لال بجھکڑ از سعید لخت

[سخنور]

لال بجھکڑ


لال بجھکڑ نام تھا اُن کا
ناچ اور گانا کام تھا اُن کا

اِک دن وہ شامت کے مارے
جاپہنچے اِک جھیل کنارے

سوچا، بیٹھوں، کچھ سستا لوں
تاک دِھنا دِن ٹھمری گا لوں

لمبے لمبے دانتوں والا
ایک مگرمچھ کالا کالا

بڑے بڑے سے جبڑے کھولے
پاس وہ آیا، ہولے ہولے

بولا "آؤ لال بجھکڑ
بیٹھو، کھاؤ گھی اور شکّر"

تھر تھر کانپے، تھر تھر لرزے
لال بجھکڑ خوف سے، ڈر سے

حال جب اُن کا دیکھا پتلا
ہنسا مگرمچھ اور یوں بولا

"جو تُم یوں ہی جھجکے بھائی
کی بس تُم نے خوب کمائی"

"لو اب اپنا ساز اٹھاؤ
کوئی سریلی تان اڑاؤ"

لال بجھکڑ خوف کے مارے
بھول گئے "دھا پا ما گا رے"

ڈرتے ڈرتے ساز اُٹھایا
اور اِک میٹھا راگ بجایا

آئی مگر مچھ کی اب باری
ناچ کی اُس نے کی تیّاری

دُم کو اٹھایا، سر کو جھکایا
ٹھُم مَک ٹھُم مَک ناچ دکھایا

ناچ میں یوں اس کو الجھا کر
لال بجھکڑ موقع پا کر

سَرپٹ، بگ ٹُٹ ایسے بھاگے
سانس لیا گھر پر ہی آ کے

"جان بچی سو لاکھوں پائے
خیر سے بُدّھو گھر کو آئے"

[سخنور]

لال بجھکڑ میری آواز میں سنیے.

http://www.youtube.com/watch?v=vVskz9-Sq8M

[بوبی]

بہت خوب فرخ میاں زبردست
میرا خیال ہے یہ مزاحیہ شاعری والے حصئے میں ہونی چاہیے

[سخنور]

شکریہ بوبی صاحب! لیکن یہ بچوں کی نظم ہے. بچوں کا ادب ایسا ہی ہوتا ہے.

[چاند بابو]

بہت خوب محترم سخنور صاحب کیا یہ آپ کی اپنی شاعری ہے؟؟
بہترین شئرنگ کے لئے بہت شکریہ۔
بوبی بھیا میرے خیال میں یہ گوشہ نونہال مٰیں ہی بہتر ہے۔

[سخنور]

چاند صاحب یہ سعید لغت صاحب کی نظم ہے. میں نے عنوان میں‌ لکھا بھی ہے.

[چاند بابو]

سوری میں نے دیکھا نہیں تھا۔

[شازل]

واقعی بچوں کی نظمیں‌ایسی ہی ہوتی ہیں

[رضی الدین قاضی]

لال بجھکڑ


لال بجھکڑ نام تھا اُن کا
ناچ اور گانا کام تھا اُن کا

اِک دن وہ شامت کے مارے
جاپہنچے اِک جھیل کنارے

سوچا، بیٹھوں، کچھ سستا لوں
تاک دِھنا دِن ٹھمری گا لوں

لمبے لمبے دانتوں والا
ایک مگرمچھ کالا کالا

بڑے بڑے سے جبڑے کھولے
پاس وہ آیا، ہولے ہولے

بولا "آؤ لال بجھکڑ
بیٹھو، کھاؤ گھی اور شکّر"

تھر تھر کانپے، تھر تھر لرزے
لال بجھکڑ خوف سے، ڈر سے

حال جب اُن کا دیکھا پتلا
ہنسا مگرمچھ اور یوں بولا

"جو تُم یوں ہی جھجکے بھائی
کی بس تُم نے خوب کمائی"

"لو اب اپنا ساز اٹھاؤ
کوئی سریلی تان اڑاؤ"

لال بجھکڑ خوف کے مارے
بھول گئے "دھا پا ما گا رے"

ڈرتے ڈرتے ساز اُٹھایا
اور اِک میٹھا راگ بجایا

آئی مگر مچھ کی اب باری
ناچ کی اُس نے کی تیّاری

دُم کو اٹھایا، سر کو جھکایا
ٹھُم مَک ٹھُم مَک ناچ دکھایا

ناچ میں یوں اس کو الجھا کر
لال بجھکڑ موقع پا کر

سَرپٹ، بگ ٹُٹ ایسے بھاگے
سانس لیا گھر پر ہی آ کے

"جان بچی سو لاکھوں پائے
خیر سے بُدّھو گھر کو آئے"

شاندار نظم شیئر کرنے کا بہت بہت شکریہ۔

[سخنور]

بہت بہت شکریہ رضی صاحب!

[محمد شعیب]

"جان بچی سو لاکھوں پائے
خیر سے بُدّھو گھر کو آئے"

یہ آخری شعر تو بہت سنا تھا لیکن مکمل نظم پہلی پرتبہ پڑھی.
شئرنگ کا شکریہ
سخنور صاحب آج کل کہاں غائب ہو گئے ؟