عربی حروف میں ویب ڈومین( بی بی سی اردو رپورٹ)

[شازل]

مصر دنیا کا پہلا ویب ڈومین شروع کر رہا ہے جس کا نام عربی حروف میں لکھا جائے گا۔
اس کا اعلان مصر کے وزیر برائے مواصلات نے کیا ہے۔ وزیر کے مطابق ’انٹرنیٹ اب عربی بولتا ہے۔ یہ ہمارے لیے ایک تاریخی لمحہ ہے۔‘
پچھلے مہینے انٹرنیٹ کے نگراں ادارے ’آئکان‘ نے غیر لاطینی رسم الخط میں ویب ڈومین دینے کے حق میں ووٹ کیا تھا۔ اس فیصلے کے بعد اب ویب ڈومین کے نام عربی، چینی اور دیگر رسم الخط میں لکھ جا سکیں گے۔
مصر کے وزیر مواصلات طارق کامل نے شرم الشیخ میں انٹرنیٹ گورننس سے متعلق اجلاس آئی جی پی فورم میں اس بارے میں بات کرتے ہوئے بتایا کہ عربی رسم الخط میں لکھے ہوئے اس ڈومین کے پتے کے نام کے بعد ’ڈاٹ مصر‘ لکھا ہوگا۔ ان کا کہنا تھا کہ اس کے لیے رجیسٹریشن آج رات کے بارہ بجے تک ہو سکے گی۔
مصری وزیر نے کہا کہ اس نئے ڈومین سے عربی بولنے والوں کے لیے سرمایہ کاری، ترقی اور جدیدیت کے راستے کھلیں گے۔
مصر میں کُل آبادی آٹھ کروڑ ہے جس میں سے انٹرنیٹ صارفین کی تعداد ڈیڑھ کڑور ہے۔
تاہم کئی بین الاقوامی تنظیموں نے مصر کے اس منصوبے کے حوالے سے اپنے خدشات کا اظہار کیا ہے۔ان کے مطابق ملک میں ذرائع ابلاغ پر حکومت کا بہت دباؤ رہتا ہے، سینسرشِپ عام ہے، اور بلاگ لکھنے والوں او سیاسی منحرفین کو ’سکیورٹی وجوہات‘ کی بنیاد پر حراست میں لیا جانا بھی عام ہے۔
اتوار کو صحافیوں کی بین الاقوامی تنظیم ’رپورٹرز وِد آؤٹ بارڈرز‘ نے آئی جی ایف اجلاس کے مقام کے لیے مصر کے انتخاب پر بھی تنقید کی۔ ان کے بیان کے مطابق ’یہ بات حیران کن ہے کہ ایسی حکومت کو فورم کے انتظام کی ذمہ داری ملی ہے جس کا رویہ انٹرنیٹ صارفین سے جارحانہ رہا ہے۔
انٹرنیٹ گورننس فورم اقوام متحدہ نے منعقد کیا ہے اور اس میں وزاء، تاجراور انٹرنیٹ ماہرین سمیت ہزار کے قریب افراد شرکت کر رہے ہیں۔

[چاند بابو]

بہت خوب اس کامطلب ہے کہ اس میدان میں‌ مصر بازی لے جانا چاہتا ہے۔
مگر یہ ڈومین نیم کیا کسی ڈومین نے ابھی تک آفر کیئے ہیں کہ نہیں؟
اگر کیئے ہیں تو بتایئے کس نے اور ان کے کیا ریٹس ہیں؟
کیا اردونامہ کا ڈومین دستیاب ہے؟

[رضی الدین قاضی]

بہت خوب

شیئرنگ کے لیئے شکریہ ۔

[اعجازالحسینی]

شیئرنگ کے لیئے شکریہ ۔