اردونامہ فورم

[center]مار دو جان سے کوئی غم نہیں، پر یہ سزا مت دو
کہ ہمارے سامنے بیٹھ کر ہم کو تم اجنبی سے لگو
(پروین شاکر)[/center]

یہ کیسا نشہ ہے، میں کس عجب خمار میں ہوں
تو آکے جا بھی چکا ہے، میں انتظار میں ہوں
(منیر نیازی)

وہ چل دیئے تو کئی داستانیں چھوڑ گئے
وہ مل گئے تو کوئی بات روبرو نہ ہوئی
(محسن نقوی)

[center]ضبط کا عہد بھی ہے شوق کا پیمان بھی ہے
عہد و پیماں سے گزر جانے کو جی چاہتا ہے
درد اتنا ہے کہ ہر رگ میں ہے محشر برپا
اور سکوں ایسا کہ مرجانے کو جی چاہتا ہے
(فیض احمد فیض)[/center]

واہ جناب نظام الدین صاحب، بہت عمدہ ذوق ہے آپ کا. ہر شعر بہت خوبصورت...................

کوئی بتلائے یہ تکمیلِ وفا ہے کہ نہیں
اشک بن کر کسی مژگاں پہ نمایاں ہونا
(عبید اللہ علیم)

دل ناامید تو نہیں، ناکام ہی تو ہے
لمبی ہے غم کی شام مگر شام ہی تو ہے
(فیض احمد فیض)

وہ جو پاس آکے یونہی چپ سا کھڑا رہتا تھا
اُس کی تو خُو تھی یہی، تم ہی بلاتے اُس کو
(منیر نیازی)

[center]فیصلہ موجِ ہوا نے لکھا!
آندھیاں میری، بہاریں اُس کی
(پروین شاکر)[/center]

[center]تجھ سے مانگوں میں تجھی کو کہ سبھی کچھ مل جائے
سو سوالوں سے یہی ایک سوال اچھا ہے
(امیر مینائی)[/center]

واہ بہت ہی عمدہ
محترم نظام الدین پیارے بھائی بہت ہی عمدہ انتخاب ہے آپ کا دل باغ باغ ہو جاتا ہے پڑھ کر
اللہ آپ کو ہمیشہ خوش و سلامت رہکھے آمین

Sent from my LenovoA3300-HV using Tapatalk

[center]عشق قاتل سے بھی، مقتول سے ہمدردی بھی
یہ بتا کس سے محبت کی جزا مانگے گا؟
سجدہ خالق کو بھی، ابلیس سے یارانہ بھی
حشر میں کس سے عقیدت کا صلہ مانگے گا؟
(علامہ اقبال)[/center]

اے دوست ہم نے ترک محبت کے باوجود
محسوس کی ہے تیری ضرورت کبھی کبھی
(ناصر کاظمی)

[center]میں عرصۂ دراز سے خود میں اسیر ہوں
تنہائیوں کی قید سے اب تو رہائی دے
ایسا نہ ہو انا میں گزر جائے زندگی
پھر سے تو میرے ہاتھ میں دستِ حنائی دے
(ارشاد دہلوی)[/center]

نفرتوں کے تیر کھا کر دوستوں کے شہر میں
ہم نے کس کس کو پکارا یہ کہانی پھر سہی
(مسرور انور)

[center]قطعات (جون ایلیا)
ہے یہ بازار جھوٹ کا بازار
پھر یہی جنس کیوں نہ تولیں ہم
کرکے اک دوسرے سے عہد وفا
آؤ کچھ دیر جھوٹ بولیں ہم
۔۔۔۔۔۔۔
یہ تیرے خط تیری خوشبو یہ تیرے خواب و خیال
متاع جاں ہیں ترے قول و قسم کی طرح
گزشتہ سال انہیں میں نے گن کے رکھا تھا
کسی غریب کی جوڑی ہوئی رقم کی طرح[/center]