بگرام کا فوجی اڈہ دوسرا گوانتانامو جیل بن چکا، تنظیم انسانی

[شازل]

واشنگٹن . . . امریکا میں شہری آزادی کے لیے جد جہد کرنے والی ایک تنظیم نے کہا ہے کہ افغانستان میں بگرام کا فوجی اڈا دوسرا گوانتا نامو جیل بن چکا ہے۔امریکن سول لبرٹیز یونین کی اسٹاف اٹارنی میلسا گڈمین نے ایک بیان میں گوانتانامواور بگرام کے فوجی اڈے پر قید افراد کے بارے میں تفصیلات فراہم کرنے سے پینٹاگون اور سی آئی اے کے انکار پر تشویش کا اظہار کرتے ہوئے کہا کہ اس نے بگرام میں قید 600 افراد کے نام اور شہریت معلوم کی تھی لیکن اسے یہ فراہم نہیں کی گئیں۔میلسا گڈمین کا کہنا ہے کہ بگرام میں قید افراد کی حالت نا گفتہ بہ ہے انھیں نہ عدالتوں تک رسائی کی سہولت ہے نہ وکیلوں کی۔انھوں نے کہا کہ جب تک یہ جیل خفیہ رکھی جائے گی وہاں موجود لوگوں کے مسائل حل نہیں ہو سکتے۔

[چاند بابو]

یہ امریکی پالیسی ہے کہ جب ایک جیل بدنام ہو جاتی ہے تو دوسری اس سے بھی بھیانکر جیل وجود میں آ جاتی ہے۔ امریکہ کی ایسی تمام جیلیں امریکی حدود سے باہر ہیں جس کی وجہ سے یہ انسانی حقوق کی تنظیمیں ان کے بارے میں بات تو کر سکتی ہیں لیکن امریکی قوانین کے مطابق ان کے خلاف کوئی قانونی کاروائی نہیں کر سکتی ہیں۔ امریکہ کا یہ دوہرا معیار پہلے دن سے قائم ہے اور تب تک رہے گا جب تک امریکہ رہے گا۔
‌

[شازل]

ایسی ہی جیلیں‌کئی دوسرے ممالک میں‌بھی ہیں‌ جو کہ امریکہ کی ملکیت میں ہیں
سنا ہے کہ ان میں مسلم ممالک بھی ہیں‌جن کی معاونت امریکہ کو حاصل ہے