درسگاہ اردونامہ

[چاند بابو]

[center]اردونامہ کی درسگاہ[/center]


داخلے جاری ہیں، سیٹیں محدود ہیں، تمام پہلے آنے والے پانچ طالبہ کو وظیفہ دیا جائے گا۔

تجربہ کار عملہ، معقول فیس، امتحانوں میں نقل کروانے کا بندوبست اور دیگر تمام ضروریات سے بھرپور طور پر مکمل، پینے کے لئے گرم پانی کی دستیابی، تمام کمروں میں پنکھے نہیں ہی اور چٹائیوں کا بھی خاطر خواہ بندوبست نہیں ہے۔

تمام اساتذہ کے گھر کے کاموں میں ان کا ہاتھ بٹانا فرض تصور کیا جائے گا۔ حکم عدولی کرنے والے کو سکول سے نکالا بھی جاسکتا ہے۔بصورت دیگر کچھ پیسے دے دلا کر خلاصی بھی ممکن ہے۔

یہ تو تھے قوانین اب شرائط۔

تمام طلبہ اپنے ہوم ورک کے طور پر کوئی ایک یا ایک سے زیادہ اچھی بات لکھ کر لائیں گے اور سکول کے بلیک بورڈ پر اس کو لکھ کر دکھائیں گے۔ ہوم ورک نہ کرنے والے طلبہ کو حوالہِ ماشٹر پپو کیا جائے گا پھر بھی نہ ماننے والے کو ہیڈ ماشٹر رضی الدین راضی کیا جائے گا پھر یا تو وہ کچھ دے دلا کر انہیں راضی کرے گا ورنہ اس کو جرمانہ کیا جائے گا۔

[رضی الدین قاضی]

اتنے آسان قوانین ؟
اور چھٹکارے کے تمام راستے بھی بتا دیئے گئے ، تو کون سا بچہ داخلہ لینا نہیں چاہے گا ؟

[چاند بابو]

جی اسی لئے تو اتنی آسان شرائط رکھیں ہیں کہ تعلیم کے زیور سے تمام افراد کو آراستہ کیا جا سکے ۔

[پپو]

چلو بھی اچھے اور پیارے بچو اپنا اپنا ہوم ورک نکال لو ماشٹر پپو سے بچنا ہے تو روزانہ ہوم کرکے آنا ہو گا

[چاند بابو]

بِسم اللہ الرَحمَنِ الرَحِیم ہ

اسلام علیکم استاد جی۔ استاد جی میرا نام داخل کر لیں میں نے بھی درسگاہ میں پڑھنا ہے۔

[رضی الدین قاضی]

لو پپو بھائی داخلہ رجسٹر سنبھالو ۔ اور اس ہونہار بچہ کا نام درج کرو۔ اور ہاں پپو ماسٹر آپ کل سے وقت سے پہلے آیا کیجیئے۔ ورنہ ۔۔۔۔۔

[چاند بابو]

ورنہ کان پکڑوا کر مرغا بنا کر۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

[رضی الدین قاضی]

دیکھو پپو بھائی بچے بچے کو سزا معلوم ہے۔ اس لیئے وقت پر آپ کا آنا ضروری ہے۔

[چاند بابو]

ہاں جی

اور یہ لیجئے میرا آجکا ہوم ورک

زندگی سے تقاضا اور گلہ نکال دیجیے تو سکون پیدا ہو جاتا ہے۔۔سکون اللہ کی یاد سے اور انسان کی محبت سے پیدا ہوتا ہے۔۔نفرت اضطراب پیدا کرتی ہے اضطراب اندیشے پیدا کرتا ہے اور اندیشہ سکون سے محروم کر دیتا ہے ۔۔محبت نہ ہو تو سکون نہیں سو محبت کیجیے اور دوسروں کو بھی محبت کا درس دیجیے۔۔

''امید اس خوشی کا نام ہے جس کے انتظار میں غم کے ایام کٹ جاتے ہیں امید کسی واقعات کا نام نہیں یہ صرف مزاج کی ایک حالت ہے۔۔فطرت کے مہربان ہونے پر یقین کا نام امید ہے۔۔
(واصف علی واصف)

[رضی الدین قاضی]

بہت اچھے !
چاند بھائی ہوم ورک خوب کیا ہے آپنے۔ شاباش !
ویسے سکون کو لوگ دنیا میں ڈھونڈتے ہیں، مگر سکون تو جنت میں ہے۔ پھر کیوں نہ ہم جنت کی کوشیش کریں ۔

[چاند بابو]

بہت شکریہ ہیڈ ماسٹر صاحب۔ لیکن جی یہ ماسٹر صاحب کہاں ہیں؟

[رضی الدین قاضی]

شاید بچے پکڑنے گئے ہیں، درسگاہ میں بچے کم جو ہیں۔

[چاند بابو]

سرجی جہاں کے ٹیچر ہی نہ آتے ہوں وہاں بچے بھی بگڑ جاتے ہیں اس لئے ٹیچرز کی باقاعدگی یقینی بنائیے۔ پپو ٹیچرنے اپنی مرضی سے استاد کا عہدہ قبول کیا تھا اب کیوں بھاگے ہیں؟

[پپو]

اسلام علیکم پیارے بچو
چاند بابو تو ماشٹر کے خلاف الم شلم بولتا ہے یاد رکھ ماشڑ کی عزت کرنے والا زندگی میں کامیاب ہوتا ہے تجھے پتہ ہونا چاہیے میں ایک سادہ سا سکول ماشڑ ہوں میرا سائیکل پکنچر ہو گیا تھا اس لیے سکول سے غیر حاضر رہا
چلو کوئی بات تم نے ہوم ورک اچھا کیا ہے اس لیے چھوڑ دیتا ہوں

[چاند بابو]

ماشٹر جی یہ الم غلم کیا ہوتا ہے؟

اور سر جی روز ہم نےہوم ورک نہیں کرنا آپ بھی پڑھایا کریں۔

[چاند بابو]

سر جی میرا ہوم ورک

bism: “جو میری ہدایت کا پیرو ہواوہ نہ بہکے نہ بدبخت ہو۔اور جس نے میری یاد سے منہ پھیرا تو بے شک اس کے لئے تنگ زندگانی ہے اور ہم اسے قیامت کے دن اندھا اٹھائیں گے“۔القرآن (طٰہ 123-124)

[پپو]

نماز کے بارے میں 1چہرے کی نورانیت
2 دل کا نور
3 جسم کی راحت
4قبر کی ساتھی
5نزول رحمت کا ذریعہ
6میزان حساب کا وزن
7 اللہ کی رضا
8جنت کی چابی
9آگ سے بچاؤ کا ذریعہ
10 مومن کی معراج

[چاند بابو]

بہت خوب استاد جی آج تو آپ نے بھی کمال کر دیا ہے اور باقاعدہ بچوں کو پڑھاتے نظر آ رہے ہیں۔

[چاند بابو]

استاد جی میرا آج کا ہوم گزشتہ سے پیوستہ


bism:

کہے گا اے رب میرے مجھے تو نے کیوں اندھا اٹھایا میں تو انکھیار تھا۔ (اللہ تعالٰی) فرمائے گا یونہی تیرے پاس ہماری آیتیں آئیں تھیں تو نے انہیں بھلا دیا اور ایسے ہی آج تری کوئی خبر نہ لے گا۔القرآن (طٰہ 123-124)

[پپو]

پیارے بچو آج 14 اگست ہے یعنی آج کے دن ہمارا پیارا ملک پاکستان آزادی کی منزل سے ہمکنار ہوا تو آج اسی مناسبت سے ہوم ورک نہیں ہوگا بلکہ آج کے دن ہم تجدیدعہد کریں گے کہ ہم اس ملک کی خاطر ہر قربانی دیں اور اسے اپنی آنیوالی نسلوں کے لیے محفوظ اور مضبوط بنائیں گے