ورلڈکپ: 4 کروڑ سے زائد 'برازوکا' پاکستان سے برآمد
ورلڈکپ: 4 کروڑ سے زائد 'برازوکا' پاکستان سے برآمد
فیفا فٹبال ورلڈکپ برازیل میں جاری ہے اور اس میں پاکستانی ساختہ گیند کا استعمال وہاں سبز پرچم کی کمی پوری کرنے کے ساتھ ساتھ اسپورٹس ڈپلومیسی کو بھی فروغ دے رہا ہے۔
فیفا ورلڈکپ کے آغاز سے قبل برازیل کے پاکستان میں سفیر الفرڈو لیونی نے سیالکوٹ کا دورہ کیا تاکہ خود 'برازوکا' گیندوں کو بنتا دیکھ سکیں،جبکہ ایک حالیہ تقریب میں شرکت کے موقع پر انھوں نے اس کاروباری اور اسپورٹس ڈپلومیسی کو سراہتے ہوئے کہا تھا کہ اس سے پاکستان اور برازیل کے درمیان ایک تعلق قائم ہوگیا ہے۔
اب تک 4 کروڑ سے زائد گیندیں پاکستان سے برآمد کی جاچکی ہیں جن سے میں کچھ ورلڈکپ میچز کیلئے استعمال ہوں گی جبکہ باقی تربیتی سیشنز اوردنیا بھر میں مختلف مقابلوں میں پاکستان کی شان بڑھائیں گی۔
برازوکا تیار کرنے والی کمپنی کے ایک عہدیدار کے مطابق یہ کاروبار کیلئے زبردست موقع ہے اور اب ہم یہی دعا کرسکتے ہیں کہ کوئی میچ ہارنے کے بعد اس کا الزام گیند پر عائد نہ کردے۔
تاہم ان کا کہنا ہے کہ ایسا ممکن ہے کوئی گیند کو اپنی شکست کا ذمہ دار قرار دیدے مگر 'ہم پراعتماد ہیں کہ ہماری یہ بال اعلیٰ معیار کی ہے، کیونکہ ہم نے گزشتہ برسوں کے دوران اپنی مشینری کو جدید بنانے کیلئے بہت زیادہ سرمایہ لگایا ہے'۔
'اس سے پہلے تمام گیندیں ہاتھوں سے تیار کی جاتی تھیں، مگر اب ایسا نہیں۔ اس وقت سیالکوٹ میں کام کرنے والی چھوٹی اور درمیانی درجے کی صنعتیں سالانہ ایک اعشاریہ چھ ارب ڈالر کا زرمبادلہ کما کر دے رہی ہیں۔'
اس عہدیدار کا مزید کہنا تھا کہ جولائی کے اختتام میں جب برازیل میں ورلڈکپ کا جوش و خروش ٹھنڈا ہوجائے گا تو کچھ ایڈی داس گیندیں پاکستانی مارکیٹ میں بھی دستیاب ہوں گی، اگرچہ وہ سستی نہیں ہوں گی مگر وہ بہت خاص ضرور ہوں گی۔
ان کے مطابق یہ بات قابل فخر ہے کہ 2014 فیفا ورلڈکپ کیلئے استعمال کی جانے والی گیندیں پاکستان میں تیار ہوئیں، اس سے ثابت ہوتا ہے کہ پاکستانی کاروباری افراد کس حد تک مواقعوں سے فائدہ اٹھا سکتے ہیں۔
رپورٹ: شہباز چوہدری اور اتلے ہیٹلینڈ
-
- منتظم اعلٰی
- Posts: 6565
- Joined: Thu Jul 15, 2010 7:11 pm
- جنس:: مرد
- Location: پاکستان
- Contact:
Re: ورلڈکپ: 4 کروڑ سے زائد 'برازوکا' پاکستان سے برآمد
اتنی زیادہ فٹبالز کو کیا کرتے ہیں ؟
ایک میچ میں تو ایک بال استعمال ہوتی ہے. کیا وہاں فتبال بیچی جاتی ہیں ؟
ایک میچ میں تو ایک بال استعمال ہوتی ہے. کیا وہاں فتبال بیچی جاتی ہیں ؟
- چاند بابو
- منتظم اعلٰی
- Posts: 22224
- Joined: Mon Feb 25, 2008 3:46 pm
- جنس:: مرد
- Location: بوریوالا
- Contact:
Re: ورلڈکپ: 4 کروڑ سے زائد 'برازوکا' پاکستان سے برآمد
جی بالکل اس ایونٹ کا فائدہ اٹھا کر ان ممالک میں ان گیندوں کو فروخت کے لئے پیش کیا جاتا ہے اور ہر فٹ بال ٹیم اسی کمپنی کا فٹ بال خریدنے میں فخر محسوس کرتی ہے جو ورلڈ کپ میں استعمال ہوا.
قصور ہو تو ہمارے حساب میں لکھ جائے
محبتوں میں جو احسان ہو ، تمھارا ہو
میں اپنے حصے کے سُکھ جس کے نام کر ڈالوں
کوئی تو ہو جو مجھے اس طرح کا پیارا ہو
محبتوں میں جو احسان ہو ، تمھارا ہو
میں اپنے حصے کے سُکھ جس کے نام کر ڈالوں
کوئی تو ہو جو مجھے اس طرح کا پیارا ہو
Re: ورلڈکپ: 4 کروڑ سے زائد 'برازوکا' پاکستان سے برآمد
اللہ پاکستان کو اس سے بھی زیادہ ترقی دے،