صرف یہی نہیں بلکہ دنیا کے چوٹی کے بڑے گنجان آباد ملکوں میں سے ایک اس غریب ملکی کی 26٪ اقتصاد اس کی کافی سے جڑی ہوئی ہے اور ملک کی 24٪ آبادی کا روزگار بھی کسی نا کسی طرح اسی کافی سے بندھا ہوا ہے۔ دنیا میں کافی کے ساتویں بڑے پیداواری ملک کا ایک بڑا المیہ یہ بھی ہے کہ یہ ملک اپنی پیداواری کافی کا نصف خود ہی خرچ کر جاتا ہے حالانکہ اس بات کو بڑے بڑے ماہرین اقتصاد تسلیم کر چکے ہیں کہ پٹرولیم مصنوعات کے بعد کافی دنیا کا دوسرا سب سے بڑا کاروباری ہتھیار ہے۔
زیر نظر چند تصاویر ایتھوپیا میں کافی کلچر کی عکاسی کر رہی ہیں جن میں پیداوار سے پینے کے مراحل تک کی عکاسی کی گئی ہے۔
ویکیپیڈیا اردو پر ایتھوپیین کافی کا تعارف ایسے لکھا ہوا ہے :
قہوہ یعنی کافی (Coffee) دنیا میں وسیع پیمانے پر استعمال ہونے والا مشروب ہے۔ یہ کافی کے پودے کے بھنے اور پیسے ہوۓ بیجوں سے حاصل ہوتا ہے۔ گرم یا ٹھنڈا یہ دونوں طرح استعمال ہوتا ہے۔ چاۓ کے مقابلے میں کافی میں کیفین کی مقدار بہت زیادہ ہوتی ہے۔ یہ پینے والے کو تازہ دم کر دیتی ہے۔ اور نیند بھگا دیتی ہے۔
کافی کے پودے کا اصل وطن ایتھوپیا ہے۔ وہاں سے یہ عرب آیا اور اسے قہوہ کہا گیا سلطنت عثمانیہ کے دور میں یہ یورپ پہنچا اور پھر ساری دنیا میں مقبول ہوگیا۔
بشکریہ محمد سلیم
