’خلا میں انفرادی انٹرنیٹ کنکشن‘

[شازل]

خلابازوں کو پہلی بار خلا میں استعمال کے لیے انفرادی انٹرنیٹ کنکشن مہیا کیا گیا ہے جس کے بعد خلا باز ویب سائٹ پر براہ راست پیغامات بھیج سکیں گے۔
خلا میں موجود بین الاقوامی سپیس سٹیشن سے ایک خلاء باز نے انٹر نیٹ کنکشن کو چیک کرنے کی غرض سے مبارکباد کا ایک خصوصی پیغام ٹوئٹر کے میسیجنگ سسٹم میں بھیجا ہے۔
جمعہ کوخلائی مرکز میں موجود امریکی خلائی ادارے ناسا کے فلائٹ انجینئیر ٹیموتھی کریمر نے پیغام میں لکھا ہے کہ ’ہیلو ٹوئٹرز‘، اور پھر ٹوئٹر پر اپنے حلقہ احباب کو کہا ہے کہ وہ سپیس سے پہلا براہ راست ٹوئٹر پیغام بھیج رہے ہیں۔
امریکی خلائی ادارے ناسا کے مطابق کریمر پہلے خلا باز ہیں جنھوں نے بغیر کسی معاونت کے براہ راست ٹوئٹر پر پیغام بھیجا ہے۔ اس سے پہلے خلا باز ٹوئٹر پر پیغام ایک ای میل کے ذریعے زمین پر موجود عملے کو بھیجتے تھے اور بعد میں عملہ ٹوئٹر پر خلا باز کے اکاؤنٹ میں پوسٹ کر دیتے تھے۔
ناسا کا کہنا ہے کہ گزشتہ ہفتے خلا بازروں کو براہ راست انٹرنیٹ تک رسائی دینے کے لیے ایک سافٹ وئر اپ گریڈ کیا گیا تھا۔ ناسا نے نئے انٹرنیٹ کنکشن کو الٹی میٹ (انتہائی) وائرلیس کنکشن کا نام دیا ہے۔
ناسا نے کہا ہے کہ نئے مواصلاتی نظام کی وجہ سے خلا بازوں کو انٹر نیٹ تک براہ راست رسائی حاصل ہو گئی ہے جس کی وجہ سے ایک لمبے عرصے تک خلا میں رہنے والے خلا باز کی طرز زندگی بہتر ہو جائے گی۔
بین الاقوامی خلائی سٹیشن کے کمانڈر اور ایک دوسرے جاپانی خلا باز کے پاس بھی ٹوئٹر اکاؤنٹ موجود ہے۔
بشکریہ بی بی سی اردو

[چاند بابو]

بہت خوب یہ تو کمال ہے۔

لیکن اگر وہ سسٹم ہیک ہو گیا تو کیا ہو گا؟؟؟؟؟؟؟؟

[شازل]

کوئی نہ کوئی حل تو اس کابھی نکل ہی آئے گا

[رضی الدین قاضی]

بہت خوب ۔
اچھی معلومات شیئر کرنے لیئے شکریہ شازل بھائی۔

[اعجازالحسینی]

اچھی معلومات شیئر کرنے لیئے شکریہ شازل بھائی۔