تم مظہر اوصاف خدائے دوجہاں ہو

[احمداسد]

تم فخر رسولاں ہو شہ کون و مکاں ہو
تم حاصل کل باعث تخلیق جہاں ہو
تم بحر کرم ابرسخا منبع احساں
تم مظہر اوصاف خدائے دوجہاں ہو
تم سارے زمانے کے لئے آیہ رحمت
تم درس اخوت ہو محبت کا بیاں ہو
تم خستہ دلوں کے لئے سرمایہ تسکیں
تم مرہم زخم دل آشفتہ سراں ہو
ظلمت کدہ دہر میں‌ ہے تم سے اجالا
پردے میں مہ و مہر کے تم نورفشاں ہو
وہ سنگ گراں راہ میں ہوتا ہے جو حائل
چھولے جو قدم آپ کے منزل کا نشاں ہو
کب آئے گی وہ صبح سعادت مرے آقا!
جب یہ دل شوریدہ مدینہ کو رواں ہو
ہو نام محمد لب کیفی پہ الہی!
جب طائر جاں گلشن ہستی سے رواں ہو

صلی اللہ علیہ و سلم ۔ صلی اللہ علیہ و سلم ۔ صلی اللہ علیہ و سلم

کلام: حضرت زکی کیفی بن مفتی محمد شفیع مرحوم

[چاند بابو]

جزاک اللہ بھیا شئیر کرنے کا بہت بہت شکریہ.

[بلال احمد]

شیئرنگ کا شکریہ

[اضواء]

شیئرنگ پر آپ کا بہت بہت شکریہ

[احمداسد]

آپ سب دوستوں کا بھی بہت شکریہ .