میرے خدا
تری حمد کیسے کروں بیاں؟
مری سوچ پر کڑا امتحاں
مرے لفظ تیرے اسیر ہیں
ترا اِذن ہو تو کھلے زباں
کوئی کیسے تجھ کو سمجھ سکے؟
کئی راز تجھ میں ہوئے نہاں
تجھے بھول کر ہوں بھٹک گیا
مجھے یاد آ مرے مہرباں!
مری تشنگی کو قرار دے
مری اُلجھنوں کو سنوار دے
میں خزائوں کاہوں ڈسا ہُوا
مجھے اب تو کوئی بہار دے
کبھی مسجدوں میں نہ مِل سکا
دلِ سوختہ میں مِلا کبھی
کبھی مانگ کر نہ عطا کیا
کہیں بے طلب بھی دِیا کبھی
کسی عقل میں تُو نہ آسکا
تجھے ہر کوئی نہ سمجھ سکا
اُسے اپنی ذات میں مل گیا
جسے جستجو کا ہنر ملا
تُو ہے شام میں تُو سحر میں ہے
تُو ہے عرش پر تُو دہر میں ہے
تُو نظر کی حد سے ہے ماورا
مگر اہلِ دِل کی نظر میں ہے
ہیں مرے نصیب میں خار کیا
مجھے مِل سکے گی بہار کیا
تری دسترس میں ہیں کھیل سب
کوئی جیت کیا؟ کوئی ہار کیا
(سید حمادرضابخاری)
میرے خدا ...............(کلام : سیدحمادرضابخاری)
-
- کارکن
- Posts: 52
- Joined: Sun Sep 13, 2015 3:50 pm
- جنس:: مرد
- Contact:
-
- ماہر
- Posts: 605
- Joined: Fri Mar 27, 2015 5:27 pm
- جنس:: مرد
- Location: کراچی، پاکستان
- Contact:
Re: میرے خدا ...............(کلام : سیدحمادرضابخاری)
سبحان اللہ ۔۔۔ بہت خوب
آن لائن اردو انگلش ڈکشنری
[link]http://www.urduinc.com[/link]
[link]http://www.urduinc.com[/link]