خواتین کا سب سے زیادہ احترام متحدہ عرب امارات میں

[محمد شعیب]

خواتین کا سب سے زیادہ احترام متحدہ عرب امارات میں کیا جاتا ہے، رپورٹ
متحدہ عرب امارات میں پرتشدد واقعات اور قتل کی شرح بھی سب سے کم ہے، رپورٹ
--------------------------------------------------------------
ابوظہبی: حالیہ رپورٹ کے مطابق دنیا بھر میں خواتین کے احترام کے حوالے سے متحدہ عرب امارات کا پہلا نمبر ہے۔
ورلڈ اکنامک فورم کی عالمی ایجنڈا کونسل کے زیر اہتمام بین الاقوامی ماہرین اقتصادیات نے 132 ممالک کا سائنسی مطالعہ کیا جس کی رپورٹ کے مطابق متحدہ عرب امارات میں خواتین کو سب سے زیادہ عزت واحترام دیا جاتا ہے۔ رپورٹ کے حوالے سے متحدہ عرب امارات کے نائب صدر، وزیر اعظم اور حاکم دبئی شیخ محمد بن راشد المکتوم نے کہا ہے کہ خواتین کے احترام کے حوالے سے تیار کی جانے والی رپورٹ سے دراصل اماراتی ثقافت اور روایات سے متعلق بنیادی سچائی سامنے آئی ہے۔
شیخ محمد بن راشد المکتوم نے کہا کہ ہم خواتین کا بہت احترام کرتے ہیں اور اپنی قوم کی تشکیل کے حوالے سے خواتین کے عزم اور قربانیوں کا احترام کرتے ہیں، اماراتی معاشرہ خواتین کو اپنی صلاحیتوں کے بھرپور اظہار کے لیے مددگار ماحول فراہم کرتا ہے اور یہی وجہ ہے کہ بعض شعبوں میں خواتین مردوں سے بھی آگے نظر آتی ہیں۔
معاشرتی ترقی کے عالمی اشاریے کے مطابق متحدہ عرب امارات میں پرتشدد واقعات اور قتل کی شرح بھی سب سے کم ہے جبکہ یہاں پر ثانوی اسکول کی سطح پر بچوں کے داخلے کی شرح دنیا بھر میں سب سے زیادہ ہے۔

[جمیل قادری]

اچھی معلومات ہے

[اضواء]

خبر کی شئیرنگ پر آپ کا شکریہ

[چاند بابو]

واہ کیا بات ہے. اچھی معلومات شئیر کرنے کا بہت بہت شکریہ.

[رضی الدین قاضی]

اچھی معلومات شیئر نگ کے لیئے شکریہ

[افتخار]

[محمد شعیب]

پسند کرنے کا شکریہ