Umera Ahmed Top Ten Novels عمیرہ احمد کے دس بہترین ناول کی فہرست مرتب کرنے کی ضرورت کیوں پیش آئی۔
Umera Ahmed Top Ten Novels عمیرہ احمد کے دس بہترین ناول کی فہرست مرتب کرنے کی ضرورت اردونامہ کو اس لئے پیش آئی کہ عمیرہ احمد کے ناولز کے شیدائی بے شمار احباب اس بات کے خواہاں تھے کہ وہ جان سکیں کہ عمیرہ احمد کے وہ کونسے ناولز ہیں جو وہ
عمیرہ احمد کا تعارف :: Introduction of Umera Ahmed
نوجوان نسل میں ادبی ذوق رکھنے والے اکثر احباب عمیرہ احمد کے نام سے ضرور واقف ہوں گے، عمیرہ احمد نے بہت کم عرصہ میں ہی بہت زیادہ لکھ کر اردو پڑھنے والوں کو اپنا گرویدہ بنا لیا ہے۔
عمیرہ احمد کے رومانوی ناول جہاں نوجوان نسل میں بے حد مقبول ہیں وہیں اچھا اردو ادب پڑھنے والے حلقوں میں بھی ان کے ناول اپنی مقبولیت رکھتے ہیں، اس کے علاوہ ان کے انہیں ناولز کو جب ٹی وی ڈرامہ کی شکل ملی تو ان کی شہرت کو چار چاند لگ گئے اور ہر گھر میں بلاشبہ کم ازکم ایک فرد ایسا ضرور موجود ہے جو کسی بھی شکل میں ان کے لکھے ہوئے ناولز یا ڈراموں کا گرویدہ ہے۔
عمیرہ احمد پاکستانی ادیب اور اسکرین لکھاری ہیں جنہیں اپنی کتاب پیر کامل کی بدولت بے تحاشہ شہرت حاصل ہوئی اور اس کے بعد اپنے متعدد ناولوں پر مبنی ٹی وی ڈراموں سے شہرہ آفاق پر پہنچیں۔
عمیرہ احمد کے ناولوں پر بننے والے ڈراموں میں میری ذات ذرہ بے نشاں، دوراہا،پیر کامل، مٹھی بھر مٹی، شہرذات,الف، میرا نصیب اور زندگی گلزار ہے شامل ہیں۔
Umera Ahmed Top Ten Novels : عمیرہ احمد کے دس بہترین ناول
عمیرہ احمد کے ناولز کی اسی مقبولیت کو دیکھتے ہوئے اردونامہ فورم نے عمیرہ احمد کے دس بہترین ناولز کی فہرست اکٹھی کی ہے تاکہ اردو پڑھنے والوں کو ایک ہی جگہ سے ان کے تمام بہترین ناولز ڈاؤنلوڈ کرنے کو مل سکیں۔
ویسے تو اردونامہ کے پاس ذاتی طور یہ فیصلہ کرنے کا کوئی خاص طریقہ نہیں ہے کہ کونسا ناول کتنا مقبول یا بہترین ہے لیکن اس کام کے لئے اردونامہ فورم کی انتظامیہ نے گڈ ریڈرز نامی ویب سائیٹ سے استفادہ کیا ہے جہاں اردو پڑھنے والے اپنی پسند نہ پسند کے حساب سے کتاب کو ریٹنگ دیتے ہیں جو ایک سے پانچ تک مشتمل ہوتی ہیں۔
ذیل میں عمیرہ احمد کے دس بہترین ناول (Umera Ahmed Top Ten Novels) فہرست شامل کی گئی ہے جہاں سے آپ نہ صرف اس ناول کے بارے میں معلومات حاصل کر سکتے ہیں بلکہ اس کی PDF Book ڈاونلوڈ بھی کر سکتے ہیں۔
پیرِ کامل از عمیرہ احمد : Peer-e-Kamal By Umera Ahmed
Umera Ahmed Top Ten Novels عمیرہ احمد کے دس بہترین ناولز میں پہلا نمبر پیرِ کامل کا ہے جسے اس کے پڑھنے والوں کے 4 اعشاریہ 44 کی ریٹنگ سے نوازا ہے۔
پیر کامل Peer-e-Kamal عمیرہ احمد کا ایک بہترین ناول ہے جو پہلے خواتین ڈائجسٹ میں سلسلہ وار چھپتا رہا۔ ان سب میں سب سے زیادہ مقبولیت ان کے ناول "پیر کامل” کو ملی۔ پہلی بار اس ناول کو اردو زبان میں 2004ء میں فیروز سنز نے کتابی صورت میں شائع کیا۔ اس کے بعد 2011ء میں اس ناول کا ترجمہ انگریزی زبان میں بھی ہو چکا ہے۔
اس ناول کا موضوع ختم نبوت صلی اللہ علیہ وسلم ہے جو مذہب اسلام کے نقطہ نظر سے ایک بنیادی عقیدہ ہے۔ یقیناً ہدایت انہیں کو دی جاتی ہے جو اس کے طلب گار ہوتے ہیں۔ پیرے کامل وہ آواز ہے جو زندگی میں ہمیں چاہیے۔ اس کہانی کا مرکزی کردار ایک لڑکی امامہ ہے جو قادیانی گھرانے سے تعلق رکھتی ہے لیکن جب اسے ہدایت ملتی ہے تو عشق رسولﷺ میں اپنا گھر چھوڑ دیتی ہے۔
سالار سکندر اس کی مدد کرتا ہے جو پیدائشی مسلمان ہے لیکن اسلامی تعلیمات سے کوسوں دور ہے، جس کی زندگی میں مذہب کوئی اہمیت نہیں رکھتا۔سالار گمراہیوں کے اندھیرے میں ڈوبا ہوا ہوتا ہے۔ اس کے علاوہ وہ اس ناول کے مشہور کرداروں میں وسیم جو امامہ کا بھائی ہے، جلال، ایک ڈاکٹر اور زینب کا بھائی ہے۔ ہاشم مبین جو وسیم اور امامہ کا باپ ہے۔ سکندر عثمان، جو سالار کا باپ ہے۔
ڈاکٹر سبط علی جو لاہور میں اسلامی علوم کا ماہر ہے، سعیدہ اماں ڈاکٹر سبط علی کی چچا زاد بہن، ڈاکٹر فرقان ایک مخلص مسلمان ہیں، سعد ظفر سالار کا دوست ہے، طیبہ جو سالار کی ماں اور سکندر عثمان کی بیوی ہے۔ یہ ناول تقریباً ساڑھے پانچ سو صفحات پر مشتمل ہے۔ اس ناول کو پی ڈی ایف (pdf) کی صورت میں ڈاؤن لوڈ کرنے کے لیے اس لنک پر کلک کریں.
الف از عمیرہ احمد : Alif Novel By Umera Ahmed
Umera Ahmed Top Ten Novels عمیرہ احمد کے دس بہترین ناولز میں دوسرے نمبر پر 4 اعشاریہ 35 کی ریٹنگ کے ساتھ ان کا ناول امر بیل ہے۔
الف ناول عمیرہ احمد کا ایک اور بہترین ناول ہے۔ ناول کے نام سے ہی کچھ حد تک واضح ہو جاتا ہے کہ یہ ناول بھی ان کے گزشتہ ناولز کی طرح حقیقی اور مجازی محبت کے امتزاج پر مشتمل ہے۔ کتاب کے سرورق پر ایک ترک درویش کے رقص کا عکس دیا گیا ہے۔ناول کی کہانی بارہ ابواب پر مشتمل ہے۔
کتاب کے انتساب میں عمیرہ احمد کی طرف سے ایک قرآنی آیت کا اردو ترجمہ درج ہے۔ جبکہ اس کے پیش لفظ میں ایک پیرا گراف میں مصنفہ نے بچپن میں پڑھی ہوئی ایک اردو کہانی کا تذکرہ کیا ہے۔ ناول الف کی تھیم بھی عمیرہ احمد کے بقول انہوں نے بچپن میں پڑھی گئی اسی کہانی سے مستعار لی ہے۔ الف ایک بہترین ناول ہے جو آپ کو ضرور پڑھنا چاہئے۔ عمیرہ احمد کا ناول الف ڈاؤنلوڈ کرنے کے لئے اس لنک پر کلک کیجئے۔
امر بیل از عمیرہ احمد : Amar Bail Novel By Umera Ahmed
Umera Ahmed Top Ten Novels عمیرہ احمد کے دس بہترین ناول میں تیسرا نمبر امر بیل ناول کا ہے جس کی ریٹنگ کا اسکور 4 اعشاریہ 27 ہے۔
اردو ناول امر بیل عمیرا احمد کی نوک قلم کا ایک شاہکار رومانوی ناول ہے۔ کہانی کے تانے بانے پاکستان کی سول سوسائٹی کی زندگی اور اطوار کے گرد بنے گئے ہیں۔ عمیرا احمد کے زیادہ تر ناولوں کا موضوع مذہب یا عورت کی ذات رہی ہے۔
تاہم امر بیل عمیرا احمد کے ان چند ایک ناولز میں سے ایک ہے جس کا مرکزی خیال مذہب سے نہیں اٹھایا گیا۔ یہ ناول کئی ماہ تک اردو ڈائجسٹ میں شائع ہوتا رہا ہے اور اس نے بہت مقبولیت حاصل کی۔ بعد ازاں اس کو کتابی شکل میں بھی پیش کر دیا گیا ہے۔ اس ناول پہ مبنی ڈرامہ بھی ٹیلی ویژن پہ آ چکا ہے۔
عمیرہ احمد کا ناول امر بیل ڈاؤنلوڈ کرنے کے لئے اس لنک پر کلک کیجئے۔
میری ذات ذرہ بے نشاں از عمیرہ احمد : Meri Zaat Zarra-e-Benishan by Umera Ahmed
Umera Ahmed Top Ten Novels عمیرہ احمد کے دس بہترین ناول میں چوتھا نمبر ان کے ناول میری ذات ذرہ بے نشاں کے حصے میں آتا ہے جسے پڑھنے والوں کے 5 میں سے 4 اعشاریہ 15 کی ریٹنگ سے نوازا ہے۔
عمیرہ احمد کا ناول میری زات زرہ بےنشان ایک ایسی عورت کی کہانی ہے جو ایمان، وفاداری اور معافی کے درمیان بری طرح پھنسی ہوئی ہے۔ کہانی کی مرکزی کردار صبا نے اپنے والدین کی خواہش کے برخلاف کہانی کے مرکزی کردار عارفین سے شادی کر لی ہے۔ صبا سے محبت ہونے کی وجہ سے عارفین اپنے اندر روحانیت کا ایک عجیب اور ناقابل فہم احساس محسوس کرتاہے۔
اپنے والدین کی ناراضگی کے باوجود وہ دونوں اپنی زندگی سے خوش اور مطمئن ہیں۔ اپنی نفرت سے مغلوب ہوکر عارفین کی ماں صبا کو بدنام کر کے اس سے چھٹکارا پانے کا ارادہ رکھتی ہے۔ جبکہ صبا برداشت، رواداری اورخدا پر غیرمتزلزل یقین سے اُس کی سازشوں سے خود کو بچانے کی ہر ممکن کوشش کرتی ہے۔ جھوٹا غرور، ظلم اور ندامت وہ سب موضوعات ہیں جو اس طاقتور کہانی کو مضبوط رنگ دیتے ہیں۔ یہ کہانی پہلی بار خواتین ڈائجسٹ میں شائع ہوئی تھی۔
عمیرہ احمد کا ناول میری ذات ذرہ بے نشاں ڈاؤنلوڈ کرنے کے لئے اس لنک پر کلک کیجئے۔
شہرِ ذات از عمیرہ احمد : Shehar-e-Zaat by Umera Ahmed
Umera Ahmed Top Ten Novels عمیرہ احمد کے دس بہترین ناول میں پانچواں نمبر ان کے ناول شہرِ ذات کے حصے میں آتا ہے۔ اس ناول کی ریٹنگ بھی 4 اعشاریہ 15 رہی ہے۔
شہر ذات، دراصل روح کی تلاش کی کہانی ہے۔ یہ اس روحانی سفر کی داستان ہے جسے انسان اس وقت طے کرتا ہے جب اُسے دنیا کی حقیقتیں سمجھ آنا بند ہو جاتی ہے۔ شہرِ ذات کی کہانی خوبصورت خواب دیکھنے والی ایک معصوم لڑکی کے گرد گھومتی ہے۔
فلک شیرافگن ایک کاروباری ٹائکون کی انتہائی خوبصورت اورا کلوتی بیٹی ہے۔ فلک فنون لطیفہ کی طالبہ ہے جو اپنے خوابوں کے شہزادے کا مجسمہ بناتی ہے اور جب وہ سلمان میں اس کا سانس لیتے مظہر کو پاتی ہے تو وہ محبت میں سر کے بل گر جاتی ہے۔ لیکن فلک، سلمان کو جتنا جاننے کی کوشش کرتی ہے ، اتنا ہی وہ اس سے دور بھاگتا ہے۔
کہانی کا پلاٹ روحانی بیداری کے بارے میں ہے۔ اس میں عشق حقیقی (خدا کے لیے انسان کی محبت) کے صوفیانہ تصورات ، اور عشق مجازی ، (ایک انسان کا دوسرے انسان کے لیے محبت) کے درمیان ایک واضح تضاد کھینچا گیا ہے۔ یہ ایسا ناول ہے جو آپ کو جذبات کی زیادتی کی وجہ سے رونے پر مجبور کرتا ہے، جسے آپ تب محسوس کریں گے جب آپ اللہ کے ساتھ اپنے تعلقات کے معنی کو سمجھیں گے۔ یہ ایک طاقتور ، گہرا دکھ دینے والا اور دل دہلا دینے والا ناول ہے۔
عمیرہ احمد کا ناول شہرِ ذات ڈاؤنلوڈ کرنے کے لئے اس لنک پر کلک کیجئے۔
عکس از عمیرہ احمد : Aks by Umera Ahmed
Umera Ahmed Top Ten Novels عمیرہ احمد کے دس بہترین ناولز میں چھٹے نمبر پر 4 اعشاریہ 12 ریٹنگ کے ساتھ ان کے ناول عکس کی باری آتی ہے۔
ناول عکس بہت ساری وجوہات کی بناء پر ایک انتہائی غیر معمولی ناول ہے، ناول کا پلاٹ، اس کا مرکزی کردار، ناول کی کہانی کی ٹائم لائن، اور ہر چیز حیرت انگیز ہے۔ اس ناول کی کہانی میں ایک ایسی خاتون کی منظر کشی کی گئی ہے جو سماجی طور پر بہت متحرک ہے لیکن جذباتی طور پر اندر سے ٹوٹی ہوئی ہے۔
خاتون کا انتہائی قابل احترام اور مستحکم انسان بننے کی طرف سفر اس کہانی کی سب سے خوبصورت بات ہے۔ میری رائے میں وہ سب سے حقیقت پسندانہ، مضبوط خاتون کا کردار ہے جو میں نے کبھی پڑھا ہے۔
عکس کسی انسان کی جدوجہد، معاشرتی ناانصافی، بچپن کے صدموں اور زندگی کی رکاوٹوں کی کہانی ہے۔ یہ ہمت کی کہانی ہے کہ کسی طرح ایک باہمت انسان ہر بار جب گر جاتا ہے تو پھر دوبارہ کیسے کھڑا ہو سکتا ہے۔ عمیرہ احمد کا عکس ناول پہلی بار ماہانہ پاکیزہ ڈائجسٹ میں اگست 2011 سے دسمبر 2012 تک شائع ہوا۔
عمیرہ احمد کا ناول عکس ڈاؤنلوڈ کرنے کے لئے اس لنک پر کلک کیجئے۔
من و سلویٰ از عمیرہ احمد : Man-o-Salwa by Umera Ahmed
Umera Ahmed Top Ten Novels عمیرہ احمد کے دس بہترین ناولوں کی فہرست میں ساتویں نمبر پر 4 اعشاریہ 12 ریٹنگ کے ساتھ ان کے ناول من و سلویٰ کی باری آتی ہے۔
من و سلویٰ ناول انسانی زندگی پر اخلاقیات کے اثرات اور زرق حلال کی برکتوں کے گرد گھومتا ہے۔ یہ کہانی ہے غربت و افلاس کی لعنتوں کے بارے میں جو انسان کو انتہائی قسم کے مادہ پرستی کی طرف لے جاتی ہے۔ یہ ایک غریب آدمی کی کہانی ہے جس نے اپنے خاندان کے لیے حلال کمایا اور انہیں یہی سکھایا۔
یہ حلال اور حرام کے درمیان فرق کے بارے میں ہے۔ یہ غربت کی لعنت سے گبھرا کر گناہ کے راستے کا انتخاب کرنے والوں کی کہانی ہے، لیکن ساتھ ہی یہ کردار کی طاقت کی تصویر کشی بھی کرتا ہے جس کی مدد سے کوئی بھی روح کی پاکیزگی کی طرف جا سکتا ہے۔
کہانی کے مرکزی کردار زینب، شیراز، کرم علی اور زری مالی حیثیت کے حوالے سے تقریبا ایک ہی طرح کے خاندانوں میں پیدا ہوئے ہیں۔ سب سے پیچیدہ کردار زینب کا ہے، جو نہایت فرمانبردار، محبت کرنے والی اور دیکھ بھال کرنے والی مذہبی لڑکی ہے۔
زینب کا والدایک ایماندار آدمی ہے۔ وہ محکمہ انکم ٹیکس میں کلرک ہے اور رشوت کے مواقع ہونے کے باوجود ہمیشہ رزق حلال کمانے پر قائم رہا۔ زینب ہمیشہ اپنے باپ کی محبت کی پناہ میں رہتی ہے۔ اس کی منگنی اس آدمی سے ہوئی جس سے وہ محبت کرتی ہے۔ اس کی شخصیت میں ایک خامی یہ ہے کہ وہ بے وقوفی کی حد تک جذباتی ہے اس لئے وہ شیراز کے محبت میں اس قدر جذباتی ہو گئی کہ وہ اس کے کردار میں بہت سی واضح خامیوں کو بھی نظر انداز کرتی رہی۔
عمیرہ احمد کا ناول من و سلویٰ ڈاؤنلوڈ کرنے کے لئے اس لنک پر کلک کیجئے۔
لاحاصل از عمیرہ احمد : La-Hasal by Umera Ahmed
Umera Ahmed Top Ten Novels عمیرہ احمد کے دس بہترین ناولوں میں آٹھواں نمبر ان کے ناول لاحاصل کے حصے میں آتا ہے جس کی ریٹنگ 4 اعشاریہ 06 ہے۔
لاحاصل ہمارے معاشرے کے ان افراد کی ایک شاندار کہانی ہے جنہوں نے زندگی میں مختلف آزمائشوں کا سامنا کیا۔ جو خواہشات، عقیدے، غرور اور تعصب کے زیراثر اپنی زندگی اپنے خیالات کے مطابق گزارتے ہیں۔
یہ کسی کے چھٹکارے اور کسی اور کے پچھتاوے کی کہانی ہے۔ یہ اپنے آپ کو گندگی سے نکالنے اور پھر خود اصلاحی اور سچائی کے راستے پر چلنے کی کہانی ہے۔ یہ ایک ایسی کہانی ہے جو بتاتی ہے کہ جب کسی کو اللہ تعالیٰ کے فضل سے روشنی ملتی ہے تو اس کے بعد کوئی اور چیز اہمیت نہیں رکھتی۔
عمیرہ احمد کا ناول لاحاصل ڈاؤنلوڈ کرنے کے لئے اس لنک پر کلک کیجئے۔
آبِ حیات از عمیرہ احمد : Aab-e-Hayyat by Umera Ahmed
Umaira Ahmed Top Ten Novels عمیرہ احمد کے دس بہترین ناولوں میں سے نویں نمبر پر ان کا ناول آبِ حیات ہے جس کی ریٹنگ 3 اعشاریہ 99 ہے۔
ناول "آب حیات” ‘پیر کامل’ کا دوسرا حصہ ہے جو عمیرہ احمد کے مطابق وہ 2004 میں اپنی گوناگوں مصروفیات کے باعث نہ لکھ پائیں۔ عمیرہ احمد کے مطابق وہ چاہتی تھیں کہ پیر کامل کی کامیابی کی گرد اور بازگشت، دونوں تھم جائیں۔ عمیرہ احمد کہتی ہیں کہ یہ ناول انہوں نے داد و تحسین کے لیے نہیں لکھا بلکہ اس لیے لکھا ہے کہ کوئی گمراہی کے راستے پر جاتے جاتے رک جائے۔
ناول "آب حیات” عمیرہ احمد کے پہلے ناول ‘پیر کامل’ کے دو مشہور کردار امامہ اور سالار کے رشتہ ازدواج کو دوام بخشنے کے مدارج کا نام ہے جو ناول میں یکے بعد دیگرے بیان کئے گئے ہیں۔ یہ ناول کل 6 ابواب پر مشتمل ہے۔ یہ ناول تقریباً چھ سو صفحات پر مشتمل ہے۔
عمیرہ احمد کا ناول آبِ حیات ڈاؤنلوڈ کرنے کے لئے اس لنک پر کلک کیجئے۔
حاصل از عمیرہ احمد : Aab-e-Hayyat by Umera Ahmed
Umaira Ahmed Top Ten Novels عمیرہ احمد کے دس بہترین ناولوں میں سے آخری یعنی دسویں نمبر پر ان کا ناول حاصل ہے جس کی ریٹنگ 3 اعشاریہ 93 ہے۔
حاصل عمیرہ احمد کی چند اہم کتابوں میں سے ایک ہے۔ یہ ناول عمیرہ احمد کی ابتدائی تحریروں میں سب سے میچور اور بہتر تحریر ہے۔ انسان ساری زندگی حاصل سے لاحاصل اور لاحاصل سے حاصل کی طرف سفر کرتا رہتا ہے اور یہی سفر انسان کی اپنی زندگی کا حاصل بھی ہے۔ حاصل ناول ایک مسلمان کی زندگی میں مذہب کی اہمیت کو اجاگر کرتا ہے۔ یہ قارئین کو بڑی رکاوٹوں کے خلاف خدائی مدد کے حصول کے لئے کسی فرد میں موجود عزم کی قوت کو دریافت کرنے میں مدد کرتا ہے۔
حاصل حدید نامی معاشرے کے ایک نظرانداز شدہ بچے کی کہانی ہے وہ ایک پرتعیش مگر مکروہ ماحول میں پرورش پاتا ہے جو اسے غیر محفوظ اور شرمیلہ بنا دیتا ہے۔ زندگی کے بارے میں اس کا انتہائی عدم اطمینان اسے ایک خطرناک فیصلہ کرنے کی طرف لے جاتا ہے۔ اپنی تنہا زندگی کے اس مرحلے پر، وہ ایک عجیب سی لڑکی سے ملتا ہے جس کا نام سانیا ہے اور اس کی زندگی نئے سرے سے شروع ہوتی ہے۔
عمیرہ احمد کا ناول حاصل ڈاؤنلوڈ کرنے کے لئے اس لنک پر کلک کیجئے۔
دوستو Umera Ahmed Top Ten Novels عمیرہ احمد کے دس بہترین ناول کی فہرست تو یہیں پر ختم ہوتی ہے لیکن اردونامہ کا اردو قارئین کے لئے بہتر سے بہترین تک کی تلاش کا یہ سفر کبھی ختم نہیں ہو گا اور اردونامہ اپنے قارئین کے لئے ہمیشہ ہی اچھے خزانوں کی تلاش میں رہے گا۔
اوپر دیئے گئے دس بہترین ناولز کے علاوہ اور بے شمار کتب آپ اردونامہ فورم کے لائیبریری پراجیکٹ اردونامہ کتاب گھر سے بھی ڈاؤنلوڈ کر سکتے ہیں۔
