پنجابی خبراں

[اعجازالحسینی]

تواڈا شکریہ

[رضی الدین قاضی]

تواڈا مہربانی اسد لالہ[center][/center]

[اسداللہ شاہ]

[center]مون مارکیٹ اقبال ٹاؤن ملبے وچوں 2 ہور لاشاں برآمد ہویا ں نیں جیڑیاں کہ ناقابل شناخت نیں۔ ایہہ لاشاں اک خاتون تے بچے دیاں دسیاں جارئیاں نیں۔ ایس پی اقبال ٹاؤن علی ناصر رضوی نے مون مارکیٹ وچ ہون والے دھماکیاں بارے کہیا اے کہ دونویں دھماکے خودکش بمباراں نے کیتے نیں تے ایس سانحہ وچ ہن تک 49 افراد ہلاک تے 172 زخمی ہوئے سن۔ اونہاں دا کہنا سی کہ 96 افراد نوں طبعی امداد توں بعد ہسپتال توں فارغ کردتا گیا اے جدکہ شہر دے مختلف ہسپتالاں وچ ہن وی 76 افراد زیرعلاج نیں۔ اونہاں نے کہیا کہ اقبال ٹاؤن پولیس ایس واقعہ دی تفتیش کررئی اے جدکہ وزیراعلٰی پنجاب نے سی آئی ڈی دے ڈی آئی جی آفتاب احمد چیمہ دی نگرانی وچ اک ٹیم تشکیل دتی اے[/center]

[اعجازالحسینی]

تواڈا شکریہ

[اسداللہ شاہ]

[center]لاہور ایجرٹن روڈ اتے روکی جان والی غیر ملکی گڈی نوں تلاشی توں بغیر چھڈ دتا گیا۔ اج قلعہ گجر سنگھ دے علاقے ایجرٹن روڈ اتے لگے ہوئے ناکے اتے پولیس نے اک گڈی نوں تلاشی لئی روکیا جدے وچ چند غیر ملکی سوار سن۔ غیر ملکی گڈی سوار افراد نے اپنی گڈی دی تلاشی دین توں انکار کردتا تے پولیس اہلکاراں نوں دھمکیاں دتیاں۔ جدے اتے پولیس اہلکاراں نے اپنے اعلٰی حکام نوں آگاہ کیتا۔ ایس دوران غیر ملکی افراد نے فون کرکے امریکن قونصلیٹ دے افسر نوں بلالتا۔ امریکن قونصلیٹ دی مداخلت اتے گڈی بغیر چیکنگ دے چھڈ دتی گئی۔ ناکے دے انچارج آصف ظہور نے اپنا نیوز نوں دسیا کہ گڈی دے سوار افراد کول اسلحہ تے کیمرے سن۔ پوری کوشش دے باوجود اونہاں نے گڈی نوں چیک کرن نئیں دتا تے اعلٰی افسراں دی ہدایت اتے اونہاں دی گڈی نوں چھڈ دتا گیا۔ تھانیدار دے مطابق گڈی اسلام آباد نمبر دی سی تے اوہدے اگلے حصے اتے امریکن قونصلیٹ دے ناں دی نمبر پلیٹ لگی ہوئی سی۔ جدکہ ایس حوالے نال ڈی ایس پی ملتان خان دا کہنا اے کہ ناکیاں اتے ہر مشکوک گڈی چیک کیتی جاندی اے تے کسے نوں وی بغیر چیکنگ دے جان نئیں دتا جاندا[/center]

[اسداللہ شاہ]

پیپکو ولوں ملک بھر وچ غیراعلانیہ لوڈشیڈنگ شروع کردتی گئی اے۔ ذرائع دے مطابق ایہہ لوڈشیڈنگ کھٹ توں کھٹ جنوری دے اختتام تک جاری رئے گی۔ جدکہ دوجے پاسے پیپکو حکام نے ایس لوڈشیڈنگ دی تصدیق کردیاں کہیا اے کہ ایہہ لوڈ شیڈنگ مجبوری وچ کرنی پئے رئی اے۔ کیوں جے منزلائی گیس فیلڈ اتے 3 پاور پلانٹس آئی پی پیز روش، فوجی پاور پلانٹ، کوٹری گیس ٹربائن سٹیشن نوں گیس دی سپلائی معطل ہون دی وجہ توں پیپکو نوں 661 میگا واٹ دے شارٹ فال دا سامنا اے۔ اونہاں دا کہنا سی کہ جس ویلے ایہناں پاور پلانٹس نوں گیس دی سپلائی بحال ہووئے گی ایہہ لوڈشیڈنگ ختم کردتی جائے گی۔

[اسداللہ شاہ]

[center]چیف جسٹس لاہور ہائیکورٹ خواجہ محمد شریف نے پاکستان وچ بلیک واٹردی موجودگی، امریکی سفارتخانے دی تلاشی تے اسلحہ سمیت گھمن والے غیر ملکیاں دے خلاف فوجداری مقدمے درج کروان لئی دائررٹ حکومتی یقین دہانی دے بعد نبٹا دتی اے۔ عدالت نے اپنے ریمارکس وچ قرار دتا اے کہ غیرملکی سفارت کاراں دے سوا کسے وی غیرملکی دی نہ صرف تلاشی لتی جاسکدی اے بلکہ غیرقانونی اقدام اتے اونہاں دے خلاف فوجداری مقدمہ وی درج کیتا جاسکدا اے۔ پیر دے روزعدالت وچ پیشی دے موقع اتے وفاقی سیکرٹری نےجواب داخل نہ کرن اتے عدالت توں غیر مشروط معافی منگی جدے اتے عدالت نے اونہاں دی درخواست منظورکرلتی۔ وطن پارٹی ولوں بیرسٹر ظفر اللہ دی وساطت نال دائر رٹ درخواست وچ موقف اختیار کیتا گیا اے کہ گذشتہ دناں اسلام آباد وچ امریکیاں سمیت دوجے غیرملکیاں کولوں اسلحہ برآمد ہویا سی پر اونہاں دے خلاف کوئی کاروائی نئیں کیتی گئی۔ درخواست وچ موقف اختیار کیتا گیا سی کہ ڈائریکٹر جنرل آئی ایس آئی دے بیان دے مطابق اونہاں نے امریکی سی آئی اے چیف نوں پاکستان وچ قائم امریکی سفارتخانہ دی مشکوک سرگرمیاں بارے آگاہ کردتا اے تےایہہ گل ریکارڈ اتے آن توں بعد حکومتی سیکورٹی ایجنسیاں نوں امریکی سفارتخانے دی تلاشی لین دی اجازت دتی جائے۔ [/center]

[اسداللہ شاہ]

امیرجماعت اسلامی پاکستان سید منور حسن تے سیکرٹری جنرل لیاقت بلوچ نے ڈیرہ غازیخان کار بم دھماکے نال کھوسہ ہاؤس نوں نشانہ بنان دی دہشتگرداں دے خلاف شدید مذمت کیتی اے تے قیمتی جانی ومالی نقصان اتے گہرے رنج و غم دا اظہار وی کیتا اے۔ ایہہ گل اونہاں نے منصورہ توں جاری ہون والے اک بیان وچ کیتی اے۔ اونہاں دا کہنا سی کہ ہن امریکی تے بھارتی دہشتگردی جنوبی وزیرستان توں پنجاب تک پہنچ گئی اے۔ اونہاں دا کہنا سی یورنیم ذخائر دی وجہ توں ڈیرہ غازیخان براہ راست امریکی تے بھارتی نشانے اتے اے۔ اونہاں دا کہنا سی کہ اونہاں نے حکومت نوں غیرملکی ایجنٹاں دی مشکوک سرگرمیاں دے حوالے نال پہلاں ای خبردار کیتا سی۔ ایس موقع اتے امیر جماعت اسلامی نے حج دے موقع اتے بارشاں نال غیرمعمولی سیلاب دے دوران سعودی شہریاں دی جان بچان دیاں پاکستانی شہری فرمان علی دیاں کوششاں اتے اونہوں خراج عقیدت پیش کیتا۔

[اسداللہ شاہ]

لاہور وچ پاکستان میڈیکل سوسائٹی دے زیراہتمام تےڈائریکٹر جنرل ہیلتھ دے تعاون نال گورنمنٹ پولی ٹیکنیک کالج برائے خواتین وچ سوائن فلو تے پہلا سیمینارمنعقد کیتا گیا۔ تقریب نال خطاب کردیاں ڈی جی ہیلتھ پنجاب ڈاکٹر اسلم چودھری سمیت دوجے ڈاکٹراں نے کہیا اے کہ سوائن فلو توں گھبران دی ضرورت نئیں کیوں جے سرکاری ہسپتالاں وچ تشخیص تے علاج دیاں ساری سہولتاں فراہم کردتیاں گئیاں نیں۔ اونہاں دا کہنا سی کہ سوائن فلو ہون دی صورت وچ جے ادویات فوری استعمال کرلتی جاون تے مرض پھیلن توں علاوہ ٹھیک ہوجاندا اے۔ مقررین نے کہیا کہ عام مریضاں وچ ایس حملے توں بعد پہلے پنج دن جدکہ بچیاں وچ پہلے دس دن مرض اک توں دوجے نوں پھیلن دا خطرہ ہوندا اے۔ ڈاکٹراں دا کہنا سی کہ نزلے تے زکام دا شکار لوک خود نوں سوائن فلو وچ مبتلا نہ سمجھن کیوں جے ایہدا حتمی فیصلہ لیبارٹری رپورٹ توں بعد ای دتا جاسکدا اے۔ سیمینار وچ مقررین نے کہیا کہ ایس مرض توں بچاؤ لئی ہر کسے نوں اپنے ہتھ کثرت نال دھون دے نال اچھی خوراک دا وی خیال رکھنا چائیدا اے۔

[اعجازالحسینی]

تواڈا شکریہ

[اسداللہ شاہ]

کنگ ایڈورڈ میڈیکل یونیورسٹی دے زیر اہتمام سوائن فلو دیاں علامات، احتیاط تے بچاؤ دے حوالے نال آگاہی سیمینار منعقد کیتا گیا۔ محکمہ صحت تے کنگ ایڈورڈ یونیورسٹی دے اشتراک نال منعقدہ سیمینار وچ میو ہسپتال دے ایم ایس زاہد پرویز، کنگ ایڈورڈ میڈیکل یونیورسٹی دے وائس چانسلر ظفراللہ تے محکمہ صحت دے افسراں سمیت کئی ڈاکٹرز تے طلبہ نے سیمینار وچ شرکت کیتی۔ ایس موقع اتے مقررین دا کہنا سی کہ سوائن فلو دی ابتدائی علامات نزلہ زکام، جوڑاں وچ درد گلا خراب ہوندیاں نیں۔اونہاں دا کہنا سی کہ پیچیدگی دی صورت وچ نہ صرف سانس لین وچ دشواری ہوندی اے بلکہ الٹیاں، نک وچوں خون آنا وی سوائن فلو دیاں اہم علامات نیں۔ اونہاں دا کہنا سی کہ پاکستان وچ ہجے تک 11 کیسز دی تصدیق ہو چکی اے۔ مقررین نے ایس گل اتے زور دتا کہ سوائن فلو دے بچاؤ لئی رش والیاں جگہ اتے جان توں گریز کرنا چائیدا اے تے بچیاں نوں خاص طور اتے صاف رکھنا اے۔

[اسداللہ شاہ]

چیف جسٹس لاہور ہائیکورٹ جسٹس خواجہ محمد شریف نے کہیا اے کہ جج خوف خُدا نال لبریز ہوکے فیصلے کرن۔ ایہہ گل اونہاں نے لاہور وچ جوڈیشل اکیڈمی وچ تربیت مکمل کرن والے ججاں وچ اسناد تقسیم کرن دی تقریب نال خطاب کردیاں کیتی۔ اونہاں دا کہنا سی کہ جدوں قانون دے مطابق فیصلے ہون گے تے عدلیہ اُتے کوئی انگلی نئیں چُک سکے گا۔ چیف جسٹس لاہور ہائیکورٹ نے کہیا کہ قابل تے باصلاحیت جج عدلیہ دا اثاثہ نیں۔ اونہاں نے کہیا کہ عدلیہ دے ججاں دیاں تنخواہواں ودھن توں بعد اونہاں نوں فرائض دی ادائیگی تندہی نال کرنی چائیدی اے تے چیف جسٹس پاکستان دی نیشنل جوڈیشل پالیسی اُتے عمل کرنا چائیدا اے تاں جے لوکاں نوں جلد انصاف مل سکے۔ خواجہ محمد شریف دا کہنا سی کہ مقدمات زیرالتواء کرن دی حوصلہ شکنی ہونی چائیدی اے۔

[اعجازالحسینی]

بہت شکریہ

[اسداللہ شاہ]

پنجاب حکومت ولوں 8 محرم توں لے کے 10 محرم تک ڈبل سواری اتے پابندی عائد کردتی گئی اے۔ سیکرٹری داخلہ ندیم حسن آصف نے کہیا اے کہ ڈبل سواری اتے پابندی امن عامہ لئی لائی گئی اے جدا اطلاق اج توں ہوئے گا۔ اونہاں دا کہنا سی کہ عوام دی جان ومال دا تحفظ حکومت دی اولین ترجیح اے۔ ہوم سیکرٹری دا ایہہ وی کہنا سی کہ تمام مجلساں تے جلوساں دی مانیٹرنگ دے تمام انتظامات مکمل کرلتے گئے نیں۔ اونہاں دا کہنا سی کہ یوم عاشورہ دے موقع اتے وردی دے نال نال سادہ لباس وچ وی پولیس اہلکاراں دی ڈیوٹی لائی گئی اے۔ اونہاں دا کہنا سی کہ تمام مکاتب فکر دے علماء دا ایس گل اتے اتفاق اے کہ محرم دے دوران مذہبی ہم آہنگی نوں ہر حال وچ برقرار رکھیا جائے گا۔ سیکرٹری داخلہ نے عوام توں اپیل کیتی کہ اوہ ڈبل سواری اتے پابندی دے فیصلے اتے عمل درآمد نوں یقینی بنان لئی حکومت نال تعاون کرن۔ اونہاں دا کہنا سی کہ عوام دے تعاون نال ای دہشت گرداں دے عزائم نوں ناکام بنایا جاسکدا اے۔

[اسداللہ شاہ]

دسویں محرم الحرام نوں نثار حویلی لاہور توں نکلن والے مرکزی ذوالجناح دے جلوس لئی سیکورٹی دے انتظامات مکمل کرلتے گئے نیں۔ مرکزی جلوس نثار حویلی توں برآمد ہوئے گا جیڑا رنگ محل، کشمیری بازار تے بھاٹی چوک توں ہوندا ہویا شام نوں کربلا گامے شاہ پہنچ کے اختتام پذیر ہوئے گا۔ ایس جلوس وچ ہزراں دی تعداد وچ عزادار ذوالجناح نوں چھو کے اپنی عقیدت دا اظہار کرن گے۔ ایس حوالے نال سیکورٹی دے فول پروف انتظامات کیتے گئے نیں تاں جے کسے وی ہنگامی صورتحال توں نبڑن لئی پولیس دی بھاری تعداد، بم ڈسپوزل سکواڈ، سول ڈیفینس ، ریسکیو 1122 دیاں ٹیماں جلوس دے رستے اتے موجود رہن گیاں۔ ایس ایچ او لوئر مال انسپکٹر سجاد گورائیہ نے دسیا کہ اونہاں نے ذوالجناح دے مرکزی جلوس لئی انتظامات نوں حتمی شکل دے دتی گئی اے۔

[اعجازالحسینی]

بڑے دناں بعد آئے او جناب

[اسداللہ شاہ]

ہفتے نوں وی خبر لکھی سی

[اسداللہ شاہ]

10 محرم الحرام دے موقع اتے کراچی وچ مرکزی جلوس وچ ہون والے بم دھماکے توں بعد لاہور وچ قانون نافذ کرن والے اداریاں نے مرکزی جلوس تے سیکورٹی مزید سخت کردتی اے۔ اندرون شہر مرکزی جلوس دی حفاظت لئی پنجاب حکومت ولوں 25 ہزار سیکورٹی اہلکار ڈیوٹی سرانجام دے رئے نیں۔ جدکہ کراچی بم دھماکے توں بعد مزید 10 ہزار سیکورٹی اہلکاراں نوں امام بارگاہ گامے شاہ تے اوہدے ول آن والے رستیاں اتے تعینات کردتا گیا اے۔ کربلا گامے شاہ ول آن والے لوکاں اتے کھان پین دیاں شیواں لیان تے پابندی لادتی گئی اے۔ ذرائع دے مطابق قانون نافذ کرن والے اداریاں نے لاہور دیاں تمام وڈھیاں امام بارگاہواں تے وڈھے جلوس دی سیکورٹی مزید بہتر بنان لئی سیکورٹی اہلکاراں، پولیس تے سپیشل فورس دی بھاری نفری دے نال نال سیکورٹی دے دیگر انتظامات وچ وی اضافہ کردتا اے۔ ایس ویلے مرکزی جلوس نوں بھاٹی گیٹ اتے روک دتا گیا اے تے جلوس دے باقی رستیاں نوں سراغ رساں کتیاں تے فورسز دے ذریعے کلیئر کیتا جاریا اے جدے بعد جلوس نوں اگے ودھن دی اجازت دتی جائے گی۔ ایہدے علاوہ مرکزی جلوس دے تمام داخلی تے خارجی رستیاں اتے لوکاں نوں پولیس چیکنگ توں بعد داخل ہون دتا جاریا اے۔

[اسداللہ شاہ]

مسلم لیگ ن دے قائد میاں نواز شریف نے کہیا اے کہ ملک وچ جمہوریت نوں کوئی خطرہ نئیں تے جمہوریت دی راہ وچ آن والی ہر رکاوٹ دا اوہ خود مقابلہ کرن گے۔ اوہ لاہور وچ پنجاب دے سینئر مشیر سردار ذوالفقار کھوسہ نال ملاقات توں بعد میڈیا نال گل بات کررئے سن۔ میاں نواز شریف دا کہنا سی کہ ایہہ تاثرغلط اے کہ مسلم لیگ ن یا اوہ کسے ذاتی مفاد یا منصب دے حصول لئی موجودہ حکومت دا ساتھ دے رئے نیں۔ اونہاں دا تعاون آئین تے دستور پاکستان نوں آمراں ولوں کیتیاں گئیاں ترامیم توں پاک کرن لئی اے کیوں جے ایدے نال پاکستان نوں نقصان پہنچیا اے تے اج پاکستان دے صوبیاں دے درمیان خلفشار اے۔ مسلم لیگ ن دے قائد نے کہیا کہ پاکستان نوں اج جنہاں حالات دا سامنا کرنا پئے رئیا اے اوہدے وچ جمہوریت نوں جے کوئی خطرہ اے تے اوہ حکومت دے اپنے غیر جمہوری طرز عمل دی وجہ توں اے۔ اینہاں خطرات نوں ختم کرن لئی حکومت جنہاں راواں اتے چل رئی اے اونہاں توں واپس آجائے۔ صدر آصف علی زرداری دے خطاب بارے اونہاں دا کہنا سی کہ ایدے اتے لوک مختلف طراں دے تبصرے کررئے نیں پر اوہ سمجھدے نیں کہ آئندہ چند دناں وچ صورتحال مزید واضح ہوجائے گی۔ حکومت نوں چائیدا اے کہ عوام دے جذبات نوں سمجھے ورنہ جمہوریت دی ایہہ گڈی ایسے طراں چلدی تے رکدی رئے گی تے دوجے ایس توں فائدہ چکدے رہن گے۔ایس موقع اتے میاں نواز شریف نے سانحہ کراچی دی مذمت کردیاں اونہوں ملک دے خلاف سازش قرار دتا اے۔

[اعجازالحسینی]

تواڈا شکریہ