گوگل کا ایک انقلابی منصوبہ
جب میرے اسمارٹ فون کے ہارڈویئر میں کوئی ایسی خرابی ہوجائے تو عام مرمت سے ٹھیک نہ ہوسکتی ہو تو میں وہ ڈیوائس ایک طرف پھینک کر نئی خرید لیتا ہوں۔ اس کے مقابلے میں جب میرے کمپیوٹر کے ہارڈویئر میں کوئی مسئلہ ہوتا ہے تو میں اس کی شناخت کرکے خراب پرزے کو تبدیل کردیتا ہو اس طرح نئے سسٹم کو خریدنے کا خرچ بچ جاتا ہے۔
مگر گوگل کے پراجیکٹ آرا کی آمد کے بعد اسمارٹ فونز کی دنیا میں ایک نیا انقلاب آنے والا ہے۔
فروری 2015 میں ممکنہ طور پر ریلیز کیا جانے گوگل کا یہ موڈیولر فون موٹرولا کی ایڈوانسڈ ٹیکنالوجیز اور پراجیکٹ ٹیم کا خیال تھا، جو موٹرولا کی خریدنے کے بعد فروخت کرکے بھی گوگل نے اپنے پاس رکھا کیونکہ اس میں اسے بہت زیادہ مواقعے نظر آرہے تھے۔
گوگل پہلے ہی اسمارٹ فونز میں سافٹ ویئر کے حوالے سے اپنے انڈرائیڈ سافٹ ویئر کی بدولت انقلاب برپا کرچکا ہے اور اب وہ یہ موبائل ہارڈویئر میں بھی ایسا ہی کرنے والا ہے۔
پراجیکٹ آرا میں گوگل کی جانب سے تین مختلف سائز کی ڈیوائسز کے فریم فراہم کیے جائیں گے جن کی موڈیولنگ تھرڈ پارٹی کرے گی۔
ان انوکھے موبائلز کو گوگل اسٹور میں بغیر کسی مشکل پابندیوں کے فروخت کیا جائے گا اور خریداروں پر پابندی نہیں ہوگی کہ وہ وہ ان موبائل کو جوڑنے کے لیے گوگل کے باضابطہ چینیلز کی مدد لیں تاہم باہر سے موبائل کو شکل دینے پر گوگل کی مہر سے محروم ہونا پڑے گا۔
صارفین کے لیے اس منصوبے کی اصل خوبصورتی یہ ہے کہ فون کے مختلف اجزاءکو جڑنے کے لیے کسی قسم کی پیچیدہ مکینیکل مہارت درکار نہیں ہوتی درحقیقت یہ اتنا ہی آسان کام ہوگا جتنا کسی لیگو برکس کے حصوں کو جوڑنا۔
اچھی بات یہ ہے کہ گوگل نے اس منصوبے میں خوبصورتی کا خیال بھی رکھا ہے اور اس کی آزمائشی ڈیوائسز ہر اعتبار سے ایک اچھے اسمارٹ فون کی طرح نظر آتی ہیں۔
گوگل کی جانب سے فراہم کیے جانے والے فریمز میں ایک پاور سوئچ اور ایک پاور بس بھی ہوگا جن کی مدد سے مختلف پرزوں کو بجلی کی سپلائی، استعمال اور ذخیرہ کرنے میں مدد ملے گی یعنی آپ کو فون میں بیٹری اتنی طاقتور مل سکے گی کہ اسے ہفتوں بغیر چارج کیے بھی گزارا ہوسکے گا۔
اور صرف بیٹری کے اجزا ہی واحد حصے نہیں جنھیں صارفین نکال اور بدل سکیں گے، بلکہ وہ چاہیں گے تو اسکرینز، کیمرے، سنسرز اور دیگر تمام حصے وہ اپنی مرضی کے مطابق بدل سکیں گے اور ان تمام موڈیول کو گوگل کے فراہم کردہ ہر سائز کے فریم میں استعمال کیا جاسکتا ہے۔
گوگل کے پراجیکٹ آرا کے ڈائریکٹر پال اریمینکو کا کہنا ہے " آپ کسی فون کا انتخاب کیمرہ کی بنیاد پر کیوں کرتے ہیں جبکہ آپ اپنے فون کے لیے ایک کیمرہ خود پسند کرکے لگاسکتے ہیں؟ لوگ کیوں نہ اپنے قیمتی سنسر یا اجزا اپنے دوستوں، خاندان یا پورے گاﺅں کے ساتھ شیئر کریں؟ پراجیکٹ آراکے بارے میں سوچے جو ہمہ گیر کمپیوٹنگ پلیٹ فارم فراہم کرتا ہے"۔
اگر پراجیکٹ آرا کا آغاز ہوجاتا ہے تو آئندہ چند سال بعد ہوسکتا ہے کہ آپ ایک نیا فون نہ خریدیں بلکہ اسے اپ ڈیٹ کردیں اور پرانے پرزے کسی اور کو دے دیں۔ واضح فوائد کو ایک جانب بھی کردیا جائے تو بھی پراجیکٹ آرا سے ماحولیاتی آلودگی پر مثبت اثرات مرتب ہوں کیونکہ الیکٹرونک فضلہ کم ہوجائے گا۔
اب موبائل ہارڈوئر بھی اپڈیٹ ہونگے
- چاند بابو
- منتظم اعلٰی
- Posts: 22224
- Joined: Mon Feb 25, 2008 3:46 pm
- جنس:: مرد
- Location: بوریوالا
- Contact:
Re: اب موبائل ہارڈوئر بھی اپڈیٹ ہونگے
بہت خوب.
قصور ہو تو ہمارے حساب میں لکھ جائے
محبتوں میں جو احسان ہو ، تمھارا ہو
میں اپنے حصے کے سُکھ جس کے نام کر ڈالوں
کوئی تو ہو جو مجھے اس طرح کا پیارا ہو
محبتوں میں جو احسان ہو ، تمھارا ہو
میں اپنے حصے کے سُکھ جس کے نام کر ڈالوں
کوئی تو ہو جو مجھے اس طرح کا پیارا ہو
-
- معاون خاص
- Posts: 13369
- Joined: Sat Mar 08, 2008 8:36 pm
- جنس:: مرد
- Location: نیو ممبئی (انڈیا)
Re: اب موبائل ہارڈوئر بھی اپڈیٹ ہونگے
شیئرنگ کے لیئے شکریہ
Re: اب موبائل ہارڈوئر بھی اپڈیٹ ہونگے
شیئرنگ کے لیے شکریہ
بڑی بے چین رہتی ہے طبیعت اب میری محسن
مجھے اب قتل ہونا ہے، مگر قاتل نہیں ملتا
مجھے اب قتل ہونا ہے، مگر قاتل نہیں ملتا