★محسن نقوی★

[میاں محمد اشفاق]

یہ پچھلے عشق کی باتیں ہیں
جب آنکھ میں خواب دمکتے تھے
جب دل میں داغ چمکتے تھے

جب پلکیں شہر کے رستوں میں
اشکوں کا نور لٹاتی تھی
جب سانس اجلے چہروں کی
تن من میں پھول سجاتی تھی
جب چاند کی رم جھم کرنوں سے
سوچوں میں بھنور پر جاتے تھے

جب ایک تلاطم رہتا تھا
اپنے بے انتھ خیالوں میں

ہر عہد نبھانے کی قسمیں
خط خون سے لکھنے کی رسمیں
جب عام تھی ہم دل والوں میں
اب اپنے پھیکے ہونٹوں پر
کچھ جلتے بجھتے لفظوں کے
یاقوت پگھلتے رہتے ہیں

اب اپنی گم سم آنکھوں میں
کچھ دھول ہے بکھری یادوں کی
کچھ گرد آلودہ سے موسم ہیں

اب دھوپ اگلتی سوچوں میں
کچھ پیمان جلتے رہتے ہیں


اب اپنے ویران آنگن میں
جتنے صبحوں کی چاندی ہے
جتنی شاموں کا سونا ہے
اس کو خاکستر ہونا ہے


اب یہ باتیں رہنے دیجیئے
جس عمر میں قصے بنتے تھے
اس عمر کا غم سہنے دیجیئے

اب اپنی اجڑی آنکھوں میں
جتنی روشن سی راتیں ہیں
اس عمر کی سب سوغاتیں ہیں

جس عمر کے خواب کھیل ہوئے
وہ پچھلی عمر تھی بیت گئے
وہ عمر بتائے سال ہوئے

اب اپنی دید کے رستے میں
کچھ رنگ ہے گزرے لمحوں کا
کچھ اشکوں کی باراتیں ہیں
کچھ بھولے بسرے چہرے ہیں
کچھ یادوں کی برساتیں ہیں

یہ پچھلے عشق کی باتیں ہیں

[اضواء]

[بلال احمد]

شیئرنگ کیلئے شکریہ میاں‌ صاحب

[اضواء]

[center]منسوب تھے جو لوگ میری زندگی کے ساتھ

منسوب تھے جو لوگ میری زندگی کے ساتھ
اکثر وہی ملے ہیں بڑی بے رُخی کے ساتھ

یوں تو مَیں ہنس پڑا ہُوں تمہارے لیے مگر
کتنے ستارے ٹوٹ پڑے اِک ہنسی کے ساتھ

فرصت مِلے تو اپنا گریباں بھی دیکھ لے
اے دوست یوں نہ کھیل میری بے بسی کے ساتھ

مجبوریوں کی بات چلی ہے تو مئے کہاں
ہم نے پِیا ہے زہر بھی اکثر خوشی کے ساتھ

چہرے بدل بدل کے مجھے مل رہے ہیں لوگ
اتنا بُرا سلوک میری سادگی کے ساتھ؟

اِک سجدۂ خلوص کی قیمت فضائے خلد؟
یاربّ نہ کر مذاق میری بندگی کے ساتھ

محسن کرم بھی ہو جس میں خلوص بھی
مجھ کو غضب کا پیار ہے اُس دشمنی کے ساتھ

[/center]

[بلال احمد]

واہ جی واہ، بہت عمدہ

[میاں محمد اشفاق]

[میاں محمد اشفاق]

حسین لگتا تھا ہم نے جن دنوں میں اسکو دیکھا تھا
بسنتی موسموں ، بھیگی رتوں میں اسکو دیکھا تھا

اسی کے عکس نے آنکھیں خمار خواب سے بھر دیں
چمکتے چاند جیسے آئینوں میں اسکو دیکھا تھا

جسے اب ریت کے کچے گھروندوں سے محبت ہے
سمندر کے سنہرے پانیوں میں اسکو دیکھا تھا

جو تنہائی کی چادر اوڑھ کر سوتا ہے رستوں میں
کبھی اس شہر کی سب محفلوں میں اسکو دیکھا تھا

بگولوں کو پہن کر اب جو صحرا میں بھٹکتا ہے
گلاب و یاسمیں کے جنگلوں میں اسکو دیکھا تھا

جو اپنے قریہ دل کی اُداسی سے بہلتا ہے
گھٹاؤں میں گھری غم بستیوں میں اسکو دیکھا تھا

ضرورت ہے جسے اب دھوپ کا اُجْلا کفن محسن
بدن پر برف اوڑھے پربتوں میں اسکو دیکھا تھا

[اضواء]

پسندگی پر آپ سب کا شنکریہ

[بلال احمد]

[center]حسین آنکھوں کو پڑھنے کا ابھی بھی شوق ہے محسن
محبت میں اُجڑ کر بھی میری عادت نہیں بدلی!!!!!!![/center]

[میاں محمد اشفاق]

وہ دے رہا ہے دلاسے عمر بھر کے مجھے
بچھڑ نہ جائے کہیں پھر اداس کرکے مجھے

جہا‌ں نہ تو، نہ تری یاد کے قدم ہوں گے
ڈرا رہے ہیں وہی مرحلے سفر کے مجھے

ہوائے دشت اب تو مجھے اجنبی نہ سمجھ
کہ اب تو بھول گئے راستے بھی گھر کے مجھے

دلِ تباہ ، ترے غم کو ٹالنے کے لیے
سنا رہا ہے فسانے اِدھر اُدھر کے مجھے

کچھ اس لیے بھی میں اس سے بچھڑ گیا محسن
وہ دُور دُور سے دیکھے ، ٹھہر ٹھہر کے مجھے

[اضواء]

بہت خوب

[اضواء]

[center]ہم نے کہا اگر بھول جاؤ ہمیں تو کمال ہوجائے محسن
ہم نے تو فقط بات کی اس نے کمال کر دیا[/center]

[بلال احمد]

بہت لاجواب، اس نے کمال کردیا

[اضواء]

بہت لاجواب، اس نے کمال کردیا

پسندگی پر آپ کا بہت بہت شکریہ

[اعجازالحسینی]

[اضواء]

[center]اسے کہنا بچھڑنے سے محبت تو نہیں مرتی

اسے کہنا بچھڑنے سے محبت تو نہیں مرتی . .
بچھڑ جانا محبت کی صداقت کی علامت ہے . .

محبت ایک فطرت ہے ، ہاں فطرت کب بدلتی ہے . .
سو ، جب ہم دور ہو جائیں ، نئے رشتوں میں کھو جائیں . .

تو یہ مت سوچ لینا تم ، کہہ محبت مر گئی ہو گی . .
نہیں ایسی نہیں ہوگا . .

میرے بارے میں گر تمہاری آنکھیں بھر آئیں . .
چھلک کر ایک بھی آنسو پلک پہ جو اُتَر آئے . .

تو بس اتنا سمجھ لینا ،
جو میرے نام سے اتنی تیرے دل کو عقیدت ہے . .

تیرے دل میں بچھڑ کر بھی ابھی میری محبت ہے . .
محبت تو بچھڑ کر بھی سدا آباد رہتی ہے . .

محبت ہو کسی سے تو ہمیشہ یاد رہتی ہے . .
محبت وقت کے بے رحم طوفان سے نہیں ڈرتی . .

اسے کہنا بچھڑنے سے محبت تو نہیں مرتی . . . ![/center]

[اعجازالحسینی]

[اضواء]

پسندگی پر آپ کا شکریہ

[پپو]

[اضواء]

[center]نیا ہے شہر نئے آسرے تلاش کروں

نیا ہے شہر ، نئے آسرے تلاش کروں
تو کھو گیا ہے ، کہاں اب تجھے تلاش کروں

تو عکس ہے تو کبھی میری چشم تر میں اُتَر
تیرے لیے میں کہاں آئینے تلاش کروں

غزل کہوں ، کبھی سادہ سے خط لکھوں اس کو
اداس دل کے لیے مشغلے تلاش کروں

میرے وجود سے شاید ملے سراغ اسکا
میں خود کو بھی تیرے واسطے تلاش کروں

میں چپ رہوں ، کبھی بے وجہ ہنس پڑوں محسن
اسے گنوا کے عجب حوصلے تلاش کروں[/center]