جمہوریت بڑا مہنگا سودا ہے بابا

[سید انور محمود]

تاریخ : 23 مئی 2014
[center]جمہوریت بڑا مہنگا سودا ہے بابا [/center]
تحریر: سید انور محمود
ایک خبر کے مطابق ملکی تاریخ کی پہلی میٹرو ٹرین لاہور میں چلے گی، چین سے1.6ارب ڈالر کا تاریخی معاہدہ طے پا گیا۔منصوبے کواورنج لائن میٹرو ٹرین کا نام دیاگیاہے،منصوبہ رواں سال کے آخر میں شروع اورسوادوسال میں مکمل ہو گا۔وزیراعلیٰ پنجاب شہباز شریف نے کہاہےکہ عوام کیلئے آج بڑی خوشی کا دن ہے۔

روز نامہ نوائے وقت میں فاروق عالم انصاری نے "کہاں لےجاوں یہ فریاد مولا" کے عنوان سے ایک کالم لکھا تھا ، اُس کالم کا ایک حصہ کافی حد تک اس خبر سے مطابقت رکھتا ہے، فاروق عالم انصاری کے مطابق۔۔۔۔۔
بھاگتے کتے نے اپنے ساتھی کتے سے کہا
بھاگ ورنہ آدمی کی موت مارا جائے گا
کتے ”آدمی کی موت“ مرنے سے خوفزدہ ہیں۔ یہ شاعرانہ مبالغہ نہیں، صورت احوال کی سچی تصویر ہے۔ آدمی کی موت میں مہنگائی سب سے مہلک کردار ادا کرتی ہے۔ ایک بچے سے پوچھا گیا کہ اگر تمہارا ایک لاکھ روپے کا انعامی بانڈ نکل آئے تو کیا کرو گے؟ وہ بڑے دکھ سے بولا! اب کیا ہو سکتا ہے ۔۔ یا تو یہ انعامی بانڈ ”جمہوری زرداری دور“ سے پہلے نکل آتا پھر تو کوئی بات تھی۔ جمہوریت بڑا مہنگا سودا ہے بابا۔ آمریت میں آٹا 13 روپے فی کلو، جمہوریت میں 34 روپے فی کلو، آمریت میں چینی 28 روپے فی کلو، جمہوریت میں 67 روپے فی کلو۔ گیس بجلی کی قیمت کو چھوڑیں ویسے ہی کمیاب ہو گئی ہے اور غیر تربیت یافتہ مزدور کی تنخواہ وہی پانچ چھ ہزار روپیہ مہینہ۔ اب تو غریب عوام یہ سوچنے پر مجبور ہیں کہ جمہوریت بڑی مہنگی چیز ہے اور ہمارے بس کی بات نہیں۔ سکوں سے خالی کِھیسہ اسے خریدنے کی سکت نہیں رکھتا۔ ہمیں جمہوریت کا خواب نہیں دیکھنا چاہیے اور خواب جانتے ہو کیا ہوتے ہیں؟ خواب وہ نہیں جو آدمی رات نیند میں دیکھتا ہے۔ خواب وہ ہیں جو آدمی کو راتوں میں سونے نہیں دیتے۔ امن و امان کی صورت احوال یوں ہے کہ لاہور بڑا عجیب ہو گیا ہے اور کوفے سے قریب ہو گیا ہے۔ زندہ دلانِ لاہور اب زندہ کہاں ہیں، چلتے پھرتے لاشوں کو زندہ کون کہے گا۔ شعیب بن عزیز نے بغداد کا نوحہ لکھا تھا ....
کہاں لے جاوں یہ فریاد مولا
مرا بصرہ، میرا بغداد مولا
۔۔۔۔۔۔۔۔۔۔۔۔۔۔۔۔۔
سچی بات تو یہ ہے کہ اس ”جمہوری نواز شریف دور“میں بھی ملک کے عوام مہنگائی سے بلبلا رہے ہیں اس لیے کہنا پڑئے گا کہ"جمہوریت بڑا مہنگا سودا ہے بابا"۔

[علی خان]

سچ ہے. اور اس کے لئے میں پھر بھی یہی کہہ سکتا ہوں. کہ جمہوریت ہمارے جیسے لوگوں کے لئے مہنگا سودا ہے.

[یاسر عمران مرزا]

جمہوریت سے اچھی تو آمریت رہتی ہے، کم از کم پاکستان جیسے ملک کے لیے....

[اضواء]

جمہوریت بڑا مہنگا سودا ہے .....

شئیرنگ پر آپ کا شکریہ ..

[چاند بابو]

یاسر عمران بھیا نے درست کہا ہمارے لئے تو جمہوریت سے کہیں اچھی آمریت تھی.

[محمد اسفند]

کیا ہم خلافت کا نام بھی لے سکتے ہیں

[منور چودری]

بات تو درست ہے پر بات ہے کہ اب کہاں سے لاہیں پہلے جیسے آمر