دیئے گئے لفظ پر شاعری

[محمد شعیب]

یہ ایک نیا سلسلہ شروع کر رہا ہوں.اس میں ہر آنے والا ممبر آخری دیئے گئے لفظ پر شعر لکھے گا.اور پھراپنے شعر میں سے اگلے ممبر کے لئے ایک لفظ تجویز کرتا جائے گا.
اگر شاعر کا نام معلوم ہو تو ضرور لکھیں.
زیادہ سے زیادہ ایک قطعہ لکھیں.پوری غزل لکھنے سے اجتناب کریں.
تو ابتداء ہے فیض احمد فیض کے ایک بہترین شعر سے..

محتسب کی خیر اونچا ہے اسی کے فیض سے
رند کا ، ساقی کا، مے کا، خم کا ،پیمانے کانام

اگلا لفظ جس سے شعر کہنا ہے وہ ہے،

ساقی

[محمد شعیب]

شاید ابھی نہ پہنچی ہو باب قبول تک
ساقی ذرا سی اور کہ توبہ سفر میں ہے

اگلا لفظ

توبہ

[شازل]

توبہ توبہ شراب دے ساقی
اب میں توبہ سے کرچکا توبہ

اگلا لفظ توبہ ہی ہے

[محمد شعیب]

میں اور بزمِ مے سے یوں تشنہ کام آؤں
گر میں نے کی تھی توبہ، ساقی کو کیا ہوا تھا؟
( غالب )

اگلا لفظ: بزم

[محمد شعیب]

یہ بات عیاں ہے دنیا پر ہم پھول بھی ہیں تلوار بھی ہیں
یا بزم جہاں مہکائیں گے یا خوں میں نہا کر دم لیں گے.

اگلا لفظ: تلوار

[چاند بابو]

[center]میں گنہگار اور ان گنت پارسا، چار جانب سے یلغار کرتے ہوئے
جیسے شب خون میں بوکھلا کر اٹھیں لوگ تلوار تلوار کرتے ہوئے

اڑ رہی تھی وہاں گرد تشکیک کی ، آندھیاں تیزتھیں طنز و تضحیک کی
راستے میں پڑا نیک نامی کا پل ، خوف آیا جسے پار کرتے ہوئے

وہ خراشیں دکھاتے رہے ہاتھ کی، سنگ باری کے دوران آئیں تھی جو
ہم ادھر زخمِ سر کو چھپاتے رہے اور تزئینِ دستار کرتے ہوئے[/center]

اگلا لفظ: خوف

[محمد شعیب]

مٹا دیتی ہے سارے خوف دل سے
بسا کر روح میں اک ڈر محبت

روح

[چاند بابو]

[center]میں اپنی روح کی پوشاک اس کو پہنا دوں
مگر یہ شرط ہے کہ وہ بھی تمام میرا ہو[/center]

اگلا لفظ: پوشاک

[محمد شعیب]

اب میں پوشاک فقیری میں بھی آ سکتا ہوں
میرے کاسے میں تری ذات بھی ہو سکتی ہے

فقیری

[چاند بابو]

[center]مرا طریق امیری نہیں، فقیری ہے
خودی نہ بیچ، غریبی میں نام پیدا کر[/center]

اگلا لفظ: غریبی

[محمد شعیب]

عطائے درد میں وہ بھی نہیں تھا دل کا غریب
فراز میں نے بھی بخشش میں‌حد نہیں مانگی

بخشش

[عتیق]

اب بخش بھی دو تم لوگ ائے اھل وفا
یوں ہی دور افق پار چلا جاونگا اک دن



اگلا لفظ ہے افق

[چاند بابو]

[center]کس کا نظام راہ نما ہے افق افق
جس کا دوام گونج رہا ہے افق افق

شانِ جلال کس کی عیاں ہے جبل جبل
رنگِ جمال کس کا جما ہے افق افق

مکتوم کس کی موجِ کرم ہے صدف صدف
مرقوم کس کا حرفِ وفا ہے افق افق

کس کی طلب میں اہل ِ محبت ہیں داغ داغ
کس کی ادا سے حشر بپا ہے افق افق

سوزاں ہے کس کی یاد میں تائب نفس نفس
فرقت میں کس کی شعلہ نوا ہے افق افق[/center]

اگلا لفظ: نفس

[عتیق]

نفس و شیطاں کو کرتا ملامت نہیں
کیا ضمیر مسلماں مردار ہے
کیا ہی ہے مسلماں کے چال و چلن
معصیت معصیت پر بھی اسرار ہے
اگلا لفظ ہے
معصیت

[محمد شعیب]

جل گئے ہم مگر یہ حیرت ہے، آگ سے کیوں ہنوز قربت ہے
یہ جو غوغائے زہد و طاعت ہے، معصیت کا غبارِ وحشت ہے

وحشت

[چاند بابو]

[center]عشق مجھـ کو نہیں وحشت ہی سہی
میری وحشت تری شہرت ہی سہی [/center]
اگلا لفظ: شہرت

[محمد شعیب]

مجھ کو رونے سے ہے نفرت شہرت
پر کیا کروں درد بہت ہوتا ہے
شہرت بخاری

اگلا لفظ: نفرت

[چاند بابو]

[center]تو نے نفرت سے جو دیکھا تو مجھے یاد آیا
کیسے رشتے تیری خاطر یونہی توڑ آیا ہوں

کتنے دھندلے ہیں یہ چہرے جنہیں اپنایا ہے
کتنی اُجلی تھیں وہ آنکھیں جنہیں چھوڑ آیا ہوں[/center]

اگلا لفظ: آنکھیں

[محمد شعیب]

گم اپنی محبت میں دونوں، نایاب ہو تم نایاب ہیں ہم
کیا کھلی آنکھیں دیکھیں اک خواب ہو تم اک خواب ہیں ہم

نایاب

[چاند بابو]

[center]ڈھونڈو گے اگر ملکوں ملکوں ملنے کے نہیں نایاب ہیں ہم
تعبیر ہے جس کی حسرت و غم،اے ہم نفسوں وہ خواب ہیں ہم

لاکھوں ہی مسافر چلتے ہیں منزل پہ پہنچتے ہیں دو ایک
اے اہلِ زمانہ قدر کرو نایاب نہ ہوں کم یاب ہیں ہم[/center]

اگلا لفظ: حسرت