اردونامہ فورم

نیویارک: صارفین کے پیغامات کو مزید محفوظ بنانے کے لیے پیغام بھیجنے والی سروس ’واٹس ایپ‘ نے صارفین کی بات چیت کو اِنکرپٹ کرنا شروع کردیا۔
واٹس ایپ کے مطابق اس نظام میں میسج بھیجنے والے اور موصول کرنے والے دونوں کی طرف اِنکرپشن کی جائے گی جس کا مطلب ہے کہ بھیجنے والے کا پیغام گڈمڈ ہو گا اور یہ موصول ہونے والے کو صرف اسی وقت سمجھ آئے گا جب وہ اس پیغام کو ڈی کرپٹ کرے گا جب کہ اگر اس پیغام کو کوئی اور پڑھنے کی کوشش کرے گا مثلاً کوئی مجرم یا کوئی قانون نافذ کرنے والا ادارہ، تو وہ نہیں پڑھ پائے گا۔ واٹس ایپ کا یہ بھی کہنا تھا کہ ان کی فائل ٹرانسفرز اور کالز بھی اِنکرپٹڈ ہوں گی کیوں کہ ذاتی روابط کی حفاظت ان کے لیے مرکزی اہمیت رکھتی ہے۔
کمپنی انتظامیہ کے مطابق انکرپشن پراس وقت توجہ مرکوز ہوئی جب امریکی ادارے ایف بی آئی نے ایپل کمپنی سے مطالبہ کیا کہ وہ مسلح شخص کے آئی فون کو کو کھولنے میں مدد دے لیکن ایپل نے ایسا کرنے سے انکار کر دیا تھا۔ جن صارفین کے پاس اس ایپ کا بالکل نیا ورژن موجود ہے ان کے پاس اس سروس نے کام شروع کردیا ہے۔
ایمنسٹی انٹرنیشنل کا کہنا ہے کہ یہ آزادیِ اظہار کی فتح ہے، خاص طور پر ان سرگرم کارکنوں اور صحافیوں کے لیے جن کے کام کا انحصار قابل اعتماد ذرائع ابلاغ پر ہے۔ اب وہ اپنی زندگیاں داؤ پر لگائے بغیر کام کر سکیں گے۔

[link]http://www.express.pk/story/486998/[/link]

یہ ایک اچھی پیش رفت ہے مگر اس سے مجرمانہ سرگرمیوں‌سے تعلق رکھنے والے لوگوں‌کو بھی فائدہ پہنچے گا.
میرے پاس ویسے یہ سہولت فعال ہو چکی ہے.

واٹس ایپ صارفین اب اپنے دوستوں کو صرف سادرہ انداز میں نہیں بلکہ مختلف اور نئے انداز میں بھی پیغامات بھیج سکتے ہیں۔
واٹس ایپ میں ایک بڑی خامی ٹیکسٹ فارمیٹنگ کا نہ ہونا تھی، لیکن صارفین کی دلچسپی کو مدنظر رکھتے ہوئے اب یہ سہولت بھی واٹس ایپ میں شامل کر دی گئی ہے۔ اب آپ پیغامات بھیجتے ہوئے ان کی فارمیٹنگ بھی بدل سکتے ہیں یعنی ٹیکسٹ کو بولڈ، اٹیلک اور سٹرائیک تھرو کیا جا سکتا ہے۔


ٹیکسٹ کی فارمیٹنگ بدلنے کے لیے اس کا مخصوص نشان ٹیکسٹ کے آغاز اور اختتام پر شامل کرنا ہوگا۔ مثلاً کسی ٹیکسٹ کو بولڈ کرنے کے لیے اس شروع میں اسٹار اور اسی طرح اختتام پر بھی اسٹار ڈالنا ہو گا اس طرح واٹس ایپ اس ٹیکسٹ کو بولڈ کر دے گا۔
اس فیچر کو استعمال کرنے کے لیے آپ کے پاس واٹس ایپ کا تازہ ترین ورژن موجود ہونا چاہیے۔ اکثر لوگوں کے پاس فی الحال یہ فیچر کام نہیں کر رہا لیکن اگلے چند دنوں میں اس تبدیلی کو سب کے لیے فراہم کر دیا جائے گا۔

یہ خبر میں‌نے دو دن پہلے پڑھی تھی مگر ابھی تک میرے پاس تو یہ سہولت کارگر نہیں ہوئی ہے.

بہت اچھا اقدام ہے-

Sent from my Genius_tab_G6 using Tapatalk

لیکن ابھی تک کام نہیں کر رہا میرے پاس -

Sent from my Genius_tab_G6 using Tapatalk

ایسا لگتا ہے کہ واٹس ایپ انتظامیہ بھرپور طریقے سے نئے فیچرز متعارف کرانے میں شدید مصروف ہے کیونکہ آئے روز اس میں کسی نہ کسی فیچر کا اضافہ ہورہا ہے اور اب وائس میل، کال بیک اور شپ فائل شیئرنگ کے بعد واٹس ایپ میں ’’ویڈیو کالنگ‘‘ کی سہولت جلد متعارف کرائے جائے گی۔
یقینی طور پر کہا جا سکتا ہے کہ اس فیچر کی وٹس ایپ میں شدید کمی تھی۔ واٹس ایپ اس وقت دنیا کی مقبول ترین ایپلی کیشن ہے لیکن اس میں صرف وڈیوکالنگ کی کمی تھی جو کہ اب پوری ہونے کو ہے۔ اس فیچر کے بعد دیگر مسیجنگ ایپلی کیشنز جیسے کہ ایمو، وائبر اور اسکائپ وغیرہ کو شدید مشکلات پیش آسکتی ہیں کیونکہ وڈیو کالنگ کے لیے صارفین واٹس ایپ کی بجائے دیگر ایپلی کیشنز استعمال کرتے ہیں لیکن اگر یہی فیچر اب واٹس ایپ میں موجود ہو گا تو صارفین کسی دوسری ایپلی کیشن کی طرف جانا پسند نہیں کریں گے۔



اس فیچر کی فی الحال واٹس ایپ انتظامیہ نے تصدیق نہیں کی لیکن اس کا ایک اسکرین شاٹ شائع کیا ہے جس میں یہ نیا فیچر دیکھا جا سکتا ہے۔ اس لیے امید ہے کہ جلد یہ نیا فیچر بھی واٹس ایپ میں دیکھنے کو ملے گا۔ یہی نہیں واٹس بلکہ ایپ کا ونڈوز اور میک کے لیے سافٹ ویئر بھی تیاری کے مراحل میں ہے یعنی مستقبل میں واٹس ایپ کو پی سی اور میک پر بھی باآسانی استعمال کیا جا سکے گا۔

[link]http://www.express.pk/story/504106/[/link]

یہ تو آنے والا وقت ہی بتائے گا کہ واتساپ اب کتنا محفوظ ہے ... کیوں کہ
انٹیجنس ادارے اپنی مفاد کے خلاف چلنے والے اداروں کو ہرگز بداشت نہیں کرتی
ممکن ہو کہ
عوام کو ایک جانب سہولتیات اور تحفظات فراہم کی جارہی ہو جبکہ دوسری جانب ان کا خفیہ
کام کارآمد رہے .. جس کے تحت یہ صارف کے گفتگو سے لیکر موبائیل کے اندرتک رسائی حاصل کرلیں ..