اردونامہ فورم

السلام علیکم
آج میں آپ کے لئے پلے لسٹ بنانے کا ٹیوٹوریل لے کر حاضر ہوا ہوں.
پلے لسٹ کا تعارف:
اگر آپ کے پاس کئی ساری آڈیو یا ویڈیو فائلز ہیں اور آپ انہیں اس طرح پلے کرنا چاہتے ہیں کہ جب پہلی ویڈیو یا آڈیو ختم ہو تو اگلی خود بخود پلے ہو جائے یعنی ایک کلپ ختم ہونے کے بعد دوسرا کلپ خود بخود پلے ہو اور ترتیب بھی آپ کی مرضی سے ہو تو اس کام کے لئے ایک پلے لسٹ‌ بنائی جا سکتی ہے.
جس کا طریقہ یہ ہے.
آپ ان تمام فائلز کو جنہیں آپ بالترتیب پلے کرنا چاہتے ہیں، ایک فولڈ میں جمع کر دیں.
اب نوٹ پیڈ اوپن کریں اور ان فائلز کے نام بمع ایکسٹنش لکھیں.
اگر آپ ایکس ٹنشن نہیں جانتے تو اس فولڈر کی مینیو بار میں Tools پر کلک کریں، پھر Folder Options پر کلک کریں.



تو ایک ڈائلاگ بکس کھلے گا. اس بکس میں View کے ٹیب پر کلک کریں.



اور نیچے Hide extensions for known file types کو ان چیک کر دیں. اب آپ کی آڈیو یا ویڈیو فائل کے نام کے ساتھ اس کا ایکس ٹینشن بھی نظر آئے.
ایک فائل کا نام لکھ کر انٹر پریس کریں اور اگلی فائل کا نام نیچے لکھیں. یعنی ہر فائل کا نام الگ لائن میں.



اب اس نوٹ پیڈ فائل کو سیو کریں. اور سیو کرتے وقت اس کا فارمیٹ m3u رکھیں. مثلا play.m3u



اور سیو بھی اسی فولڈر میں کریں جہاں آپ کی تمام آڈیو یا ویڈیو فائلز ہیں.
اب اس فائل کو پلے کریں اور ری لیکس ہو جائیں. یعنی ایک کلپ ختم ہونے کے بعد دوسرا خود چل پڑے گا.
اگر سمجھ نہیں آیا تو پوچھ لیں.
اور ہاں ! آسانی کے لئے اپنی آڈیو یا ویڈیو فائلز کا نام بھی مختصر کر دیں. مثلا 1.mp4, 2.mp4 وغیرہ. تو نام لکھنے میں دشواری بھی نہیں ہو گی.

مفید ٹیوٹوریل پیش کرنے کے لیئے بہت بہت شکریہ بھائی.

شکریہ بڑی اچھی معلومات شئیر کی ہیں

وعليكم السلام و رحمة الله و بركاته
بہتترین ہے

آپ کا شکریہ

آپ سب کا بھی شکریہ

معلوماتی شیئرنگ کیلئے شکریہ

آپ کا بھی شکریہ

بہت خوب اچھی ٹپ ہے شکریہ.
مگر جس کے پاس کوئی آڈیو ویڈیو فائل نا ہو اس کا کیا؟؟؟

چاند بابو !
اگر کسی کے پاس کمپیوٹر ہے اور اس میں آڈیو، ویڈیو فائلز نہیں ہیں تو اس کا کمپیوٹر کلرک کا دفتر ہو گا.

کچھ کچھ باتوں کے درمیں "عکس" تحریر سمجھ نہیں آئی

شاید کوئی تصویر ہے .. تو پھر یہ ڈلیٹ ہوگئی ہے یہ کردی گئی ہے .

ان فائلوں کے نام لکھنے کا مشکل کام کرنے کی بجائے ہم یہ تمام کام جیٹ آڈیو سافٹوئیر میں باآسانی کر سکتے ہیں.
بس فائلوں کو ایڈ کر لیں اور پھر اسکو ایم 3 یو فارمیٹ میں محفوظ کر لیں.

عمرفاروق wrote:کچھ کچھ باتوں کے درمیں "عکس" تحریر سمجھ نہیں آئی

شاید کوئی تصویر ہے .. تو پھر یہ ڈلیٹ ہوگئی ہے یہ کردی گئی ہے .

جی بھیا آپ بالکل درست سمجھے. دراصل اردونامہ کے لئے ہم جو مفت امیج ہوسٹنگ سروس استعمال کر رہے تھے وہ بند ہو گئی ہے.
اور اردونامہ پر ماضی میں لگائے گئے تمام امیجز بھی ساتھ ہی حذف ہو گئے ہیں اب صرف ان کا الٹ ٹیکسٹ نظر آ رہا ہے.