ہُوا ہوں میں حیران تھانے میں آ کر

[جعفر بشیر]

ہُوا ہوں میں حیران تھانے میں آ کر
لو ہاتھی گیا مان تھانے میں آ کر

یہ کرتے ہیں خدمت ذرا ہٹ کے سب سے
کہ بُھولے ہے پہچان تھانے میں آ کر

کرو گے جو تُم مُک مکا تو ہے بہتر
نکالیں ہیں یہ جان تھانے میں آ کر

ہو سکتے ہیں سیدھے عدالت جو چاہے
حکومت کے سلطان تھانے میں آ کر

لو پھیرو یہ لتّر نہ مانے اگر تو
سُنو گے یہ فرمان تھانے میں آ کر

کئی برسوں تشریف سہلائے آ کر
جو بنتا ہے مہمان تھانے میں آ کر

حقیقت ہے شیطان انساں نہیں ہے
بنے گا وہ انسان تھانے میں آ کر

ملے ہیں یہاں آ کے کھانے میں چھِتّر
نہ کھاؤں یہ پکوان تھانے میں آ کر

بُلائیں جو جعفرؔ کسی کو بھی یونہی
خطا ہوویں اوسان تھانے میں آ کر

[اضواء]

زندگی بھر نا بھولنے والی آؤ بھگت ہوتی ہے ....

[چاند بابو]

ہاہاہاہاہاہا
بہت خوب محترم جعفر بشیر صاحب بہت اچھی شاعری شئیر کرنے کا شکریہ۔

کیا یہ آپ کا اپنا کلام ہے؟؟

[جعفر بشیر]

ہاہاہاہاہاہا
بہت خوب محترم جعفر بشیر صاحب بہت اچھی شاعری شئیر کرنے کا شکریہ۔

کیا یہ آپ کا اپنا کلام ہے؟؟

محترم چاند صاحب

عزت افزائی اور پسندیدگی کا بے حد شکریہ اور اس کلام پر طبع آزمائی بندہ ناچیز کی ہے
اگر آپ کی حوصلہ افزائی رہی تو میں آئندہ بھی یہ جسارت کرنے کی گستاخی کرتا رہوں گا-

[چاند بابو]

بہت خوب آپ تو ماشااللہ بہت اچھی شاعری کرتے ہیں۔
ہمیں آپ کی مزید شاعری کا ہمیشہ انتظار رہے گا۔

[اضواء]

بہت خوب آپ کا شکریہ

محترم “جعفر بشیر“ صاحب آپ سےایک گذارش ہے کہ آپ اپنا تعارف نامہ یہاں پیش کر دیں
تاکہ گفتگو میں آسانی ہو۔

[link]http://urdunama.org/forum/viewtopic.php?f=3&t=6729[/link]

[زین]

بہت خوب

[محمد شعیب]

[اعجازالحسینی]

بہت زبردست جناب