن ٹیرر“ ہی رہا ہے۔
جمہوریہ پاکستان میں امریکا کے اتحادی بن جانے والے برسر اقتدار لوگ اور قوم کے تنخواہ دار جنرل بعض سیاسی ودینی جماعتوں کے لیڈر‘ 2001ءسے جاری کروسیڈ کو صلیبی جنگ نہیں کہتے بلکہ دہشت گردی کے خلاف‘ دہشت گردوں کے خلاف جنگ‘ انتہا پسندوں کے خلاف جنگ کے نام سے پکارتے ہیں۔ کروسیڈیوں سے مزید ذاتی فوائد حاصل کرنے کے لیے تقریباً ہر روز کروسیڈیوں کے پالتوں طوطوں کی طرح سکھائے گئے ا لفاظ کا رٹا لگاتے رہے ہیں۔
پڑھناجاری رکھئے۔۔۔

یومِ شہادت شہیدِ پاکستان حکیم محمد سعید