میں نے تو میچ دیکھنا ہی چھوڑ دیا تھا. جنگ کی تازہ ترین میں دیکھا کہ پاکستان جیت گیا تو یقین نہیں آ رہا تھا
ابوظہبي … پاکستان نے ابوظہبي ٹيسٹ ميں انگلينڈ کو72رنز سے ہرا کر تين ٹيسٹ ميچزپر مشتمل سيريز دو،صفر سے جيت لي. پاکستان کي جانب سے ديئے گئے ہدف145رنز کے تعاقب ميں پوري انگلش ٹيم 72رنز پر ڈھير ہوگئي جو پاکستان کے خلاف اس کا کم ترين اسکور ہے. ميچ کے چوتھے روز پاکستاني اسپنرز عبدالرحمان، سعيد اجمل اور محمد حفيظ نے انگلش بيٹنگ لائن کو تہس نہس کرتے ہوئے پوري ٹيم کي بساط کو 72رنز پر لپيٹ ديا. عبدالرحمن نے کيريئر کي بہترين بولنگ کرتے ہوئے 6 اور سعيد اجمل نے 3 وکٹيں حاصل کيں، محمد حفيظ ايک وکٹ لينے ميں کامياب ہوئے. آخري اننگز ميں 6 اور ميچ ميں 8 وکٹيں لينے والے پاکستاني اسپنر عبدالرحمان کو مين آف دي ميچ قرار ديا گيا. چائے کے وقفے کے بعدجب انگلش ٹيم نے 39 رنز 4 کھلاڑي آو?ٹ پر اپني اننگز کا دوبارہ آغاز کيا تو ايک بار پھرپاکستاني اسپنرز کھيل پر چھائے رہے. انگلش بيٹسمين کي 6 وکٹيں صرف 33 رنز کا ہي اضافہ کرسکيں. چائے کے وقفے سے قبل چائے کے وقفے تک انگلينڈ 4 وکٹوں کے نقصان پر 39 رنز بنانے ميں کامياب ہوا تھا. سعيد اجمل نے اپنے ٹيسٹ کيريئر کي 100 وکٹيں بھي مکمل کرليں. يہ ٹيسٹ بھي ايک مرتبہ پھر اسپنرز کے نام رہا اور چاليس ميں سے 31 وکٹيں اسپنرز نے ليں.شاندار پرفارمنس کا مظاہرہ کرنے والے پاکستاني اسپنر عبدالرحمان نے ميچ ميں 8 ، سعيد اجمل نے 7 اور محمد حفيظ نے 4 وکٹيں ليں. پاکستان نے 2005ء کے بعد انگلينڈ کے خلاف ٹيسٹ سيريز ميں کاميابي حاصل کي .
