فوزیہ وہاب انتقال کرگئیں

[پپو]

فوزیہ وہاب انتقال کر گئیں


فوزیہ وہاب پی پی پی کے شعبۂ اطلاعات کی مرکزی سیکرٹری اور امورِ خزانہ کی پارلیمانی کمیٹی کی سربراہ تھیں
پاکستان پیپلز پارٹی کی رہنما اور رکنِ قومی اسمبلی فوزیہ وہاب کراچی میں مختصر علالت کے بعد انتقال کر گئی ہیں۔ ان کی عمر چھپن برس تھی۔
ان کی وفات کا اعلان پیپلز پارٹی کے رہنما شرجیل میمن نے کراچی میں ہسپتال کے باہر صحافیوں سے بات کرتے ہوئے کیا۔
شرجیل میمن کا کہنا تھا کہ ان کی نمازِ جنازہ پیر کو نمازِ ظہر کے بعد کراچی کے علاقے ڈیفینس کی سلطان مسجد میں ادا کی جائے گی۔
فوزیہ وہاب کو ستائیس مئی کو پتے کے آپریشن کے لیے ایک نجی ہسپتال میں داخل کروایا گیا تھا۔
آپریشن کے دوران ان کی طبیعت بگڑ گئی تھی اور انہیں انتہائی نگہداشت کے یونٹ میں منتقل کر دیا گیا تھا۔
بعدازاں ڈاکٹروں نے انہیں ونٹی لیٹر یا مصنوعی تنفس کے نظام پر منتقل کر دیا تھا۔ سنیچر کی شب فوزیہ وہاب کی طبیعت ایک مرتبہ پھر بگڑ گئی تھی اور وہ کومے میں چلی گئی تھیں۔
اتوار کی شام ڈاکٹروں نے ان کا معائنہ کرنے کے بعد مصنوعی نظامِ تنفس ہٹانے کا فیصلہ کیا جس کے بعد وہ شام آٹھ بجے اپنے خالقِ حقیقی سے جا ملیں۔
فوزیہ وہاب اپنے سیاسی کیریئر میں دو مرتبہ پہلے سنہ دو ہزار دو اور پھر سنہ دو ہزار آٹھ میں خواتین کی مخصوص نشستوں پر رکنِ قومی اسمبلی منتخب ہوئیں۔
جب وہ بیمار ہوئیں وہ پیپلز پارٹی کے شعبۂ اطلاعات کی مرکزی سیکرٹری اور امورِ خزانہ کی پارلیمانی کمیٹی کی سربراہ تھیں۔
بشکریہ بی بی سی

[اضواء]

انا لله وانا اليه راجعون ...

نسال الله ان يغفر لھا ويرحمھا....

[زاہد رند]

اللہ ان کو جوار رحمت میں جگہ عطا فرمائے

[چاند بابو]

انا لله وانا اليه راجعون ...

[اعجازالحسینی]

انا لله وانا اليه راجعون