اردو افسانوں کے لئے معاونت

[چاند بابو]

محترم خاور بھائی کی افسانوں کی کتاب مجھ تک پہنچ چکی ہے لیکن اس میں بہت زیادہ غلطیاں ہیں اصل میں انہوں نے “ی“ لکھنے کی بجائے ہر جگہ پر “ے“ کا استعمال کیا ہے اور یونی کوڈ میں تبدیلی کے بعد اس کا حلیہ بہت بگڑ گیا ہے اور عبارت کچھ یوں بن رہی ہے۔
اصل عبارت: میں اردونامہ فورم پر کیا لکھنےگیا تھا“
خاور بھائی کی عبارت: مےں اردونامہ فورم پر کےا لکھنےگےا تھا“
مجھے کیونکہ دفتری معاملات سے فرصت بہت ہی کم ملتی ہے اس لئے وقت نہیں ہوتا کہ اس کو درست کر دوں۔ اگر کوئی بھائی اس کام کے لئے اپنی خدمات پیش کر دے تو میں یہ فائل اور اردو ایڈیٹر اسے بھیج دوں تاکہ جلد ازجلد افسانے اردونامہ کی رونق بن سکیں۔

[شمشاد]

فائل کتنی بڑی ہے؟ کتنے افسانے ہیں؟ اس کے متعلق کچھ بتائیں۔ ایک رکن پر سارا بوجھ ڈال دینا زیادتی ہو گی۔ کام کو تقسیم کیا جا سکتا ہے۔

[چاند بابو]

بھائی فائل تو کافی بڑی ہے اصل میں خاور بھائی نے اپنی ساری کتاب ہی ہمیں بھیج دی ہے اور اس فائل کے 143 صفحات ہیں۔ جو دوست جتنا کام کر سکتا ہے اسے اتنا کام دے دیا جائے گا۔ میرے خیال میں ایک ایک افسانہ اگر تمام افراد اپنے ذمہ لیں تو کام بہت جلد ہو جائے گا۔

[رضی الدین قاضی]

جناب خاور بھائی کو ان سے ہونے والی غلطیاں بتائی جا چکی تھی پھر بھی انہوں نے وہی غلطیاں دہرائی ۔ وقت کی کمی کا سامنا سبھی اراکین کر رہے ہیں۔ خاور بھائی کی طرح اور بھی بھائی ایسی غلطیاں کر سکتے ہیں۔ بہتر ہوگا جناب خاور بھائی کو ان کی کتاب درستی کے لیئے واپس بھیج دی جائے ۔ اس طرح ان کو اپنی غلطیوں کو نہ دہرانے کی مشق بھی ہو جائے گی۔

[چاند بابو]

رضی بھائی اصل میں خاور بھائی سے بات ہوئی ہے یہ کتاب جب شائع ہوئی تب ان کے علم میں یہ بات نہ تھی کہ یونی کوڈ میں تبدیلی میں مشکلات پیش آ سکتی ہیں۔ اس لئے اس میں یہ غلطیاں موجود ہیں اور کمپیوٹر کا استعمال اتنا نہ جاننے کی وجہ سے وہ خود سے اس میں تبدیلیاں کرنے سے قاصر ہیں۔ ہاں البتہ مستقبل میں انہوں نے درستگی کا عہد کر لیا ہے اس لئے یہ کام تو اب ہمیں ہی کرنا پڑے گا۔ اب بتائیے آپ کیا کہتے ہیں کیا آپ کو کچھ صفحات بھیج دوں یا نہیں۔

[رضی الدین قاضی]

چاند بھائی ہمارے یہاں بجلی کا سنگیں مسلہ درپیش ہے۔ صبح نو بجے تک تو بجلی صحیح رہتی ہے، مگر بعد میں آنکھ مچھولی کھیلنے لگتی ہے۔ کبھی کھبی پورے دن بجلی نہیں رہتی۔ کمپیوٹر پر کام کرتے وقت اچانک بجلی چلی جاتی ہے تو بڑی کوفت ہوتی ہے۔ ایسے حالات میں کچھ بھی نہیں کر پاؤنگا۔

[چاند بابو]

چلئے ٹھیک ہے میں کوئی اور ساتھی ڈھونڈ لیتا ہوں اپنی معاونت کے لئے۔ میں تو کہتا تھا کہ بجلی کا مسئلہ صرف ہمارے ساتھ ہی ہے لیکن آپ بھی ہمارے بھائی ہی ہو۔

[رضی الدین قاضی]

شکریہ چاند بھائی، آپ میری مجبوری کو سمجھ گئے۔