اردونامہ فورم

muhammad_ijaz wrote:اصواء - اللہ کسی کے ایمان کو ضائع نہیں کرتا -

حضرت عثمان غنی رضی اللہ عنہ نے قرآن پاک کی بہت سی نقلیں تیار کرائیں اور پوری جانچ پڑتال کے بعد ان کو اطراف مملکت اسلامیہ میں بایں طور تقسیم کرادیا کہ ایک نسخہ کوفہ میں ، ایک بصرے میں ، ایک شام میں اور ایک مدینہ میں اپنے پاس رہنے دیا۔ بعض روایتوں میں یوں ہے کہ سات مصحف تیار کرائے اور مکہ اور شام اور یمن اور بحرین اوربصرہ اور کوفہ کو ایک ایک بھیجا اور ایک مدینہ میں رکھا۔ یہ جلانا عین مناسب اور مقتضائے مصلحت تھا۔ یہ حکم حضرت عثمان رضی اللہ عنہ نے سب صحابہ کے سامنے دیا۔ انہوں نے اس پر انکار نہیں کیا۔ بعضوں نے کہا حضرت عثمان رضی اللہ عنہ نے ان کو جمع کرایا پھر جلوا دیا۔ اس حدیث سے یہ بھی نکلتا ہے کہ جن کاغذوں میں خدا کے نام ہوں ان کو جلا ڈالنا درست ہے۔ اب جو مصحف حضرت حفصہ رضی اللہ عنہا کے پاس تھا وہ زندگی بھر انہیں کے پاس رہا۔ مروان نے مانگا توبھی انہوں نے نہیں دیا، ان کی وفات کے بعد مروان نے عبداللہ بن عمر رضی اللہ عنہما سے وہ مستعار منگوایا اور جلوا ڈالا اب کسی کے پاس کوئی مصحف نہ رہا۔ البتہ کہتے ہیں عبداللہ بن مسعود رضی اللہ عنہ نے اپنا نسخہ حضرت عثمان رضی اللہ عنہ کے مانگنے پر بھی نہیں دیاتھا۔ لیکن عبداللہ بن مسعود رضی اللہ عنہ کی وفات کے بعد معلوم نہیں وہ مصحف کہاں گیا۔ بعض روایتوں میں ہے کہ حضرت علی رضی اللہ عنہ نے بھی ایک مصحف بہ ترتیب نزول تیار کیا تھا لیکن اس کا بھی پتہ نہیں چلتا اللہ کو جو منظور تھا وہی ہوا، یہی مصحف عثمانی دنیا میں باقی رہ گیا۔ موافق مخالف ہر ملک اور ہر فرقہ میں جہاں دیکھو وہاں یہی مصحف ہے ( وحیدی

muhammad_ijaz wrote:[center]"

میرا ایک دوست مجھہ سے کہا کرتا تھا کہ اسے جہاں کہیں ایسا کاغذ گرا ہوا ملتا ہے ، جس پہ اللہ کا نام لکھا ہوتا ہے یا قرآن و حدیث لکھی ہوتی ہے – وہ اسے اٹھا کر اونچی جگہ رکھہ دیتا ہے – یا کبھی اٹھا کے جیب میں ڈال لیتا ہے – اس کی برکت سے اس کی جیب میں ہمیشہ پیسے رہتے ہیں – جب کبھی ختم ہوتے ہیں پھر آ جاتے ہیں-

میں سوچتا تھا کہ یہ کیسے ممکن ہے – کاغذوں کا پیسوں کے ساتھہ کیا تعلق – لیکن پھر اللہ نے مجھے توفیق دی - اور میں بھی اسلامی تحریروں والے کاغذ اٹھا کر کبھی دیوار میں اور کبھی جیب میں رکھتا تھا – تو اس کا حیران کن نتیجہ نکلا – اس کی برکت سے اللہ نے نوکری بھی دے دی – اور تنخواہ میں ایسی برکت دی کہ ان تاریخوں میں بھی پیسے ختم نہیں ہوتے جن تاریخوں میں میرے ساتھی کہتے ہیں کہ ان کے پیسے ختم ہو چکے ہیں

آپ سب کو بھی میری یہ دعوت ہے کہ اس طریقے کو ضرور آزمائیں – اس کا اجر دنیا میں بھی ہے اور آخرت میں تو ان شاء للہ ہے ہی
[/center]