بیٹیاں ہمیشہ قیمتی ہوتی ہیں

[چاند بابو]

شادی کی پہلی رات میاں بیوی نے فیصلہ کیا کہ جب وہ کمرے میں پہنچ جائیں گے تو پھر دروازہ نہیں کھولیں گے چاہے کوئی بھی آ جائے.
ابھی دروازہ بند ہوئے تھوڑی ہی دیر ہوئی تھی کہ دلہے کے والدین کمرے کے باہر پہنچے تاکہ اپنے بیٹے اور بہو کو نیک تمناؤں اور راحت بھری زندگی کی دعا دے سکیں، دستک ہوئی بتایا گیا کہ دلہے کے والدین باہر موجود ہیں.
دلہا دلہن نے ایک دوسرے کی طرف دیکھا باوجود اس کے کہ دلہا دروازہ کھولنا چاہتا تھا اس نے اپنے فیصلے کو مدنظر رکھا اور دروازہ نہیں کھولا.
والدین ناکام واپس لوٹ گئے.
ابھی کچھ دیر ہی گزری تھی کہ دلہن کے والدین بھی دلہے کے گھر جا پہنچے تاکہ اپنی بیٹی اور داماد کو اپنی نیک خواہشات پہنچا سکیں اور انہیں سکھی زندگی کی دعا دے سکیں.
ایک بار پھر کمرے کے دروازے پر دستک دی گئی اور بتایا گیا کہ دلہن کے والدین کمرے کے باہر موجود ہیں. دلہا دلہن نے ایک دوسرے کی طرف دیکھا پھر اپنا فیصلہ ذہن میں تازہ کیا.
باوجود اس کے کہ فیصلہ ہو چکا تھا دلہن کی آنسوؤں بھری سرگوشی سنائی دی
نہیں میں اپنے والدین کے ساتھ ایسا نہیں کر سکتی اور فورا دروازہ کھول دیا.
شوہر نے یہ سب دیکھا مگر دلہن کو کچھ نا کہا خاموش رہا.
اس بات کو برسوں بیت گئے ان کے ہاں چار بیٹے پیدا ہوئے اور پانچویں بار ایک بیٹی پیدا ہوئی.
شوہر نے ننھی گڑیا کے اس دنیا میں آنے کی خوشی میں ایک بہت بڑی پارٹی کا انتظام کیا اور اس پارٹی میں ہر اس شخص کو بلایا جسے وہ جانتا تھا اور خوب خوشیاں منائی گئیں.

اس رات بیوی نے اپنے شوہر سے پوچھا کہ آخر کیا وجہ ہے کہ آپ نے اتنی بڑی پارٹی کا اہتمام کیا جبکہ اس سے پہلے چاروں بچوں کی پیدائش پر ہم نے یہ سب کچھ نہیں کیا.
شوہر مسکرایا اور بولا

[center]یہ وہ ہے جو میرے لئے دروازہ کھولے گی.
بیٹیاں ہمیشہ قیمتی ہوتی ہیں[/center]
فیس بک سے نقل کر کے ترجمہ کیا گیا

[چاند بابو]

بیٹیاں پھولوں کی طرح ہوتی ہیں
تپتی زمیں پر آنسوؤں کے پیار کی صورت ہوتی ہیں
چاہتوں کی صورت ہوتی ہیں
بیٹیاں خوبصورت ہوتی ہیں
دل کے زخم مٹانے کو
آنگن میں اتری بوندوں کی طرح ہوتی ہیں
بیٹیاں پھولوں کی طرح ہوتی ہیں
نامہرباں دھوپ میں سایہ دیتی
نرم ہتھیلیوں کی طرح ہوتی ہیں
بیٹیاں تتلیوں کی طرح ہوتی ہیں
چڑیوں کی طرح ہوتی ہیں
تنہا اداس سفر میں رنگ بھرتی
رداؤں جیسی ہوتی ہیں
بیٹیاں چھاؤں جیسی ہوتی ہیں
کبھی بلا سکیں، کبھی چھپا سکیں
بیٹیاں اَن کہی صداؤں جیسی ہوتی ہیں
کبھی جھکا سکیں، کبھی مٹا سکیں
بیٹیاں اناؤں جیسی ہوتی ہیں
کبھی ہنسا سکیں، کبھی رلا سکیں
کبھی سنوار سکیں، کبھی اجاڑ سکیں
بیٹیاں تو تعبیر مانگتی دعاؤں جیسی ہوتی ہیں
حد سے مہرباں، بیان سے اچھی
بیٹیاں وفاؤں جیسی ہوتی ہیں
پھول جب شاخ سے کٹتا ہے بکھر جاتا ہے
پتّیاں سوکھتی ہیں ٹوٹ کے اُڑ جاتی ہیں
بیٹیاں پھول ہیں
ماں باپ کی شاخوں پہ جنم لیتی ہیں
ماں کی آنکھوں کی چمک بنتی ہیں
باپ کے دل کا سکوں ہوتی ہیں
گھر کو جنت بنا دیتی ہیں
ہر قدم پیار بچھا دیتی ہیں
جب بچھڑنے کی گھڑی آتی ہے
غم کے رنگوں میں خوشی آتی ہے
ایک گھر میں تو اُترتی ہے اداسی لیکن
دوسرے گھر کے سنورنے کا یقیں ہوتا ہے
بیٹیاں پھول ہیں
ایک شاخ سے کٹتی ہیں مگر
سوکھتی ہیں نہ کبھی ٹوٹتی ہیں
ایک نئی شاخ پہ کچھ اور نئے پھول کھِلا دیتی ہیں

[افتخار]

واقعی بیٹیاں بہت قیمتی ہوتی ھیں لیکن ھم ان کو قدر نہیں کرتے،

استاد جی بہت خوب.

[چاند بابو]

پسندیدگی کا بہت بہت شکریہ افتخار بھیا.

[میاں محمد اشفاق]

بہت ہی خوب جناب

[چاند بابو]

پسند کرنے کا شکریہ میاں صاحب.

[علی خان]

ماجد بھائی.
واقعی آپکی بات بالکل سچ ہے. میں جب بھی گھر میں داخل ہوتا ہوں توسب سے پہلے دروازہ کھولنے میری بیٹی آتی ہے، اور دروازہ کھولنے پر اُسکا پہلا لفظ "آلسلامُ علیکم پاپا جانی " ہوتا ہے. باپ کے لئے پیٹی کی محبت سب سے زیادہ ہوتی ہے.

[اضواء]

بیٹیاں ہمیشہ قیمتی ہوتی ہیں

بیٹیاں قدرت کا قیمتی تحفہ ہیں

بیٹیاں ہمیشہ بہت لاڈلی ہوتی ہیں اور اپنے بابا کی جان ہوتی ہے

[چاند بابو]

ماجد بھائی.
واقعی آپکی بات بالکل سچ ہے. میں جب بھی گھر میں داخل ہوتا ہوں توسب سے پہلے دروازہ کھولنے میری بیٹی آتی ہے، اور دروازہ کھولنے پر اُسکا پہلا لفظ "آلسلامُ علیکم پاپا جانی " ہوتا ہے. باپ کے لئے پیٹی کی محبت سب سے زیادہ ہوتی ہے.

جی اشفاق بھیا میں‌ آپ کی بات سے بالکل متفق ہوں، اکثر ایسا ہی ہوتا ہے کہ بیٹیوں کو باپ سے اور بیٹوں کو ماں سے زیادہ پیار ہوتا ہے.

[چاند بابو]

بیٹیاں ہمیشہ قیمتی ہوتی ہیں

بیٹیاں قدرت کا قیمتی تحفہ ہیں

بیٹیاں ہمیشہ بہت لاڈلی ہوتی ہیں اور اپنے بابا کی جان ہوتی ہے

جی اضوا بہنا بالکل ایسا ہی ہے بیٹیاں اپنے بابا کی جان ہوتی ہیں اور ہمیشہ لاڈلی ہوتی ہیں.

[اضواء]

يــــارب أحفظ أبوي أجعل يومي قبل يومه

الله سبحانه وتعالى ہمارے بابا کو ہمیشہ صحت وعافیت سے رکھے ...