پچھلے پانچ دنوں میں مجھے آج 14 دوستوں کی جانب سے جو میری فیس بک فرینڈ لسٹ میں ہیں فیس بک اکاونٹ میں مسائل/لاگ ان/اکاونٹ ہیک/ کی شکائت موصول ہوئیں۔
اس درخواست کے ساتھ کے ان کی اس معاملے میں مدد کریں۔ سوائے 2 بندوں کی ( جن کا اکاونٹ فیس بک نے اس نوٹ کے ساتھ بند کر دیا کہ ان سے اکاونٹ بند ناں کرنے کی وجہ بھی ناں پوچھی جائے فیس بک کے انجینئر کے ساتھ لمبی بحث کے بعد بھی ہم اکاونٹ بند کرنے کی وجہ نہیں جان پائے۔
باقیوں میں سے دو بھائی صاحبان اکاونٹ کا پاسورڈ خود ہی غلط لگا رہے تھے کیپس لاک آن ہونے کی وجہ سے پاسورڈ غلط شو کر رہا تھا۔
باقی سب دوستوں کے اکاونٹس کو کسی نے ہیک کیا۔
میں اب احباب کو ہیکنگ کی تعریف جو آج کل ہوتی اور ان مین سے پانچ دوستوں کے اکاونٹ میں جو مماثلت پائی گئی وہ بھی بتاتا ہوں۔۔
اور ان سے بچنے کے طریقے بھی بتاتا ہوں۔
جیسے جیسے سوشل میڈیا کا استعمال زیادہ ہو رہا ہے ویسے ویسے ان کی ہیکنگ کے خطرات زیادہ ہوتے جا رہے، تقریباء تمام سوشل میڈیا کے منتظمین کی جانب سے باقاعدہ ایسے کسی بھی ایریر جس کی وجہ سے ہیکنگ ہو کی رپورٹ کرنے پر انعامات کے ساتھ ساتھ سرٹیفکیٹ دینے کا اعلان بھی کیا گیا ہے۔
جس کی وجہ سے تمام سوشل میڈیا سمیت مشہور ویب سائٹ کے ہیک ہونے کے خطرات کسی حد تک کم ہو گئے ہیں۔
اور اس کے ساتھ ہی تمام ویب سائٹوں اور سوشل میڈیا والوں نے یوزر کی سیکیورٹی کو بھی انتہا بڑھا لیا جس سے ہیکنگ کا خطرہ 50 فیصد تک کم ہو جاتا ہے۔
انٹرنیٹ پر بہت سے ہیکرز،گروپس کی صورت میں کام کر رہے ہیں جن کا صرف ایک ہی مقصد ہوتا ہے کہ دوسرں کے بینک اکاؤنٹ کی تفصیل حاصل کرکے ان کی دولت پر ہاتھ صاف کرنا ، یہ کسی کو بھی کنگال کر سکتے ہیں۔ کچھ ہیکرز خفیہ ایجنسیوں کی سرپرستی میں اپنے ملک کے مفادات کے لئے کام کرتے ہیں ، یہ ہیکرز اپنے کام میں بہت ماہر ہوتے ہیں جو دشمن ملک کے حساس کمپیوٹرز تک رسائی حاصل کر کے ان کی خفیہ اور حساس معلومات پر مشتمل فائلز کو چرا سکتے ہیں، ڈلیٹ کر سکتے ہیں، کرپٹ کر سکتے ہیں یا ان کے کمپیوٹر نیٹ ورک میں وائرس چھوڑ کر انہیں بھاری نقصان پہنچا سکتے ہیں۔ اس کے علاوہ انٹر نیٹ پر بہت سے شوقیہ ہیکرز بھی پائے جاتے ہیں جو بلاوجہ لوگوں کو تنگ کرتے رہتے ہیں یہ کبھی کسی کی ویب سائیٹ ہیک کر لیتے ہیں ، کبھی ان پر کسی کے فیس بک اکاؤنٹ کو ہیک کرنے کا جنون سوار ہوتا ہے اور کبھی یہ کسی کی ای میل کے پیچھے پڑے ہوتے ہیں۔
ای میل کا پاسورڈ مل جانے کے بعد ان کے لئے یہ سب کام بہت آسان ہوتا ہے
ای میل مل جانے کے بعد وہ سب سے پہلے آپ کا سوشل میڈیا اکاونٹ تلاش کرتے ہیں پھر اس ای میل سے منسلک سوشل میڈیا اکاونٹ کا پاسورڈ ری سیٹ کرتے ہیں اور آپ کو اس اکاونٹ سے محروم کر دیتے ہیں۔
مجھے موصول ہونے والی درخواستوں میں سے 5 افراد کے ای میل سمیت سوشل میڈیا اکاونٹ کے پاسورڈ pakistan الفاظ پر مشتمل تھےانکے آگے یا پیچھے 1سے لے کر 9 تک کے الفاظ میں سے بس ایک لفظ لکھا ہوا تھا اور تو اور ان احباب کے ای میل اکاونٹ کے پاسورڈ بھی یہی تھے۔
اب آپ ہی بتائیں انکے اکاونٹس پر ہاتھ صاف کرنا کون سا مشکل تھا۔
عام انسان کی کوشش ہوتی ہے کہ وہ ایسا پاسورڈ رکھے جس کو اسے یاد رکھنے میں کسی بھی مشکل کا سامنا ناں کرنا پڑے۔
جیسا کہ : اپنا نام، شہر کا نام، اپنے بچوں کا نام، فون نمبر، پُرانی معشوقہ کا نام، بیوی کا نام، منگیتر کا نام،معشوقہ کا فون نمبر، اپنے پالتو جانور کا نام،کبھی کبھی اپنا اور معشوقہ کے نام میں + کا نشان بھی لگا دیتے جس سے پاسورڈ کچھ مضبوط ہو جاتا۔
اگر آپ کا بھی ایسا ہی پاسورڈ ہے تو محترمان آپ اپنے پاسورڈ کو کچھ اور مضبوط بنا لیں کیونکہ ہو سکتا کہ اس اکاونٹ پر آپ کی معشوقہ ہی ہاتھ صاف کر جائے/ یا آپ کا وہ دوست جو آپ کا بہت قریبی ہو۔
تو میری آپ سب دوستوں سے گزارش ہے کہ جلد از جلد آپ اپنے اکاونٹس کی سیکیورٹی مضبوط بنائیں۔
اب سوال آتا ہے کہ
مگر کیسے۔۔۔؟
تمام ای میل/سوشل میڈیا والوں نے اس بات کو یقینی بنایا ہوا ہے کہ آپ اپنے اکاونٹ مین ریکوری اکاونٹ بھی ڈالیں اسکے ساتھ ساتھ اپنا موبائل فون کا نمبر بھی اس مین یہ سہولت بھی موجود ہوتی ہے کہ جب آپ لاگ ان ہونا چاہیں تو وہ ایک سیکیورٹی کوڈ آپ کو بھیجتے ہیں جو کہ 4،5،6 تک الفاظ پر مشتمل ہوتا ہے وہ کوڈ ڈالنے پر ہی آپ اکاونٹ میں لاگ ان ہو سکتے ہیں یہ کوڈ آپ اپنے موبائل فون نمبر کے ساتھ ساتھ ای میل پر بھی ان ایبل کر سکتے ہیں۔
اگر آپ کسی پبلک کمپیوٹر یا کسی دوست کے کمپیوٹر پر لاگ ان ہو رہے ہیں تو اس بات کو یقینی بنائیں کہ انہوں نے کوئی کی لوگر نہیں انسٹال کیا ہوا جس سے آپ کے دبائے ہوئے بٹن کو ریکارڈ کیا جا سکتا ہے . اگر آپ یہ دیکھنے کا علم نہیں رکھتے تو بہتر ہے کہ OSK کی سہولت کو استعمال کیا جائے OSK آن سکرین کی بورڈ کا مخفف ہے یہ آپ سٹارٹ مینیو پر کلک کر کے سرچ بار مین لکھ کر اسکو استعمال کر سکتے ہیں۔
اس سے بس ماوس کے کلک ہی ہوں گے بٹن ریکارڈ نہیں ہو گے ۔مگر یہ دوست کے سامنے مت کیجئے گا۔
پبلک کمپیوٹر یا دوست کے کمپیوٹر میں لاگ ہونے کے وقت اس بات کو یقینی بنائیں کے براوزر نے آپ کے پاسورڈ اور ای میل کو سیو تو نہیں کیا اسکے لئے آپ براوزر کی سیٹنگ میں پاسورڈ شو والی آپشن میں دیکھ سکتے ہیں۔
جاتے وقت لاگ آوٹ کر کے براوزر کی ہسٹری سمیت تمام کیشے وغیرہ کلئیر کرنا مت بھولیئے۔
اپنے اکاونٹس کے پاسورڈ کچھ اسطرح رکھیں۔۔
پاسورڈ میں ایک یا دو جگہ سائن ضرور رکھیں جیسا کہ
!@#$٪&٭)('
پاسورڈ میں ایک یا دو جگہ کیپیٹل (بڑے الفاظ میں انگلش ضرور لکھیں) جیسا کہ
ABC
اسکے بعد یا پہلے سمال الفاظ میں انگلش لکھیں جیسا کہ
abc
اسکے بعد کچھ گنتی کے الفاظ بھی ضرور رکھیں جیسا کہ
123
پاسورڈ کم از کم 8 سے 12 الفاظ پر مشتمل ہونا چاہیئے
کچھ ویب سائٹس پاسورڈ کی سنٹرینتھ بتاتی ہیں جیسا کہ یہ پاسورڈ اس میں ڈالوں تو تمام ویب سائٹ 100٪ مضبوط پاسورڈ بتا رہی ہیں۔!
$%p@ak1$TAn248
پاسورڈ کی مضبوطی چیک کرنے کے لئے ۔۔۔درج زیل ویب سائٹ چیک کی جا سکتی ہیں۔
http://www.passwordmeter.com/
https://howsecureismypassword.net/
اسکے بعد پاسورڈ کے آخر میں ایک یا دو بار سپیس بھی ڈالئے۔ جو کہ اگر غلطی سے بھی پاسورڈ براوزر میں سیو ہو بھی جائے تو بھی سپیس شو نہیں ہو گی جس سے اکاونٹ ہیک ہونے کے چانسس 10 فیصد کم ہو جاتے ہیں۔
یاد دہانی کے لئے بتانا چاہوں گا کہ پاکستان سمیت دنیا بھر میں سائبر قانون بہت سخت ہیں آپکے اکاونٹ سے کسی کو دھمکی بھری ای میل بھیج کر بھی آپ کو لمبے عرصے تک پھنسایا جا سکتا۔
اسکے علاوہ آپ کے کاروباری، زاتی معلومات سمیت گھریلو تصاویر بھی حاصل کی جا سکتی ہیں۔
اگر آپ کے ساتھ ایسا کوئی واقعہ ہو جائے تو بجائے خاموش رہنے کے قریبی پولیس اسٹیشن میں رپورٹ لکھوائے تا کہ آپ کسی ناگہانی آفت سے بچ سکیں اور کوئی قانونی کاروائی کا حق رکھ سکیں۔
آج کل گھر کی سیف کے ساتھ ساتھ ان اکاونٹس کی سیکورٹی آپ کے بے حد ضروری ہے۔
امید کرتا ہوں کہ آپ ان باتوں کا خیال ضرور رکھیں گے اور یہ مضمون آپ احباب کے لئے کارآمد ہو گا۔
اگر مضمون کارآمد لگے تو شئیر کیجئے اور دوستوں کو بھی اس سے فائدہ اٹھانے کا موقع دیجئے۔
میاں محمد اشفاق
