پڑھتا جا شر ماتا جا ؟؟؟؟

[اعجازالحسینی]

وزیراعلیٰ لاکھ کہیں کہ تھانہ کلچر ختم ہوناچاہیے مگر کتے کی دُم کو ہزار سال بھی ایک پائپ میں رکھا جائے اور اُسکے بعد نکالا جائے تو وہ ٹیڑھی کی ٹیڑھی ہی رہے گی۔
واہ کینٹ کے تھانے نے قوم کی حفاظت کا حق ادا کردیا۔قوم آواز اُٹھا رہی ہے کہ عافیہ پاکستان کی بیٹی ہے‘ اُسکے ساتھ امریکی اہلکار ظلم کر رہے ہیں جبکہ ہماری اپنی محافظ پولیس پاکستان کی بیٹیوں کے ساتھ گینگ ریپ کر رہی ہے‘ وہ کوئی زیادتی نہیں؟
واہ کینٹ پولیس سٹیشن میں پولیس اہلکاروں کی زیادتی کا نشانہ بننے والی ساتویں جماعت کی طالبہ 13سالہ نتاشہ ایک مزدورکی بیٹی ہے۔ یہ طالبہ خود ایڈیشنل سیشن جج کے پاس پہنچی کہ دوران حراست اُسے جنسی تشدد کا نشانہ بنایا اور وہ حاملہ ہے ۔جج نے سی پی او راولپنڈی کو ہدایت کی کہ ملزم پولیس اہلکاروں کیخلاف مقدمہ درج کیا جائے۔مگر افسوس کہ 14روز کی معینہ مدت کے بعد ابھی اِن پولیس اہلکاروں کیخلاف کوئی کارروائی نہیں کی گئی۔ سپریم کورٹ آف پاکستان اِس شرمناک واقعہ کا از خود نوٹس لے یا پھر پاکستان کے غیور عوام کو اجازت دیں کہ وہ خود اہلکاروں سے پاکستان کی اِس بیٹی کے ساتھ زیادتی کا انتقام لیں۔

نوائے وقت 20-05-2010

[انصاری آفاق احمد]