ٹوٹ بٹوٹ کی موٹر کار . صوفی تبسّم

[سخنور]

ٹوٹ بٹوٹ کی موٹر کار


اِس موٹر کی شان نرالی
دو سیٹوں، دو پہیوں والی
تین انجن اور ہارن چار
ٹوٹ بٹوٹ کی موٹر کار

ساتھ ہوا کے اڑتی جائے
دائیں بائیں مڑتی جائے
بڑی ہی سیانی بڑی ہُشیار
ٹوٹ بٹوٹ کی موٹر کار

اِس موٹر کا اللہ بیلی
کوئی نہ ہو تو پھرے اکیلی
گھومے گلی گلی بازار
ٹوٹ بٹوٹ کی موٹر کار

کوئی کہے یہ سائیکل ہے
کوئی کہے یہ ٹرائیسکل ہے
کوئی کہے یہ موٹرکار
ٹوٹ بٹوٹ کی موٹر کار

جیسے چاہو اَسے چلاؤ
جو بھی چاہو اسے بنا لو
بمبو کاٹ کا بمبو کاٹ ہے
ٹوٹ بٹوٹ کی موٹر کار

رنگت اِس کی کالی کالی
صورت اِس کی بھولی بھالی
قیمت اِس کی ساٹھ ہزار
ٹوٹ بٹوٹ کی موٹر کار

ٹوٹ بٹوٹ کلینر اس کا
ٹوٹ بٹوٹ ڈرائیور اس کا
وہی ہے گاڑی وہی سوار
ٹوٹ بٹوٹ کی موٹر کار

اِک موٹر، اِک ٹوٹ بٹوٹ
دونوں برابر کی ہیں چوٹ
ایک سواری ایک سوار
ٹوٹ بٹوٹ کی موٹر کار

یوں تو ہر دم چُپ رہتی ہے
ہارن بجے تو یوں کہتی ہے
دیکھو میں ہوں موٹر کار
ٹوٹ بٹوٹ کی موٹر کار


از صوفی غلام مصطفیٰ تبسّم

[شازل]

بہت خوب a180:
بہت شکریہ

[سخنور]

پسند کرنے کے لئے بہت شکریہ شازل صاحب! جلد ہی مزید ٹوٹ بٹوٹ کی کارستانیاں بھی شئیر کروں گا.

[شازل]

اوکے ہمیں انتظار رہے گا.

[فرحان دانش]

بہت بڑھیا

[سخنور]

بہت شکریہ فرحان صاحب!

[محمد شعیب]

اگست 2009 کی یہ پوسٹ میں نے آج پڑھی.
بہت پرانی یادیں تازہ ہو گئیں.
شئرنگ کا شکریہ