کتنے بن جلائے گی ، اک شرار کی وحشت ------- تازہ غزل --- م۔م۔

[م۔م۔مغل]

[center]غزل

انحصار کرنے کو تھی بہار کی وحشت
میں نے اور وحشت سے استوار کی وحشت

چاپ جب سلگتی ہو ، آہٹیں سسکتی ہوں
آنکھ میں اترتی ہے ، اشکبار کی وحشت

خامشی کے سرمائے دشتِ جاں میں چھوڑ آئے
اب نئے سفر پر ہے ، کاروبار کی وحشت

بے کلی فغاں کرنے میرے دل تک آپہنچی
اور میں نے مجبوراً ، اختیار کی وحشت

میں بھلا کہاں جاؤں، بستیوں پہ پہرہ زن
بام و در کی خاموشی، رہگزار کی وحشت

منفعت کا دکھ آخر کیوں جہان میں بانٹوں
میں نے خود اگائی تھی اعتبار کی وحشت

اے فشانِ کوہِ عشق بات کیا ہے آخر کیوں
عمر بھر سلگتی ہے ، انتظار کی وحشت

کچھ خبر تو ہو آخر کس لیے دھڑکتی ہے
اے ٍغزالِ دشتِ دل ، بار بار کی وحشت

اے زمینِ نومردہ کچھ توبول آنکھیں کھول
میں کہاں چھپاؤں گا شہریار کی وحشت

پات پات پر محمود ایک خوف رقصاں ہے
کتنے بن جلائے گی اک شرار کی وحشت
م۔م۔مغل

آپ احباب کی گراں قدر رائے اور نقد ونظر کا منتظر ہوں [/center]

[چاند بابو]

[center]

خامشی کے سرمائے دشتِ جاں میں چھوڑ آئے
اب نئے سفر پر ہے ، کاروبار کی وحشت

[/center]

[center]

کچھ خبر تو ہو آخر کس لیے دھڑکتی ہے
اے ٍغزالِ دشتِ دل ، بار بار کی وحشت

[/center]

بہت خوب محترم م۔م مغل صاحب آپ نے تو بہت کمال لکھا ہے آپ واقعی بلاشبہ بلا کے ہنرمند ہونے کے ساتھ ساتھ ایک بے حد حسین پیرائے کے شاعر بھی ہیں۔ بہت شکریہ اردونامہ پر اپنی خوبصورت غزل شئیر کرنے کا بہت بہت شکریہ۔

[رضی الدین قاضی]

واہ، مغل صاحب۔
بہت ہی عمدہ غزل شئیر کرنے کے لیئے شکریہ۔

[م۔م۔مغل]

[center]

خامشی کے سرمائے دشتِ جاں میں چھوڑ آئے
اب نئے سفر پر ہے ، کاروبار کی وحشت

[/center]

[center]

کچھ خبر تو ہو آخر کس لیے دھڑکتی ہے
اے ٍغزالِ دشتِ دل ، بار بار کی وحشت

[/center]

بہت خوب محترم م۔م مغل صاحب آپ نے تو بہت کمال لکھا ہے آپ واقعی بلاشبہ بلا کے ہنرمند ہونے کے ساتھ ساتھ ایک بے حد حسین پیرائے کے شاعر بھی ہیں۔ بہت شکریہ اردونامہ پر اپنی خوبصورت غزل شئیر کرنے کا بہت بہت شکریہ۔

بہت بہت شکریہ چاند بھائی۔
آپ کی محبت اور حوصلہ افزائی کیلیے ممنون ہوں۔
آپ کا بھائی ۔
م۔م۔مغل

[م۔م۔مغل]

واہ، مغل صاحب۔
بہت ہی عمدہ غزل شئیر کرنے کے لیئے شکریہ۔

میرے محترم رضی الدین بھائی۔۔
آپ کی محبت ہے ۔ ورنہ من آنم کہ من دانم
اظہارِ پسندیدگی کیلیے ممنون ہوں۔
والسلام

[مجیب منصور]

محبتوں والے دلوں میں بسنے والے مغل صاحب
کیا ہوگیا ہے آپ کو بلکل کہیں بھی نظر نہیں آرہے؟

[م۔م۔مغل]

مجیب منصور صاحب
میں یہیں ہوں جناب آپ کے ہمراہ ۔
کراچی (ملک بھر میں بھی) میں بجلی کی لوڈ شیڈنگ
بدترین ہوچلی ہے ۔۔ بجلی اجازت دے تو حاضر ہوں‌ناں۔
آپ کی محبتوں اور یاد آواری کیلیے ممنو ن ہوں
والسلام

[رضی الدین قاضی]

مجیب منصور صاحب
میں یہیں ہوں جناب آپ کے ہمراہ ۔
کراچی (ملک بھر میں بھی) میں بجلی کی لوڈ شیڈنگ
بدترین ہوچلی ہے ۔۔ بجلی اجازت دے تو حاضر ہوں‌ناں۔
آپ کی محبتوں اور یاد آواری کیلیے ممنو ن ہوں
والسلام

بجلی کا بحران ہمارے ملک میں بھی میں بھی ہے مغل بھائی۔

[م۔م۔مغل]

مجیب منصور صاحب
میں یہیں ہوں جناب آپ کے ہمراہ ۔
کراچی (ملک بھر میں بھی) میں بجلی کی لوڈ شیڈنگ
بدترین ہوچلی ہے ۔۔ بجلی اجازت دے تو حاضر ہوں‌ناں۔
آپ کی محبتوں اور یاد آواری کیلیے ممنو ن ہوں
والسلام

بجلی کا بحران ہمارے ملک میں بھی میں بھی ہے مغل بھائی۔

ہاں یہ تو ہے ۔۔ مگر دوست اتنا تو نہ ہوگا جو حال یہاں ہے ۔

[چاند بابو]

مغل بھیا کی بات بالکل درست ہے رضی بھیا شاید وہ عذاب آپ پر ابھی مسلط نہیں ہوا ہے جو ہم لوگوں کو برداشت کرنا پڑ رہا ہے۔ ہمارے ہاں تو اب یہ صورتِ حال ہے کہ چوبیس میں سے دو سے تین گھنٹے بجلی آتی ہے۔

[رضی الدین قاضی]

بہت ہی افسوس ناک بات ہے۔ بجلی بنا تو زندگی مفلوج ہو کر رہ جاتی ہے۔
کاش حکومتیں عوام کی پریشانی کی طرف توجہ دیتے۔

[kmazizi]

شکریہ !واقعی بہت اچھی غزل ہے مغل بھائی۔

[م۔م۔مغل]

بہت شکریہ ایڈمن دھہم صاحب

[تبسم]

بہت خوب مغل صاحب

[م۔م۔مغل]

بہت بہت شکریہ ، بڑی محبت رفیع تبسم صاحب ، مولیٰ سلامت رکھے ، سدا شادو آباد رہیں۔

[شازل]

اس وقت ہمارا ملک دہشت گردی کی لپیٹ میں ہے
گھر سے نکلنے کے بعد کوئی پتہ نہیں کہ لوٹیں گے بھی یا نہیں
لوگوں کے انہیں جذبات کو آپ کوئی رنگ دے دیں تو
کیا ہی بات ہوگی۔

[م۔م۔مغل]

بہت شکریہ شازل ، آپ کا کہا سر آنکھوں پر ، میں نے اس عرصے میں تازہ کلام شاید یہاں نہیں پیش کیا انشا اللہ فرصت ملتے ہی پیش کرتا ہوں امید ہے آپ کی رائےمجھے مہمیز دے گی ۔ شکریہ

[شازل]

شکریہ انشاءاللہ آپ جلد ہی میری خواہش کو مکمل کردیں گے۔

[چاند بابو]

بہت خوب م۔م مغل بھیا آپ کے تازہ کلام کا انتظار رہے گا۔

[بوبی]

بہت ہی عمدہ م م مغل بھائی زبردست