اتنی خوبصورت بات پڑھ کر بے اختیار دل کرتا ہے کاش ہمارے حکمران بھی ایسے ہوتے لیکن مسئلہ تو یہ ہے ہم آج کل کے امیر المومنین سے تب یہ امید کریں کہ وہ ایسا طرز عمل اختیار کریں گے جب ہمیں خود ایسا طرز عمل رکھتے ہوں۔ آج کل ہم اپنے بچوں کو مقابلے کے ساتھ دوسرے لوگوں کے بچوں سے اچھے کپڑے اور جوتے لے کر دیتے ہیں۔ ہم ایک سوٹ دس بارہ مرتبہ سے زیادہ استعمال نہیں کرتے۔ کئی اچھے کپڑے ہونے کے باوجود ہم ہر عید ، شادی بیاہ اور دیگر فنکشنز کے لیے نئے کپڑے لیتے ہیں۔ ہمارابچہ ہم سے آ کر کہے کہ ہمسایوں کے بچے نے نیا کھلونا لیا ہے تو ہم سوچتے ہیں ہمارا بچہ احساس کمتری میں مبتلا نہ ہو اس لیے فورا اسے ہمسایوں کے بچے سے اچھا کھلونادلاتے ہیں۔ ہم نے کبھی اپنے بچوں کو سمجھایا ہی نہیں کہ بیٹا پرانے کپڑے پہننے والوں کو اللہ تعالی جنت میں نئے کپڑے پہنائیں گے۔
ہم خود بھی نفسانی خواہشات کو پورا کرنے کے قائل ہیں بلکہ اپنے بچوں کی تربیت بھی ایسی ہی کر رہے ہیں۔ تو نتجیہ یہی ہو گا کہ ہماری اگلی نسلیں بھی اسی طرح نفسانی خواہشات کی تابع ہوں گی۔ اور دوسروں سے حسد میں مبتلا ہوں گی زیادہ سے زیادہ دولت پانے کے لیے کوششاں ہوں گی۔
اور جب پورا معاشرہ اسی اصول پر کارفرما ہو گا تو یقیننا حکمران بھی ایسے ہی ہوں گے۔
