ڈھونڈوں کہاں تجھے......

[چاند بابو]

حضرت جریر بن عبداللہ رضی اللہ عنہ نے اپنے غلام کو حکم دیا کہ ایک گھوڑا خرید کر لاو وہ تین سو درہم میں گھوڑا خرید کر لایا ساتھ قیمت دلانے کے لیے گھوڑے کے مالک کو بھی لیتا آیا حضرت جریر رضی اللہ عنہ کو مقرر شدہ تین سو درہم رقم بتلائی اور گھوڑا بھی پیش کردیاگیا حضرت جریر رضی اللہ عنہ نے اندازہ کیا کہ گھوڑے کی قیمت تین سو درہم سے کہیں زیادہ ہے آپ نے گھوڑے کے مالک سے کہا آپ کا یہ گھوڑا تین سو درہم سے زیادہ قیمت کا ہے کیا آپ چار سو درہم میں فروخت کریں گے اس نے جواب دیا ابو عبداللہ جیسے آپ کا جی چاہے حضرت جریر رضی اللہ عنہ نے فرمایا آپ کے گھوڑے کی قیمت چار سو درہم سے زیادہ ہے کیا آپ پانچ سو درہم میں فروخت کریں گے اس نےکہا میں تیار ہوں الغرض حضرت جریر رضی اللہ عنہ گھوڑے کی قیمت میں سو سو درہم بڑھاتے چلے گئے یہاں تک کہ آٹھ سو درہم میں گھوڑا خریدا اور رقم مالک کے حوالے کردی
حضرت جریر رضی اللہ عنہ سے کسی نے پوچھا جب مالک تین درہم پر راضی تھا تو آپ نے اسے آٹھ سو درہم دے کر اپنا نقصان کیوں کیا آپ نے اسے فرمایا بات یہ ہے کہ گھوڑے کے مالک کو اس کی صحیح قیمت کا اندازہ نہ تھا میں نے خیر خواہی کرتے ہوے اس کو پوری قیمت ادا کی کیوں کہ میں نے نبی کریم صلی اللہ علیہ وسلم سے وعدہ کیا تھا کہ ہمیشہ ہر مسلمان کی خیر خواہی کروں گا میں نے اس وعدہ کو پورا کیا۔۔۔
(نووی شرح مسلم ص 55 ج 1 )
فاٰئدہ۔۔
اس واقعہ سے دو اہم سبق حاصل ہوتے ہیں۔۔۔
1 ۔ اپنے مسلمان بھائی کے ساتھ خیرخواہی کرنا اللہ تعالی اور رسول اللہ صلی اللہ علیہ وسلم کو بہت محبوب ہے اسی لئے آپ صلی اللہ علیہ وسلم نے خاص بیعت کے وقت اس کی ہدایت فرمائی
2 ۔ کسی سے وعدہ کرکے اس کو نبھانے کا اس قدر اہتمام کہ اپنا نقصان ہوتا ہے تو ہوجائے لیکن وعدہ خلافی نہ ہو ہمیں بھی ہر مسلمان کے ساتھ بھلائی کرنی چاہیے اور تمام معاملات میں سچائی کا خیال رکھنا چاہیے اور اپنے بھاہیوں کو نقصان سے بچانا چاہیے۔

[اضواء]

الله يجزاكــ خير

[abuumaima34]

ماشاء الله یہ وہ اسلام کی پاکیزہ تعلیمات تهیں جس پر صحابہ عمل پیرا ہونے کے بعد آوے زمین پر انبیاء کے بعد سب سے مقدس جماعت بن گئ

Sent from my SM-G900M using Tapatalk