چین: تھری ڈی پرنٹر سے ایک دن میں مکان تیار

[محمد اسفند]

ایک چینی کمپنی نے تھری ڈی پرنٹرکی مدد سے پرنٹ کر کے دس نئے مکانات تیار کیے ہیں۔
ون سن نامی اس نجی کمپنی نے یہ ایک منزلہ گھر 10 ضرب 6 میٹر سائز کے چار پرنٹروں کی مدد سےتعمیر کیے۔
چینی خبر رساں ادارے شن ہوا کے مطابق کمپنی نے سیمنٹ اور دیگر تعمیری سامان سپرے کر کے گھر کی دیواریں تعمیر کیں۔
سستے تعمیراتی سامان اور مزدوروں کے بغیر 24 گھنٹے میں تعمیر کیے گئے ان گھروں کی تعمیراتی قیمت فی گھر پانچ ہزار ڈالر ہے۔
ون سن کمپنی کے سربراہ ما یئی نے شن ہوا سے بات کرتے ہوئے کہا: ’ہم کسی بھی صارف کے ذاتی طور پر ڈیزائن کردہ گھر بھی تعمیر کر سکتے ہیں۔ یہ گھر نہ صرف بہت تیزی سے مکمل ہوں گے، بلکہ یہ انتہائی سستے بھی ہوں گے۔‘
ان کے مطابق عنقریب ان کی کمپنی بڑی عمارتیں بھی بنانے کے قابل ہو جائے گی۔
چین میں تعمیراتی قانون فی الوقت صرف ایک منزلہ تھری ڈی گھر تعمیر کرنے کی اِجازت دیتا ہے۔
تھری ڈی پرنٹر سے پرنٹ کیے جانے مواد کو حالیہ عرصے میں خاصی مقبولیت حاصل ہوئی ہے۔
دنیا بھر میں مختلف کمپنیاں اب اس ٹیکنالوجی کی مدد سے زیور، فرنیچر، اسلحہ یہاں تک کہ موبائل فون بھی تیار کر رہی ہیں۔

[محمد شعیب]

عجیب خبر ہے ..
کیا تھری ڈی پرنٹر کاغذ پر پرنٹ لیتا ہے یا کیا طریقہ ہوتا ہے ؟
سمجھ نہیں آئی ..

[یاسر عمران مرزا]

جی اس کی ویڈیو بھی دستیاب ہے،مزا نہ آیا تو پیسے واپس
میں ڈھونڈ کر لگانے کی کوشش کرتا ہوں

http://www.youtube.com/watch?v=5ZuukXXEFPg" onclick="window.open(this.href);return false;

http://www.youtube.com/watch?v=-yv-IWdSdns" onclick="window.open(this.href);return false;

http://www.youtube.com/watch?v=SObzNdyRTBs" onclick="window.open(this.href);return false;

[محمد شعیب]

بہت خوب
یہ بھی دیکھیں

http://www.youtube.com/watch?v=UADoHv6dBrk" onclick="window.open(this.href);return false;

[یاسر عمران مرزا]

یو ٹیوب ایمبیڈ کرنے کا کوئی طریقہ نہیں ہے ؟

[چاند بابو]

یاسر بھیا طریقہ تو موجود ہے مگر پاکستان میں یوٹیوب چلتی کب ہے.
ویسے UTVideo نامی بی بی کوڈ بٹن اسی کام کے لئے ہے.

[محمد شعیب]

جی ہاں.
اردو نامہ ٹیکسٹ ایڈیٹر میں یوٹیوب ویڈیو شئر کرنے کا بٹن موجود ہے. لیکن پاکستان میں یوٹیوب بند ہونے کی وجہ سے میں نے ایمبڈ کرنے کے بجائے لنک دیدیا.