پنجابی گلاں باتاں دی تھاں

[بلال احمد]

پٹرول تے لبدا ای نئی پیا

خیر ساڈے ول تے پی ٹی سی ایل والیاں دی ہڑتال مک گئی اے تے ہن میرا تے اوناں دا دنگل ہو ریا اے. ویکھو کی رزلٹ نکلدا اے.

[اعجازالحسینی]

[چن پردیسی]

پنجابی منڈے کتھے رھ گئے نیں

[چاند بابو]

ایتھے ای ہیگے نے.

[بلال احمد]

دسو جی پنجابی منڈیاں نوں کی آکھنا اے

[کراٹے ماسٹر]

ہاں جی کی آکھنا اے؟

[بلال احمد]

یار اینا واپڈا والیاں دا کی کریے؟ بجلی مہنگی کری جاندے نیں

[چن پردیسی]

بجلی چوری

[چاند بابو]

جے چنگا مشورہ نا ہوے تے کسے نوں گندہ مشورہ وی نئی دئی دا۔

[بلال احمد]

ساڈے ایتھے اک بندہ اے. او کیندا اے کہ بجلی چوری کرنا جائز اے. کیونکہ اسلام کہندا اے کہ بندیاں‌تے اوناں لوڈ پائو جیڑا او چک لین تے ایناں نے تے ہد ای مکا دیتی اے.

ہن دسو اسی کیدی گل منیے؟

[کراٹے ماسٹر]

سئی گل اے۔

ویسے اج کل اک ڈیوائس آئی اے جیڑی بجلی دا بل کم کر دیندی اے۔

[بلال احمد]

سچی مچی

چھیتی چھیتی کن وچ دسو. کیتھے واپڈا والے سن ای نہ لین

[چن پردیسی]

جے چنگا مشورہ نا ہوے تے کسے نوں گندہ مشورہ وی نئی دئی دا۔

چاند باؤ 100 روہئے دی بجلی خرچ کرئے تے بل 1100 اوندا اے باقی کون دیوے تے فیر جیہڑی بجلی چوری ہوندی اے اوہدی ایدجسٹمینٹ‌وی اسیں دیویے بلوچستان تے سندھ دے کئی ایسے علائقے نیں جیہڑے بل دیندے ای نئیں ہن دسو کی کرئے

[چاند بابو]

ساڈے ایتھے اک بندہ اے. او کیندا اے کہ بجلی چوری کرنا جائز اے. کیونکہ اسلام کہندا اے کہ بندیاں‌تے اوناں لوڈ پائو جیڑا او چک لین تے ایناں نے تے ہد ای مکا دیتی اے.

ہن دسو اسی کیدی گل منیے؟

رب تے رب سے سوہنے رسول صلی اللہ علیہ والہ وسلم نے چوری دیاں قسماں بیان نئیں کیتیاں تے چوری سوئی دی وی چوری اے تے جہاز دی وی چوری اے۔ تے جیہڑا لوڈ پاون والی گل اے اوہدا تعلق ایس بجلی چوری نال نئیں اے او تعلق اسلامی عبادات بارے اے تے اوہدا مقصد ایہہ اے کے بندے نوں عبادت (نفلی) دا اوناں آکھو جناں اوہ برداشت کر سکے۔
ہن میرے دسن دی بجائے تسی آپے فیصلہ کرو کیدی مننی چائی دی اے رب دی یا اوس بندے دی۔

جے چنگا مشورہ نا ہوے تے کسے نوں گندہ مشورہ وی نئی دئی دا۔

چاند باؤ 100 روہئے دی بجلی خرچ کرئے تے بل 1100 اوندا اے باقی کون دیوے تے فیر جیہڑی بجلی چوری ہوندی اے اوہدی ایدجسٹمینٹ‌وی اسیں دیویے بلوچستان تے سندھ دے کئی ایسے علائقے نیں جیہڑے بل دیندے ای نئیں ہن دسو کی کرئے

میرے چن پردیسی جی سب توں پیلاں تے اپنے دماغ چوں ایھ خیال کڈ دیو کہ تسی 100 روپے دی بجلی خرچ کردے او تے بل 1100 دا آوندا اے۔ بل اینا ہی اوندا اے جنی تسی بجلی استعمال کردے او، ہاں ریٹ بہت وھد گیا جیس پاروں توانوں ایہہ لگدا اے کہ 100 دی بالی تے 1100 دا بل آ گیا، تے میرے سجنوں ایہہ واپڈا یا کسے ہور دا قصور نئیں تسی دسو جدوں تو بجلی بند ہونی شروع ہوئ اے یا ریٹ ودھ ہوئے نے ہر مہینے ریٹ ودھ رہیا اے تسی اسی اس دی مخالفت وچ کیتا کی اے۔ صرف بجلی چوری دے نویں نویں طریقے سوچے نے یا کجھ عملی طور تے وی کیتا اے؟
اصل گل ایہی اے کہ اسی عملی طور تے کیتا وی کجھ نئیں کسے نے قمرالزمان قائرہ، راجہ پرویز اشرف یا آصف علی زرداری نوں پچھیا جے کہ توانوں ووٹ دے کے اسیں اسمبلی وچ کیس کم بھیجیا سی تے تسی ساڈھے تے ای ظلم پے کردے او۔
تے دوسری گل ایہہ وے کہ کوئی کسے دی چوری دے پیسے نئیں دیندا ایہہ خسارہ حکومت نوں پورا کرنا پیندا اے۔تے نالے جہیڑا بل نئیں دیندا او قیامت والے دن اپنے عملاں دا آپ جواب دئے گا تسی فکر نا کرو۔

[بلال احمد]

تسی دسو جدوں تو بجلی بند ہونی شروع ہوئ اے یا ریٹ ودھ ہوئے نے ہر مہینے ریٹ ودھ رہیا اے تسی اسی اس دی مخالفت وچ کیتا کی اے۔ صرف بجلی چوری دے نویں نویں طریقے سوچے نے یا کجھ عملی طور تے وی کیتا اے؟

چن بھرا اے بلکل سئی اے کہ اسی کجھ نئی کیتا. اودی وجہ جیڑی مینوں سمجھ وچ آندی اے او تے اے جے کہ میں تے ہاں غریب تے محنت مزدوری کرن آلا بندہ ہاں تے میں احتجاج کراں کہ روٹی کما کے تے آپ کھاواں تے اپنے گھر والیاں نوں دواں؟

ساڈے وچ ایہی تے مسئلہ اے کہ اسی سب توں پہلے اپنی زات نوں رکھدے ہاں تے فیر دوجیاں نوں. چلو من لیا اسی کجھ نئی کیتا تے اس ملک وچ 17 تو ودھ کے تے 18 کروڑ عوام رہندی اے اوناں نے کی کیتا؟

کی اے ظلم صرف ساڈے تے ہے یا احساس صرف اسی کردے آں؟