پنجابی خبراں

[اسداللہ شاہ]

[center]لاہور دے علاقے بابو صابو انٹر چینج دے نیڑے پولیس چیک پوسٹ اتے خودکش حملے دے نتیجے وچ 2 خودکش حملہ آور ہلاک جدکہ 5 پولیس اہلکاراں سمیت 15 افراد زخمی ہوگئے نیں۔ عینی شاہدین دے مطابق 2 خودکش حملہ آور سفید رنگ دی گڈی وچ سوار سن جنہاں نے چیک پوسٹ تے پولیس دے روکن اتے اپنے آپ نوں دھماکے نال اُڑا دتا جدے نتیجے وچ امین، ظفر، سلیم، نوید، عامر تے لطیف سمیت 15 افراد زخمی ہوگئے جنہاں وچوں 10 نوں سروسز ہسپتال 3 نوں میو ہسپتال تے باقیاں نوں جنہاں ہسپتال پہنچا دتا گیا۔ دھماکے نال 6 توں 7 گڈیاں وی متاثر ہوئیاں۔ دھماکے توں بعد پولیس تے قانون نافذ کرن والے اداریاں نے پورے علاقے نوں گھیرے وچ لے لیا۔ سی سی پی او لاہور پرویز احمد راٹھور دے مطابق خودکش حملہ آوراں دی عمراں 18 توں 20 سال سن تے اونہاں دے سر تے لتاں مل گئیاں نیں۔ سی سی پی او دا ایہہ وی کہنا سی کہ پولیس دے بہادر جواناں نے دہشتگردی دی ہون والی بہت وڈھی کاروائی نوں ناکام بنادتا اے جدے اتے اونہاں نوں پولیس دے جواناں تے فخر اے۔ ایس موقع اتے ایس ایس پی آپریشن چودھری شفیق دا کہنا سی کہ خودکش حملہ آوراں نے 10 توں 20 کلو بارودی مواد استعمال کیتا۔[/center]

[اسداللہ شاہ]

پنجاب اسمبلی دے پندرھویں اجلاس دے انعقاد دے موقع اتے اسمبلی تے اوہدے اردگرد دے علاقے دی سیکورٹی انتہائی سخت کردتی گئی اے۔ پنجاب اسمبلی دے مرکزی دروازے توں بعد دوجے دروازیاں اتے سکیننگ مشیناں نصب کیتیاں گئیاں نیں۔ سیکورٹی فول پروف بنان لئی اسمبلی دے اردگرد دیاں سڑکاں نوں تقریباََ ٹریفک لئی بند کردتا گیا اے۔ ایس موقع اتے ایلیٹ فورس تے کوئیک رسپانس فورس دے دستے اسمبلی دے اردگرد تے اہم عمارتاں دیاں چھتاں اتے موجود نیں۔ پولیس تے سیکورٹی دے ضامن دوجے اداریاں ولوں اسمبلی ول آن والی مرکزی شاہراہ اتے مستقل بنیاداں تے سیمنٹ دے بیرئیرز بنا دتے گئے نیں۔ جدکہ سیکورٹی نوں مدنظر رکھدیاں اراکین اسمبلی تے وزیراں سمیت کسے دی وی گڈی دی اسمبلی دے احاطے وچ داخلے اتے پابندی لا دتی گئی اے۔ ایس توں پہلاں 21 اکتوبر نوں وی پنجاب اسمبلی دا اجلاس 9 دن جاری رہن توں بعد سیکورٹی وجوہات دی بناء اتے ملتوی کردتا گیا سی۔

[رضی الدین قاضی]

پنجابی زبان میں خبریں پہونچانے کے لیئے بہت بہت شکریہ اسد بھائی۔

[اسداللہ شاہ]

[center]لاہور وچ شیراکوٹ ناکے اتے خودکش حملہ کرن والا ملزم پیدل سی تے زخمی اعجاز حملہ آور دا ساتھی نئیں سی بلکہ اوہ اک شریف شہری تے سبزہ زار دا رہائشی اے۔ جدکہ پولیس دا کہنا اے کہ خودکش دھماکہ کرن والے حملہ آور کار سوار سن۔ واضح روے شیرا کوٹ بابو صابو ناکے اتے خودکش حملہ آور نے دھماکے دے دوران 10 پولیس اہلکاراں سمیت 16 افراد نوں زخمی کردتا سی۔ ایس حملے وچ زخمی ہون والے اعجاز دی حالت ہسپتال وچ قدرے بہتر بیان کیتی گئی اے۔ جدکہ اعجاز دے بھائی تے بھانجے نے دسیا کہ اعجاز دہشتگرد نئیں بلکہ پولیس نے دھماکے دے اصل حقائق جانن توں پہلاں ای میڈیا دے سامنے اونہوں دہشتگرد قراردے دتا اے۔[/center]

[شازل]

بہت اچھا سلسلہ ہے اگر اسے اپ جاری رکھیں‌تو کیا بات ہے

[چاند بابو]

بھائی جی جے تسی پنجابی خبراں شئیر کرنیاں نے تے ایس لئی پنجابی فورم استعمال کرو۔

[اسداللہ شاہ]

بہت اچھا سلسلہ ہے اگر اسے اپ جاری رکھیں‌تو کیا بات ہے

کوشش کروں گا

[اسداللہ شاہ]

بھائی جی جے تسی پنجابی خبراں شئیر کرنیاں نے تے ایس لئی پنجابی فورم استعمال کرو۔

یعنی اس سلسلے کو ختم کردوں؟

[چاند بابو]

نئیں جی ختم کرن دی کیڑی لوڑ اے کہو تے میں ایہہ سلسلہ پنجابی فورم وچ نا سٹ دیواں؟؟
اوتھے مزے نال اپنیاں خبراں شئیر کرو تے ماں بولی پنجابی دا مان ودھاو۔

[اسداللہ شاہ]

ٹھیک اے تے فیر سٹو

[اعجازالحسینی]

پنجابی دی خبراں اگِ ٹوری رکھو اسد لالہ

[اسداللہ شاہ]

پنجاب اسمبلی وچ صوبائی وزیرقانون رانا ثناءاللہ تے مسلم لیگ ق دے اراکین دے وچ سخت جملیاں دا تبادلہ ہویا تے ایوان مچھلی منڈی بن گیا۔ جمعرات دے روز پنجاب اسمبلی دے اجلاس وچ وقفہ سوالات دے دوران رحیم یار خان دے رابرٹ زرعی فارم دی زمین مونس الٰہی دے اپنے ناں کران اُتے وزیر قانون رانا ثناءاللہ نے کہیا کہ رابرٹ زرعی فارم اُتے ڈکیتی ہوئی اے تے مونس الٰہی تے چودھری برادران ڈاکو نیں جنہاں نے پنجاب بنک اُتے وی ڈاکہ ماریا اے۔اپوزیشن اراکین نے اپنے بنچاں اُتے کھلوکے احتجاج شروع کردتا تے رانا ثناءاللہ تے سپیکر پنجاب اسمبلی دے خلاف نعرے بازی کیتی۔ ایس موقع اتے اپوزیشن لیڈر چودھری ظہیرالدین نے شریف برادران نوں رائیونڈ فارم دی زمین خریدن لئی لوکاں اُتے دباؤ پان دی گل کیتی۔ جدے بعد ن لیگ دے اراکین وی اپنے بینچاں اتے کھلوگئے تے گو مشرف گو تے گو چودھری گو دے نعرے لائے بعد وچوں سپیکر نے وقفہ سوالات تے کاروائی وچوں نازیبا تے غیر پارلیمانی الفاظ ختم کرن دا اعلان کیتا تے اپوزیشن نے احتجاج ختم کردتا۔

[اسداللہ شاہ]

ملک وچ جاری حالیہ دہشت گردی دی لہر دے پیش نظر لاہور وچ جگہ جگہ مستقل ناکے قائم کرکے گڈیاں دی تلاشی تے مشکوک افراد دی چیکنگ دا سلسلہ جاری اے۔ ناکیاں اتے چیکنگ نوں شدید تنقید دا نشانہ بناندیاں ہوئیاں لوکاں نے کہیا کہ دہشت گردی نوں روکن دا ایہہ طریقہ درست نئیں تے حکومت نوں ایدے لئی بہتر پلاننگ کرنی چائیدی اے۔ بعض دا کہنا سی کہ دہشت گردی اتے قابو پان لئی ناکے لانا ضروری اے تاں جے شرپسند عناصر نوں شرپسندی پھیلان توں پہلاں گرفتار کیتا جاسکے۔ ناکے اتے موجود ناکہ انچارج اے ایس آئی سرور کمبوہ دا کہنا اے کہ اوہ مشکوک افراد تے مشکوک گڈیاں دی چیکنگ کردے نیں جدکہ اونہاں نوں مشکوک گڈیاں دے نمبر وی دتے گئے نیں۔ ایدے نال نال پولیس ملازماں دا کہنا اے کہ اونہاں دے حوصلے بلند نیں، اوہ دہشت گرداں نال لڑن نوں تیار نیں تے اونہاں دا ڈٹ کے مقابلہ کرن گے۔

[چاند بابو]

ٹھیک اے تے فیر سٹو

لو جی سٹ دتا۔

[اسداللہ شاہ]

ٹھیک اے تے فیر سٹو

لو جی سٹ دتا۔

پا جی تواڈا شکریہ

[اسداللہ شاہ]

[center]پنجاب اسمبلی وچ اپوزیشن دے احتجاج دے دوران ایجنڈا پھاڑن اتے حکومتی بینچ دے ارکان نے اپوزیشن اتے توہین رسالت دا الزام عائد کیتا اے۔ سوموار دے روز اسمبلی دا اجلاس شروع ہویا تے اپوزیشن نے صوبائی وزیر قانون دے رویے تے ریمارکس دے حوالے نال احتجاج جاری رکھیا۔ ایس دوران بعض ارکان نے اسمبلی کاروائی دا ایجنڈا پھاڑ کے حکومتی بنچاں ول اُچھال دتا جدے بعد ڈپٹی سپیکر رانا مشہود نے کہیا کہ ایہدے اتے نعت رسول مقبول صلی اللہ علیہ وسلم دے الفاظ درج نیں تے اوہ ایس توہین نوں برداشت نئیں کرن گے۔ جدے بعد حکومتی ارکان رانا ارشد، آجاسم شریف، مولانا الیاس چنیوٹی، چودھری عبدالغفور نے اپوزیشن اتے توہین رسالت دے قوانین دے تحت مقدمہ درج کرن دا مطالبہ کیتا۔[/center]

[اعجازالحسینی]

خبراں لکھن دی مہربانی اسد لالہ

[چاند بابو]

[center] ڈپٹی سپیکر رانا مشہود نے کہیا کہ ایہدے اتے نعت رسول مقبول صلی اللہ علیہ وسلم دے الفاظ درج نیں تے اوہ ایس توہین نوں برداشت نئیں کرن گے۔ جدے بعد حکومتی ارکان رانا ارشد، آجاسم شریف، مولانا الیاس چنیوٹی، چودھری عبدالغفور نے اپوزیشن اتے توہین رسالت دے قوانین دے تحت مقدمہ درج کرن دا مطالبہ کیتا۔[/center]

نواں بہانہ اسمبلی دے اجلاس نوں کچھ دناں واسطے ٹالن دا۔

[اسداللہ شاہ]

[center]گورنمنٹ کالج گلبرگ لاہور قذافی سٹیڈیم توں روسی ساخت دا دستی بم برآمد ہوئیا اے۔ بم کالے شاپر وچ کالج دے لان وچوں برآمد ہوئیا جنہوں بم ڈسپوزل سکواڈ نے ناکارہ بنادتا اے۔ سیکورٹی ایجنسی نے کالج دے سرچ آپریشن توں بعد کالج نوں کلیئر قرار دے دتا اے۔ سیکورٹی ذرائع دے مطابق کالج لان وچ بم رکھن دا مقصد صرف خوف و ہراس پھیلانا سی کیوں جے ایہہ بم تیار حالت وچ نئیں سی۔[/center]

[اسداللہ شاہ]

[center]سابق وفاقی وزیر شیخ رشید احمد نے کہیا اے کہ پاکستان دے ایٹمی اثاثے محفوظ ہتھاں وچ نیں تے ایٹمی اثاثیاں نوں امریکہ کولوں کوئی خطرہ نئیں۔ ایہہ گل اونہاں نے لاہور ہائیکورٹ وچ میڈیا نال گل بات کردیاں کیتی۔ اونہاں دا کہنا سی کہ پاکستانی قوم نے کوئی چوڑیاں نئیں پائیاں ہوئیاں نیں تے اوہ اپنے اثاثیاں دی حفاظت کرنیاں جاندیاں نیں تے ڈاکٹر عبدالقدیر سمیت کوئی پاکستان دے ایٹمی اثاثیاں نوں ویچ سکدا اے۔ اونہاں دا کہنا سی کہ جے خدانخواستہ پاکستان اتے ایٹمی حملہ ہویا تے فیر وی پاکستان دے ایٹمی اثاثے محفوظ رہن گے۔[/center]