filezilla کو استعمال کرنا

[محمد اسفند]

filezilla کو استعمال کرنے کا طریقہ کیا ہے اس کا Host
user name
passwor


کہا سے حاصل کیا جا سکتا ہے

[چاند بابو]

یہ تمام معلومات آپ کو اپنے ہوسٹنگ سرور سے مل سکتی ہیں.
یہ آپ کی ایف ٹی پی یوزر نیم اور پاسورڈ کی معلومات ہیں.

[علی خان]

فائل زیلا
filezilla فائل زیلا بلا شبہ سب سے زیادہ استعمال کیا جانے والا ایف ٹی پی کلائنٹ ہے۔ مفت ہونے کے ساتھ ساتھ یہ اوپن سورس بھی ہے۔ نام سے بظاہر یہ موزیلا کی کوئی پروڈاکٹ لگتا ہے لیکن اس کا موزیلا سے کوئی تعلق نہیں ہے۔ اس کی مقبولیت کی اہم وجہ اس میں دستیاب سہولیات ہیں جن کا دوسرے ایف ٹی پی کلائنٹس اور حاصل طور پر وہ جو کہ مفت ہیں، فقدان ہے۔ فائل زیلا مفت ہونے کے باوجود بالکل ایک کمرشل سافٹ ویئر کی طرح بنایا گیا ہے۔ مثال کے طور پر آپ اپنے ڈیسک ٹاپ یا کسی دوسرے فولڈر سے فائلز یا فولڈرز کو ڈریگ کرکے فائل زیلا میں ڈراپ کرسکتے ہیں۔ ڈریگ اینڈ ڈراپ کی گئی تمام فائلز اور فولڈرز سرور پر اپ لوڈ ہونا شروع ہوجائیں گی۔ اسی طرح آپ سرور سے فائلز کو ڈریگ کر کے اپنے پسندیدہ فولڈر میں ڈراپ بھی کرسکتے ہیں۔ دوسرے مفت ایف ٹی پی کلائنٹس میں یہ سہولت میسر نہیں۔

فائل زیلا کی ایک خوبی جو ہمیں سب سے زیادہ پسند آئی ہے وہ فلٹرز ہیں۔ آپ فلٹرز کی مدد سے سرور یا کمپیوٹر پر موجود مخصوص فائلز یا فولڈرز کو پوشیدہ کرسکتے ہیں۔ فرض کریں کہ آپ نے ایک ویب سائٹ سے صرف پی ایچ پی کی فائلز ڈائون لوڈ کرنی ہے لیکن اس ویب سائٹ پر تصاویر اور ویڈیوز جیسی بھاری بھرکم فائلز بھی جا بجا موجود ہیں۔ ایسے میں اگر آپ پوری ویب سائٹ کو ڈائون لوڈنگ پر لگا دیں گے تو یقینا اس میں وقت کے ساتھ ساتھ بینڈ وڈتھ کا بھی ضیاع ہوگا۔ لیکن آپ فائل زیلا میں موجود فلٹرز کی مدد سے صرف پی ایچ پی کی فائلز بہ آسانی ڈائون لوڈ کرسکتے ہیں۔ آپ اپنی مرضی کے مطابق جتنے چاہیں فلٹرز بنا سکتے ہیں اور انہیں سرور یا کمپیوٹر دونوں پر Apply کرسکتے ہیں۔
فائل زیلا میں Tabs کی سہولت بھی موجود ہے جس کی مدد سے آپ ایک سے زیادہ سرورز سے بیک وقت کنکٹ ہوسکتے ہیں اور ان پر الگ الگ کام بھی کرسکتے ہیں۔ اس کا انٹرفیس سادہ ہے اور سرور پروفائلز بنانے کی سہولت بھی اس میں موجود ہیں۔ جبکہ (SSH >Secure Shell) کی سہولت کی وجہ سے آپ یونکس خاندان کے سرورز پر زیادہ بہتر طریقے سے کام کرسکتے ہیں۔اس کے پورٹ ایبل ورژن بھی انٹرنیٹ پر دستیاب ہیں جنھیں انسٹالیشن کئے بغیر استعمال کیا جاسکتا ہے۔

فائل زیلا کو ڈائون لوڈ کرنے کے لئے نیچے دئیے گئے لنک پر کلک کیجئے۔
[link]https://filezilla-project.org/download.php/[/link]

[چاند بابو]

بہت خوب اشفاق بھیا کمال ہے یار آپ واقعی کمال کرتے ہیں.
چھوٹے سے سوال کے جواب میں اتنا جامع جواب.
بہت بہت شکریہ.

[علی خان]

کیا کروں ماجد بھائی کبھی کبھی موڈ ہوں. تو بس اس طرح کے کام میرے سے سرزد ہو جاتے ہیں.

[چاند بابو]

اللہ کرے آپ ہمیشہ ایسے موڈ میں ہی رہا کریں اس سے دکھی انسانیت کا بہت فائدہ ہوتا ہے.

[علی خان]

کوشش تو یہی ہوتی ہے مگر اُردو ٹائیپنگ ہمیشہ سے میرا مسلہ رہا ہے.

[بلال احمد]

کوشش تو یہی ہوتی ہے مگر اُردو ٹائیپنگ ہمیشہ سے میرا مسلہ رہا ہے.

اشفاق بھائی آپ نے اسے اپنا مسئلہ خود بنایا ہوا ہے، ورنہ آپ کی ٹائپنگ تو زبردست ہے

[چاند بابو]

جی اشفاق بھیا اب تو اتنے سالوں بعد آپ کے لئے اردو ٹائپنگ کوئی مسئلہ نہیں ہونا چاہئے اور میرے خیال میں اب یہ اتنا مسئلہ رہا نہیں ہے جتنا آپ نے اپنے اوپر سوار کیا ہوا ہے.

[علی خان]

ہو سکتا ہے. مگر یہاں پرفوری جواب والے حصے میں استعمال ہونے والے فونٹس کی وجہ سے مجھے ٹائیپنگ میں مزہ نہیں‌آتا ہے. اب اُمید ہے کہ نئے والے فورم میں یہ مسلہ حل ہو جائے گا.

[محمد اسفند]

یہ تمام معلومات آپ کو اپنے ہوسٹنگ سرور سے مل سکتی ہیں.
یہ آپ کی ایف ٹی پی یوزر نیم اور پاسورڈ کی معلومات ہیں.

اب یہ ہوسٹنگ سرور کیا ہے کیا یہ filezilla server تو نہی

[علی خان]

ہوسٹنگ سرور کا مطلب ہے. جہاں سے آپ نے اپنے ویب سائٹ کے لئے سپیس حاصل کی ہے.

[چاند بابو]

جی نہیں اسفند بھیا یہ معلومات آپ کی ہوسٹنگ سے ملے گی.
دراصل Filezilla آپ کی فائلز کو آپ کی ویب ہوسٹنگ پر چڑھانے اور اتارنے کے لئے استعمال ہوتا ہے.
آپ کی ہوسٹنگ کی معلومات کے ساتھ ہی آپ کو FTP کی معلومات بھی فراہم کی جاتی ہیں اور وہی معلومات یہاں‌ Filezilla میں دینی ہوتی ہیں.