اس تھریڈ میں رند، ساقی، مے اور خم جیسے الفاظ پر شعر کہنا ہے.
شاعری میں یہ الفاظ ذو معنی ہوتے ہیں.انہیں حقیقی اور مجازی دونوں معانی پر محمول کیا جا سکتا ہے.
اور اردو شاعری میں سب سے زیادہ چاشنی اسی موضوع میں ہے.
ابتداء
[center]محتسب کی خیر اونچا ہے اسی کے فیض سے
رندکا، ساقی کا، مے کا، خم کا، میخانے کا نام[/center]
کس نے کہا شراب کا پینا حرام ہے
اس کے پئے بغیر تو جینا حرام ہے
پینا حرام ہے نہ پلانا حرام ہے
پینے کے بعد ہوش میں آنا حرام ہے
لکھا ہوا ہے پیر مغاں کی دوکان پر
کم ظرف کو شراب پلانا حرام ہے
مے کدے ميں ايک دن اک رند زيرک نے کہا
ہے ہمارے شہر کا والي گدائے بے حيا
تاج پہنايا ہے کس کي بے کلاہي نے اسے
کس کي عرياني نے بخشي ہے اسے زريں قبا
اس کے آب لالہ گوں کي خون دہقاں سے کشيد
تيرے ميرے کھيت کي مٹي ہے اس کي کيميا
اس کے نعمت خانے کي ہر چيز ہے مانگي ہوئي
دينے والا کون ہے ، مرد غريب و بے نوا
مانگنے والا گدا ہے ، صدقہ مانگے يا خراج
کوئي مانے يا نہ مانے ، ميرو سلطاں سب گدا
قصور ہو تو ہمارے حساب میں لکھ جائے
محبتوں میں جو احسان ہو ، تمھارا ہو
میں اپنے حصے کے سُکھ جس کے نام کر ڈالوں
کوئی تو ہو جو مجھے اس طرح کا پیارا ہو
اک پل میں اک صدی کا مزا ہم سے پوچھیے
دو دن کی زندگی کا مزا ہم سے پوچھیے
بھولے ہیں رفتہ رفتہ انہیں مدّتوں میں ہم
قسطوں میں خود کشی کا مزا ہم سے پوچھیے
آغازِعاشقی کا مزا آپ جانیے
انجامِ عاشقی کا مزا ہم سے پوچھیے
وہ جان ہی گئے کہ ہمیں ان سے پیار ہے
آنکھوں کی مخبری کا مزا ہم سے پوچھیے
جلتے دلوں میں جلتے گھروں جیسی ضَو کہاں
سرکار روشنی کا مزا ہم سے پوچھیے
ہنسنے کا شوق ہم کو بھی تھا آپ کی طرح
ہنسیے مگر ہنسی کا مزا ہم سے پوچھیے
ہم توبہ کر کے مر گئے قبلِ اجل خمار
توہینِ مے کشی کا مزا ہم سے پوچھیے
میں آج زد میں ہوں خوش گماں نہ ہو
چراغ سب کے بجھیں گے ہوا کسی کی نہیں .
