یہ کیا ہم تو آج تک پیکچر میسج ٹھیک سے نہیں کر سکے مگر ناسا نے چاند پر تصویر بھیج دی؟؟؟؟
کیا یہ کُھلا تضاد نہیں
ناسا کے سائنسدانوں نےخلا میں پیغام رسانی کے لیے پہلی بار لیزر ٹیکنالوجی کا استعمال کیا ہے۔
اس کامیاب تجربے میں تصویر کو لیزر شعاع کے ذریعےخلا میں چاند کے گرد چکر لگانے والےخلائی طیارے پر داغا گیاہے۔
خلا سے متعلق امریکی ادارے نے ایک نئے لیزر اسٹیشن 'گوڈارڈ اسپیس سینٹر' ( میری لینڈ) سے'لیوناراڈو ڈاونچی' کی شاہکار پینٹنگ کی ماڈل 'مونا لیزا' کی ڈیجیٹل تصویر کو لیزر شعاع کے ذریعے چاند کے گرد چکر لگانے والے جاسوس خلائی طیارے'لونر ریکوناسینس آربیٹ (ایل آر او)' پر بھیجا ہے۔
جاسوس خلائی طیارے نے تصویر کے موصول ہوتے ہی اسے دوبارہ خلا سے ریڈیوسگنل کے ذریعے زمین پر واپس بھیج دیا ہے۔
مونا لیزا کی تصویر 2 لاکھ 0 ہزار میل یا 3 لاکھ 84 ہزار کلو میٹر دوری کا فاصلہ طے کرتی ہوئی ناسا کے خلائی طیارے پر بھیجی گئی۔
ناسا کے سائنسدانوں کے مطابق لیزرٹیکنالوجی کے ذریعے خلا میں تیز رفتار پیغام رسانی کی ابتداء ہوئی ہےجس کی مدد سے مواصلاتی خلائی طیارے ذیادہ سے ذیادہ معلومات زمین تک پہنچا سکیں گے.
اس موقع پر ناسا کے تحقیق کار'ڈیوڈ اسمتھ' نے کہا کہ یہ پہلا موقع ہے جب سائنسدانوں نے یک طرفہ لیزرٹیکنالوجی کو استعمال کرتے ہوئے ہزاروں میل دوری تک پیغام رسانی کا کامیاب تجربہ کیا ہے۔
انھوں نے امید ظاہر کرتے ہوئے کہا کہ مستقبل قریب میں خلا میں پیغام رسانی کے لیے لیزر ٹیکنالوجی کو موجودہ ریڈیو کےمواصلاتی نظام کے متبادل کے طور پر استعمال کیا جا سکے گا، اور یہ بھی ممکن ہے کہ یہ جدید مواصلاتی نظام خلا سے زیادہ سے زیادہ معلومات جمع کرنے میں ریڈیو سے ذیادہ مددگار ثابت ہو۔
چاند کے گرد چکر لگانے والا جاسوس طیارہ ایل آر او LRO)) کو سال 2009 میں ناسا نے چاند کے بارے میں معلومات اکھٹی کرنے کے لیےخلا میں بھیجا تھا، جو چاند کی مٹی، زمین کی ساخت اور ماحول سے متعلق اہم معلومات اور تصاویر ریڈیو سگنل کے ذریعہ زمین پرناسا کے سائنسدانوں کو بھیجنے کا کام انجام دیتا ہے۔
یہ خلائی طیارہ لیزرٹیکنالوجی سے لیس ہے یہ ہی وجہ ہے کہ سائنسدانوں نے اپنے پہلے تجربے کے لیے'ایل آر او' کا انتخاب کیا، جبکہ سولر سسٹم سے متعلق تحقیقات کرنے والے دیگر خلائی طیاروں میں ریڈیو کے مواصلاتی نظام کے ذریعے ہی معلومات اکھٹی کی جا سکتی ہے۔
چاند سے متعلق معلومات اکھٹی کرنے والی ٹیم 'لونر آربیٹ لیزر الٹی میٹر' (LOLA ) نے مونا لیزا کی ڈیجیٹل تصویر کو لیزر کے ذریعے خلا میں بھیجنے کے لیے تصویر کو 30 ہزار4 سو پکسل میں تقسیم کیا۔
یہ پکسل خلائی طیارے ایل آر او پر باری باری لیزر کی مدد سے داغے گئے، جبکہ ہر پکسل کو داغے جانے کے درمیان وقفہ رکھا گیا۔ 300 بٹس فی سکینڈ کی رفتار سے لیزر کے ذریعے موصول ہونے والی تصویر خلائی طیارے میں بائیں جانب سےاوپر دائیں جانب نیچے کی طرف جڑتی چلی گئی۔
اس ٹرانسمیشن کا ٹیسٹ لینے کے لیے تصویر کو ریڈیو سگنل کی مدد سے زمین پر موجود ناسا کے اسٹیشن پر واپس بھیجا گیا۔ اگرچہ، تصویر اپنی اصلی حالت میں واپس نہیں آئی مگر سائنسدانوں کا کہنا ہے کہ اتنی زیادہ دوری سے پہنچنے والی اس تصویر پر زمین کے موسمی اثرات مرتب ہوئے۔
تاہم، سائنسدانوں نے تصویر کو'ریڈ سولومن کوڈنگ' کی مدد سے ٹھیک کرلیاہے۔ یہ وہی طریقہ ہےجو عام طور پر سی ڈی اور ڈی وی ڈی کے معیار کو بہتر بنانے کے لیے استعمال کیا جاتا ہے۔
ناسا کے تحقیق کار 'رچرڈ وانڈریک' کے مطابق، لیزر کی مدد سے پیغام رسانی کا ذریعہ ناسا کے چاند سے متعلق اگلے مشن میں کلیدی کردار ادا کرسکتا ہے۔
سائنسدانوں کی اس کامیابی سے یہ بات ثابت ہوتی ہے کہ مستقبل میں خلا سے زیادہ سے زیادہ معلومات اکھٹی کرنے کے لیے لیزر ٹیکنالوجی کو بطور مواصلاتی متبادل استعمال کیا جا سکے گا۔
چاند پرمونا لیزا کی تصویر کیسے؟
-
- منتظم سوشل میڈیا
- Posts: 6107
- Joined: Thu Feb 09, 2012 6:26 pm
- جنس:: مرد
- Location: السعودیہ عربیہ
- Contact:
چاند پرمونا لیزا کی تصویر کیسے؟
ممکن نہیں ہے مجھ سے یہ طرزِمنافقت
اے دنیا تیرے مزاج کا بندہ نہیں ہوں میں
اے دنیا تیرے مزاج کا بندہ نہیں ہوں میں
Re: چاند پرمونا لیزا کی تصویر کیسے؟
معلومات میں اضافہ کے لیے شکریہ
بڑی بے چین رہتی ہے طبیعت اب میری محسن
مجھے اب قتل ہونا ہے، مگر قاتل نہیں ملتا
مجھے اب قتل ہونا ہے، مگر قاتل نہیں ملتا
-
- ٹیم ممبر
- Posts: 40424
- Joined: Sun Aug 15, 2010 4:26 am
- جنس:: عورت
- Location: {الدمام}المملكةالعربيةالسعوديه
Re: چاند پرمونا لیزا کی تصویر کیسے؟
اضافی معلومات پر آپ کا شکریہ
[center]یہ بھی انداز ہمارے ہے تمہیں کیا معلوم
ہم تمہیں جیت کے ہارے ہے تمہیں کیا معلوم[/center]
ہم تمہیں جیت کے ہارے ہے تمہیں کیا معلوم[/center]
Re: چاند پرمونا لیزا کی تصویر کیسے؟
شکریہ بھیا جی
-
- کارکن
- Posts: 41
- Joined: Sat Dec 28, 2013 10:44 pm
- جنس:: مرد
Re: چاند پرمونا لیزا کی تصویر کیسے؟
اچھی معلومات دی ہے جناب...،،،،
-
- منتظم اعلٰی
- Posts: 6565
- Joined: Thu Jul 15, 2010 7:11 pm
- جنس:: مرد
- Location: پاکستان
- Contact:
Re: چاند پرمونا لیزا کی تصویر کیسے؟
شئرنگ کا شکریہ
لیزر ٹیکنالوجی بہت جلد نئی نئی ایجادات سامنے لا سکتی ہے ..
لیزر ٹیکنالوجی بہت جلد نئی نئی ایجادات سامنے لا سکتی ہے ..
Re: چاند پرمونا لیزا کی تصویر کیسے؟
بہت صحیح کہا آپ نے شعیب بھائی
بڑی بے چین رہتی ہے طبیعت اب میری محسن
مجھے اب قتل ہونا ہے، مگر قاتل نہیں ملتا
مجھے اب قتل ہونا ہے، مگر قاتل نہیں ملتا
Re: چاند پرمونا لیزا کی تصویر کیسے؟
میں آج زد میں ہوں خوش گماں نہ ہو
چراغ سب کے بجھیں گے ہوا کسی کی نہیں .
چراغ سب کے بجھیں گے ہوا کسی کی نہیں .