دسویں کرکٹ ورلڈ کپ کے دوسرے کوارٹر فائنل میں بھارت نے دفاعی چیمپئن آسٹریلیا کو پانچ وکٹوں سے شکست دے کر سیمی فائنل کے لیے کوالیفائی کر لیا ہے۔
تیس مارچ کو موہالی میں کھیلے جانے والے اس سیمی فائنل میں بھارت کا مقابلہ پاکستان سے ہو گا۔
میچ میں ستاون رنز بنانے اور دو وکٹیں حاصل کرنے پر بھارتی آل راؤنڈر یوراج سنگھ کو میچ کا بہترین کھلاڑی قرار دیا گیا۔
بھارت کے شہر احمد آباد میں کھیلے جانے والے میچ میں آسٹریلیا نے ٹاس جیت کر پہلے بیٹنگ کرتے ہوئے مقررہ پچاس اوورز میں چھ وکٹوں کے نقصان پر دو سو ساٹھ رنز بنائے تھے۔
جواب میں بھارت نے سچن تندولکر، گوتم گمبھیر اور یوراج سنگھ کی نصف سنچریوں کی بدولت مقررہ ہدف اڑتالسیویں اوور میں پانچ وکٹوں کے نقصان پر حاصل کر لیا۔
بھارتی فتح میں اہم کردار یوراج سنگھ اور رائنا کی چھٹی وکٹ کے لیے ذمہ دارانہ بیٹنگ نے ادا کیا۔ان دونوں بلے بازوں نے چھٹی وکٹ کے لیے چوہتر رنز بنائے۔
گوتم نے پچاس جب کہ سچن تندولکر نے ترپن رنز کی اہم اننگز کھیلی۔
اس میچ میں سچن تندولکر نے ایک روزہ انٹرنیشنل میچوں میں اٹھارہ ہزار رنز بھی مکمل کیے۔سچن کے اٹھارہ ہزار رنز میں 48 سنچریاں اور 93 نصف سنچریاں شامل ہیں۔
رکی پونٹنگ نے سات چوکوں اور ایک چھکے کی مدد سے ایک سو چار رنز بنائے
آسٹریلیا کی جانب سے ڈیوڈ ہسی، شین واٹسن، بریٹ لی اور شان ٹیٹ نے ایک ایک وکٹ حاصل کی۔
اس سے قبل آسٹریلوی اننگز کی خاص بات کپتان رکی پونٹنگ کی ورلڈ کپ مقابلوں میں پانچویں اور مجموعی طور پر تیسویں سنچری تھی۔
پونٹنگ کے علاوہ بریڈ ہیڈن نے نصف سنچری بنا کی آسٹریلیا کو دو سو ساٹھ رنز کا مجموعہ حاصل کرنے میں مدد دی۔
بھارت کی جانب سے باولنگ میں ظہیر خان، یوراج سنگھ اور ایشون نے دو دو وکٹیں حاصل کیں۔
آسٹریلیا اور بھارت نے اس میچ کے لیے ایک ایک تبدیلی کی تھی۔آسٹریلیا نے سٹیون سمتھ کی جگہ ڈیوڈ ہسی کو جب کہ بھارت نے یوسف پٹھان کی جگہ وریندر سہواگ کو شامل کیا۔
ورلڈ کپ کوارٹر فائنل سے قبل آسٹریلیا اور بھارت کا ورلڈ کپ کی تاریخ میں نو بار آمنا سامنا ہوا تھا جن میں سے سات بار آسٹریلیا نے بھارت کو شکست دی تھی۔
اس میچ سے قبل ورلڈ کپ میں یہ دونوں ٹیمیں سنہ دو ہزار تین میں مدِ مقابل ہوئی تھیں اور اس میچ میں آسٹریلیا نے بھارت کو 125 رنز سے شکست دی تھی۔
آسٹریلیا کی ٹیم: شین واٹسن، بریڈ ہیڈن، رکی پونٹنگ، مائیکل کلارک، کیمرون وائٹ، ڈیوڈ ہسی، مائیک ہسی، مچل جونسن، شان ٹیٹ، کریجا اور بریٹ لی شامل ہیں۔
بھارت کی ٹیم: سچن تندولکر، سہواگ، گوتم گمبھیر، کوہلی، یوراج سنگھ، دھونی، رائنا، ایشون، ہربجھن سنگھ، ظہیر خان اور پٹیل شامل ہیں۔
بشکریہ بی بی سی اردو
بھارت سیمی فائنل میں پہنچ گیا
بھارت سیمی فائنل میں پہنچ گیا
محمد الیاس لدھیانوی
http://fb.com/shaheedeislam
http://fb.com/shaheedeislam
-
- مشاق
- Posts: 3928
- Joined: Fri Dec 03, 2010 5:35 pm
- جنس:: مرد
- Location: BOMBAY _ AL HIND
- Contact:
Re: بھارت سیمی فائنل میں پہنچ گیا
خبر کی فراہمی پر مشکور ہیں - -
Re: بھارت سیمی فائنل میں پہنچ گیا
اور اگر پاکستان میچ جیت جاتا ھے تو تمام مذاکرات ختم ہو جائیں گے۔
Re: بھارت سیمی فائنل میں پہنچ گیا
معلومات کی فراہمی پر شکریہ
بڑی بے چین رہتی ہے طبیعت اب میری محسن
مجھے اب قتل ہونا ہے، مگر قاتل نہیں ملتا
مجھے اب قتل ہونا ہے، مگر قاتل نہیں ملتا
-
- مشاق
- Posts: 3928
- Joined: Fri Dec 03, 2010 5:35 pm
- جنس:: مرد
- Location: BOMBAY _ AL HIND
- Contact:
Re: بھارت سیمی فائنل میں پہنچ گیا
افتخار wrote:اور اگر پاکستان میچ جیت جاتا ھے تو تمام مذاکرات ختم ہو جائیں گے۔
دعا ہے کہ پاک یہ میچ جیت جائے . . مجھے کسی بھی حال میں پاک کو ببمئی میں کھلتے ہوئے دیکھنا ہے
Re: بھارت سیمی فائنل میں پہنچ گیا
اللہ دشمن کو زیر کرے۔