گوگل کے خلاف یورپی یونین کی تحقیقات

[علی عامر]

یورپی کمیشن نے کچھ سرچ انجنز کی شکایت پر کہ گوگل اپنی نمایاں حیثیت کا غلط استعمال کر رہا ہے اس کے خلاف تحقیقات شروع کی ہیں۔

کمیشن کی تحقیقات میں اس بات پر غور کیا جائے گا کہ آیا دنیا کے سب سے بڑے سرچ انجن گوگل نے اپنے نتائج میں دوسری کمپنیوں کی رینکنگ قصداً کم رکھی ہے۔

یہ تحقیقات قیمتوں کا موازنہ کرنے والی سائٹ Foundem اور لیگل سرچ انجن ejustice.fr کی طرف سے شکایت موصول ہونے کے بعد شروع کی گئیں ہیں۔

گوگل نے کہا ہے کہ وہ کسی بھی قسم کی تشویش کے ازالے کے لیے کمیشن کے ساتھ کام کرے گا۔

اس سال کے آغاز میں امریکہ کی ریاست ٹیکساس کے اٹارنی جنرل نے Foundem کے شکایت پر بالکل اسی قسم کی تحقیقات شروع کی تھیں۔

گوگل کے حریفوں کو اعتراض ہے کہ گوگل سرچ کے نتائج میں اپنی پوزیشن کا غلط استعمال کرتا ہے۔

اینٹی ٹرسٹ کمیشن گوگل کی اشتہارات کی پالیسی کی بھی تحقیقات کرے گا۔

تاہم کمیشن کا کہنا ہے کہ تحقیقات کا مطلب یہ نہیں ہے کہ گوگل نے کچھ غلط کام کیا ہے۔

بشکریہ: بی بی سی اردو

[علی عامر]

مسابقت اور اجارہ داری کی نگرانی سے متعلق یورپی یونین کے عہدے داروں نے کہاہے کہ وہ انٹرنیٹ کی سب سے بڑی کمپنی گوگل کے خلاف عائد کیے جانے والے ان الزامات کے بعدتحقیقات شروع کررہے کہ اس نے آن لائن سرچ اور اشتہارات کے سلسلے میں اپنی حیثیت کا غلط استعمال کیا ہے۔

مسابقت اور اجارہ داری کی نگرانی سے متعلق یورپی یونین کے عہدے داروں نے کہاہے کہ وہ انٹرنیٹ کی سب سے بڑی کمپنی گوگل کے خلاف عائد کیے جانے والے ان الزامات کے بعدتحقیقات شروع کررہے کہ اس نے آن لائن سرچ اور اشتہارات کے سلسلے میں اپنی حیثیت کا غلط استعمال کیا ہے۔

تحقیقات سے متعلق منگل کے روز کیا جانے والا اعلان ، انٹرنیٹ سرچ سے متعلق حریف کمپنیوں کی ان شکایات کے بعد سامنے آیا ہے کہ گوگل اپنی سروسز میں اپنی سپانسٹرڈ اور معمول کی ریسرچ کے نتائج میں انہیں مناسب مقام نہیں دیتا اور اپنے نتائج کو ترجیحی طورپر پیش کرتا ہے۔
مائیکروسافٹ کی خریداری سے متعلق انٹرنیٹ سائٹ ،Ciao برطانوی کمپنی Foundemاور ایک فرانسیسی سرچ انجن نے اس سال کے شروع میں گوگل کے خلاف شکایات درج کرائی تھیں۔
ان کا کہنا ہے کہ گوگل اپنی مدمقابل کمپنیوں کی سروسز کو درجہ بندی میں نیچے رکھ کر انہیں مالی فوائد سے محروم کررہاہے، کیونکہ اس سے ان کمپنیوں کی ویب سائٹس کے لیے اشتہارات کم ہورہے ہیں۔

گوگل نے منگل کے روز اپنے ایک ای میل بیان میں کہا ہے کہ ان کا ادارہ اپنے صارفین اور اس صنعت کے لیے درست انداز میں کام کرنے کی ان تھک کوشش کررہاہے۔
بیان میں مزید کہا گیا ہے کہ اس سلسلے میں بہتری کی گنجائش موجود ہے اور یہ کہ گوگل یورپی یونین کمشن کے ساتھ مل کر ان کے خدشات دور کرنے کے لیے کام کرے گا۔

یورپی یونین کے پاس اجارہ داری کے خلاف جرمانہ عائد کرنے کے اختیارات موجود ہیں۔

بشکریہ: وائس آف امریکہ

[یاسر عمران مرزا]

میرے خیال سے بھی ایسا ہوتا ہے.

[چاند بابو]

ہوسکتا ہے کہ ایسا ہوتا ہو۔
لیکن چونکہ یہ پاکستان نہیں ہے اس لئے جرم ہے۔
اور اگر پاکستان ہوتا تو پھر جس کی شوگر مل ریٹ بھی اسکے۔

[علی عامر]

[محمد شعیب]

ہو سکتا ہے
لیکن گوگل کو کیا پڑی ایسا کرنے کی ؟

[علی عامر]

اسی راز سے تو پردہ اٹھنے کی امید ہے کہ گوگل کو کیا پڑی تھی ....

[بلال احمد]

وقت کے ساتھ ساتھ ہر راز سے پردہ اٹھ جائے گا

[اضواء]

آگے آگے دیکھیئے ہوتا ہے کیا