بےنظیر انکم سپورٹ پروگرام۔ ایک تاریخی جرم

ملکی اور عالمی‌ سیاست پر ایک نظر
Post Reply
سید انور محمود
کارکن
کارکن
Posts: 180
Joined: Wed Aug 03, 2011 6:14 pm
جنس:: مرد

بےنظیر انکم سپورٹ پروگرام۔ ایک تاریخی جرم

Post by سید انور محمود »

تاریخ: 26 جنوری 2013
از طرف: سید انور محمود
[center]بےنظیر انکم سپورٹ پروگرام۔ ایک تاریخی جرم[/center]کرپش، کرپش، کرپش۔ جی ہاں کرپشن پاکستانی سیاستدانوں اورسرکاری اداروں کا سب سے محبوب مشغلہ ہے۔ کرپشن ہمارے ملک میں کینسر کی شکل اختیار کر چکا ہے ۔ کرپشن کا کینسرنہ صرف ہمارے سیاستدانوں، سرکاری اداروں بلکہ عام لوگوں میں بھی سرایت کر چکا ہے اور ہم کہہ سکتے ہیں کہ بحیثت قوم ہم میں تھوڑے یا زیادہ کرپشن کے جراثیئم ضرور پائے جاتے ہیں ۔ کرپشن کی بہت سی اقسام ہیں، مثلا سیاسی کرپشن ،معاشی کرپشن ، رشوت، اقربا پروری ،دھونس، دھاندلی، زمینوں پر قبضہ، سیاسی اور سرکاری اختیارات کا ناجائز استعمال ، یہ تمام کرپشن ہم روز دیکھتے یا سنتے ہیں۔مگر آج ایک نئے کرپشن پر بات ہوگی اور وہ ہے غریبوں سے ہمدردی کے بہانے لوٹ مار کا کرپشن۔ موجودہ حکومت کے دور میں اسطرح کے دو کرپشن ہمارئے سامنے آئے، ایک پنجاب میں "سستی روٹی اسکیم" جس میں کروڑوں روپیہ کی کرپشن ہوئی مگر وزیراعلی پنجاب شہباز شریف نے بڑھتی ہوئی بدنامی سے بچنےکے لیے سستی روٹی ا سکیم ختم کر دی اور اعلان کیا کہ اس اسکیم کی رقم سیلاب زدگان کی بحالی پر خرچ کی جائےگی، نہ پنجاب کے لوگوں کو سستی روٹی ملی اور نہ ہی سیلاب زدگان کو امداد، ہاں یہ ضرور ہوا کہ صوبہ کے حکمراں ٹولے کو لوٹ مار کرکے اپنے لیے روٹی اور سستی پڑنے لگی۔سستی روٹی اسکیم کا کرپشن صرف صوبہ پنجاب تک محدود تھامگر دوسرا کرپشن جس کو "بےنظیر انکم سپورٹ پروگرام" کہا جاتا ہے پورئے ملک میں 2008 سےجاری ہے۔ بےنظیر انکم سپورٹ پروگرام کی ویب سایٹ کے مطابق اس پروگرام کو 34 ارب روپے سے شروع کیا گیا جبکہ آج اسکا بجٹ 70 ارب روپے ہے۔ 2008-09 میں 35 لاکھ خاندان کی امداد کرنے والا یہ پروگرام 2012-13 میں 55 لاکھ خاندان یعنی پاکستان کی کل آبادی کے 18فیصد اور غربت کی لکیر سے نیچے رہنے والے 40 فیصدلوگوں کی امداد کادعوےدار ہے، اسی ویب سایٹ پر ایک وضاحتی خط میں کہا گیا کہ اس پروگرام سے 4 کروڑافرادکوفاہدہ پہنچ رہا ہے۔ویب سایٹ کے مطابق اس پروگرام کے تحت ہررجسٹرڈ خاندان کو 1000 روپےماہانہ کے حساب سے سال میں چار مرتبہ مالی امداد دی جاتی ہے۔ بینظیر انکم سپورٹ پروگرام کی چیئرپرسن محترمہ فرزانہ راجہ کا کہنا ہے کہ "بے نظیر انکم سپورٹ پروگرام غریب خاندانوں کو خودکفیل بنانے کیلئے اپنی کارکردگی اور سٹریٹجی مزید بہتر بنائے گا۔ اس پروگرام نے سماجی شعبہ میں بڑی کامیابی حاصل کی ہے جس نے انتہائی غریب خاندانوں تک رسائی کرکے ان کے گزر بسر میں مدددی ۔اس پروگرام کے تحت شروع کئے گئے مختلف منصوبوں کی بدولت نہ صرف ملک سے غربت کے خاتمہ میں مدد مل رہی ہے بلکہ غریب اور بے سہارا افراد تعلیم، صحت اور روزگار سے بنیادی مسائل بھی حل ہورہے ہیں"۔محترمہ بے نظیر بھٹو روٹی، کپڑا اور مکان کے نعرے کےساتھ حکومت میں آئی تھیں۔ انکے پہلے دورِحکومت میں"پیپلز پروگرام" چلا جبکہ پیپلز پارٹی کے چوتھی حکومت کےاس دور میں ان کی جماعت کا "بے نظیر انکم سپورٹ پروگرام" چل رہاہے۔ اس پروگرام کوشروع کرتے وقت چند شرائط بھی رکھی گئیں جن کے مطابق اس پروگرام سے غریب اور نادار افراد کے ساتھ ساتھ وہ لوگ بھی مستفید ہو سکیں گے جن کی ماہانہ تنخواہ چھ ہزار روپے تک ہوگی جبکہ جو لوگ پنشن لے رہے ہیں یا بیت المال سے مستفید ہو رہے ہیں وہ اس پروگرام میں شامل ہونے کے اہل نہیں ہیں۔

پاکستان کی کل آبادی کے 18فیصدیا 4 کروڑ لوگ جن میں خواتین کی اکثریت ہے اس پروگرام سے کس طرح "مستفید" ہورہے ہیں اس کا اندازہ تو کسی بے نظیر انکم سپورٹ پروگرام کے دفتر کے اندر اور باہر کے مناظر دیکھ کر ہی لگایا جاسکتا ہے،جہاں سینکڑوں مردو خواتین تپتی دھوپ اور ٹھٹھرتی سردی میں سرکاری ملازمین سےاپنی عزت کا جنازہ نکلواتے ہیں اور جہاں عورت ذات کے تقدس،پاکیزگی،نسوانیت اور حرمت کو بری طرح پامال کیا جاتا ہے۔ کیا تین ماہ بعد تین ہزار روپے سے ایک غریب خاندان کےگھرکا چولہاجل سکتاہے، کیا وہ بجلی کا بل ادا کرسکتا ہے؟ جس ملک میں اوسطِ پانچ افرادکے ایک متوسط کنبے کا کسی طورپر بھی اتنی مہنگائی کے عالم میں جس میں گھرکا راشن،بجلی،گیس،پانی کے بل، سفری اخراجات،تعلیم اور بیماری کے اخراجات، پھر پیدائش اور موت پچیس یاتیس ہزار روپے ماہانہ سےسے کم نہ ہواور جس میں حکومت کے مطابق 34 فیصد اور ورلڈ بنک کے مطابق64فیصد لوگ غربت کی لکیر کے نیچے رہتے ہوں، بے روزگاری کی شرح حکومت کے مطابق 12فیصد اور حقیقی طور کئی گنا زیادہ ہو، وہاں غربت،افلاس اور پسماندگی کا حل روزگار کے وسائل پیدا کرنے سے ہوتا ہے، نام نہاد انکم سپورٹ پروگرام کے زریعے بھیک یا خیرات سے مسئلے حل نہیں ہوتے ہاں کرپشن کر کےاپنے مفادات حاصل کئے جا سکتے ہیں۔ امداد ان ممالک میں لوگوں کو دی جاتی ہے جہاں ایک دو فیصد اسکے حقدار ہوتے ہیں اور وہ محتاجی کی زندگی گزار رہے ہوتے ہیں۔ غیرملکی امداد سے چلنے والےاس نام نہاد انکم سپورٹ پروگرام میں کچھ لوگوں کی غربت کم ہوئی ہے اور یہ لوگ اس پروگرام کو چلانے والے ٹھیکے دار ہیں جن کو صرف فارم پرکرنے کی مد میں چار ارب روپے کی خطیر رقم مل چکی ہے، باقی معاوضہ علیحدہ سے ہے۔ اگر جعلی ناموں اور فرموں والے ان ٹھیکے داروں نے اتنا مال کمایا ہے تو پھر کرپشن میں ڈوبے ہوئے حکمراں ٹولے نے اس کرپشن کے دریا میں کتنا غسل کیا ہوگا اس کا اندازہ لگایا جاسکتا ہے۔اس پروگرام سے کتنی غربت کم ہوئی اس کا اندازہ سوشل پالیسی اینڈ ڈیویلپمنٹ سینٹر کی ایک رپورٹ سے ہوتا ہے، رپورٹ کے مطابق پچھلے چھ سال سے پاکستان میں مزید ایک کروڑ اسی لاکھ لوگ غربت کی لکیرسےنیچےجا چکے ہیں ۔آج بےنظیر انکم سپورٹ پروگرام میں 70 ارب روپے رکھےگے ہیں پھرکیا وجہ ہے ہر سال تیس لاکھ پاکستانی مزید غریب ہوجاتے ہیں۔ اگرمختلف سطحوں پر ہونے والی بدعنوانی اور اس ذلت کو فراموش کربھی دیا جائے جو اس پروگرام سے فائدہ ہونے والی مردوخواتین اور غریب لوگوں کا مقدر بن چکی ہےتب بھی ایک خاندان کو ملازمت یا روزگار کا موقع دینے کی بجائے ایک ہزار روپے ماہانہ دیکر یہ سمجھ لیا جائے کہ اس سے غربت کم ہورہی ہے ایک احمقانہ سوچ ہے۔ غربت میں کمی صرف اسی وقت ہوسکتی ہے جب غریبوں کےمفادات پر مبنی پالیسی بنائی جائیں اور اس پر عمل بھی کیا جائے۔جاگیرداروں اورسرمایہ داروں کے مفادات کے لئے چلائے جانے والے نظام میں غریبوں کو صرف ذلت آمیز بھیک ہی دی جا سکتی ہے۔حکمران طبقہ بے نظیر انکم سپورٹ پروگرام کے ذریعے لوگوں کی نفسیات کو بدلنا چاہتا ہے تاکہ لوگ ہاتھ پھیلانے،بے چارگی،خود ترسی اور خود کو لاچارو بے کار اوربھیکاری سمجھ کر دوسروں پر انحصار کریں ۔ بھیکاری اور کرپٹ حکمرانوں کی یہ پالیسی ایک تاریخی جرم ہے ،جس پراگر آج نہیں تو کل کا تاریخ داں ضروراسکوایک تاریخی جرم کے طورلکھےگا ۔

یہ مثال تو آپ نےسنی ہوگی، "مرئے پر سات درئے" بے نظیر انکم سپورٹ پروگرام کے ذریعے اس مثال پر پورا پورا عمل ہورہا ہے۔ جرایم پیشہ لوگ ان ضرروتمند غریبوں کو لوٹ رہے ہیں جو اس پروگرام شامل ہیں یا شامل ہونا چاہتے ہیں ۔ پاک پتن کی چک 73 میں دو افراد نے مسجد میں اعلان کروایا کہ بے نظیر انکم سپورٹ اسکیم میں جن لوگوں کو رقم نہیں ملی فی کس 200 روپے رقم جمع کروائیں، 50 لوگوں نے درخواستیں جمع کروائیں ، نوسرباز بے نظیر انکم سپورٹ پروگرام کے نام پر 10 ہزار روپے لے کر رفو چکر ہو گئے۔ خیبر پختونخوا میں صوبے اور قبائلی علاقوں کے لیے 72 ہزار لوگوں کے لیے امدادی رقم بھیجی جاتی ہے ۔ ہزاروں افراد تک یہ رقم نہیں پہنچتی، متاثرین کا کہنا ہے کہ ان کے نام پر کوئی اور رقم وصول کر لیتا ہے اور انہیں آج تک ایک روپیہ بھی نہیں ملا ،نیب حکام کے مطابق ابتدائی تحقیق میں کروڑوں روپے کے گھپلے ہوئے ہیں اس میں جی پی او جنرل پوسٹ آفس پشاور اور دوسرے پوسٹ آفسز کے عملے کی ملی بھگت سے یہ گھپلے ہو رہے ہیں ۔ کچھ افراد نے ڈسکہ و گردو نواح کےلوگوں کو بے نظیر انکم سپورٹ اسکیم کے نام پر غلط میسج کرنے کا سلسلہ شروع کر رکھا ہے جس میں تحریر کیا ہوتا ہے کہ بے نظیر انکم سپورٹ سروے کے تحت آپکو 25 ہزار روپے مبارک ہوں جس سے میسج پڑھنے والا خوشی سے پھولا نہیں سماتا اور جب یہ لوگ متعلقہ فون نمبر پر رابطہ کر تے ہیں تو دوسری جانب سے ایزی لوڈ کی ڈیمانڈ کی جاتی ہے، ایزی لوڈ کی ڈیمانڈ پوری ہونے بعد یہ نمبر یا تو بند ہوتے ہیں یا پھر جواب نہیں دیا جاتا جس پر لوگ مایوس ہو جاتے ہیں۔

اگر بے نظیر انکم سپورٹ اسکیم کی جگہ صرف پچاس ارب روپے سالانہ کے حساب سے پاکستان میں مختلف صنعتیں لگائی جاتیں اورجن میں فزیکل انفراسٹرکچر بطور خاص بجلی کی فراہمی کے معاملے میں خرچ کرکے بحران سے نکلا جاسکتا تھا اور پانی کے ذریعے بہت ہی سستی بجلی پیدا کی جا سکتی تھی جس سے مہنگائی کو بڑی حد تک کم کیا جاسکتا تھا۔ ایک لاکھ میگا واٹ بجلی کی گنجائش اور 59ہزار میگاواٹ کے ادھورے منصوبوں کو پایہ تکمیل پہنچا کر نہ صرف صنعتوں کی ترقی میں رکاوٹ دور کی جاسکتی تھی بلکہ تیل کے اوپرخرچ ہونے والے بھاری زرمبادلہ میں کافی کمی کی جاسکتی تھی۔ہر سال کم از کم پچاس ہزار خاندانوں کو تاحیات عزت و آبرو والا روزگارمہیا کیا جاسکتا تھا جس سے انکا معیار زندگی بلند نہیں تو غربت کی لکیر سے اوپرآ سکتا تھا۔اس معاشی پروگرام سے محض سالانہ پچاس ہزار افراد کو براہ راست روزگار ہی مہیا نہیں ہوتا بلکہ اس معاشی دائرے کی وسعت سے دیگرکروڑوں لوگوں کو بھی فائدہ ہوتا۔ اگر بجلی 24گھنٹے مہیا ہو تو روزانہ پرائیویٹ جنریٹرز میں جلنے والے کروڑوں لٹر پیٹرول،ڈیزل اور اتنی ہی گیس کو بچایا جاسکتا ہے۔اس تمام عمل کا اثربہتر معیشت کی شکل میں ظاہرہوتا، بیرونی سرمایہ کاری بڑھتی اورملک ترقی کی راہ پر گامزن ہوتا۔ مگر جس پارٹی میں ایک بھی قابل معیشت دان نہ ہو، ایک بھی قوم سے ہمدردی رکھنے والا نہ ہووہاں اس قسم کی بات دیوانے کی بڑہوتی ہے اور کچھ نہیں۔ اس پروگرام کی انچارج محترمہ فرزانہ راجہ جو اس بھاری رقم کو اس نام نہاد بے نظیر انکم سپورٹ پروگرام کے ذریعے ضائع کررہی ہیں اُن کو ملک کااعلی اعزاز "ملک میں بھیکاریوں میں اضافہ" کی بنا پر دیتے تو بہتر ہوتا۔یہ پروگرام غربت کا مذا ق اڑانے کے مترادف ہے اسے ختم کرکے لوگوں کے لئے روزگار کے مواقع پیدا کیے جاتے تو بہتر ہوتا۔

2013 کوپاکستان میں الیکشن کا سال کہا جارہا ہے اور آج ہر سیاسی جماعت آپکا مقدر بدلنے کادعوی کررہی ہےاور ایسا پہلی مرتبہ نہیں ہورہا ہے۔ آنے والے الیکشن میں پیپلز پارٹی " بے نظیر انکم سپورٹ پروگرام" کا کارڈ کھیلنے کا پروگرام بناچکی ہے اسلیے ہی آجکل اخبارات اور ٹی وی چینل پراشتہارات کے ذریعے اسکا بہت چرچا کررہی ہے، مگرشایدیہ کامیاب نہ ہو۔ پاکستان میں کرپشن کی وجوہات میں کمزور سول سوسائٹی ، احتساب کا ناقص نظام، ایک مخصوص طبقہ کا سیاست پر حکمرانی ہو سکتی ہیں۔ترقی یافتہ ا قوام نےاپنے کرپشن زدہ مجرموں کو جو ملک کی ترقی میں رکاوٹ تھے دوسروں کے لئے عبرت کا ایک نشان بنا دیا۔ چین کی مثالیں موجود ہیں وہاں بڑے بڑے وزراء کو صرف کرپشن کے الزام میں پھانسی پرلٹکادیا گیا، یہ ہی وجہ ہے کہ چین میں کرپشن نہ ہونے کے برابر ہے۔ پاکستان میں عوام ابھی تک اپنے حقوق حاصل کرنےکے لیے تیارنہیں ہیں ۔ سرسیداحمد خان نے کہا تھا جو قومیں اپنے مسائل کے حل کے لئے کسی معجزہ یا کسی بیرونی نجات دہندہ کا انتظار کر تی ہیں ہمیشہ ناکام و نامراد رہتی ہیں۔ پاکستان میں ایک ایسے نظام کی شدت سے ضرورت ہےجو کرپٹ حکمرانوں کاسخت احتساب کرسکے جنہوں نے پاکستان کومعاشی طور تباہ و برباد کرنے کاذمہ لے رکھا ہے۔
_______________________________
نوٹ: یہ مضمون دسمبر 2012 میں لکھا گیا تھا ۔
سچ کڑوا ہوتا ہے۔ میں تاریخ کو سامنےرکھ کرلکھتا ہوں اور تاریخ میں لکھی سچائی کبھی کبھی کڑوی بھی ہوتی ہے۔
سید انور محمود
بلال احمد
ناظم ویڈیو سیکشن
ناظم ویڈیو سیکشن
Posts: 11973
Joined: Sun Jun 27, 2010 7:28 pm
جنس:: مرد
Contact:

Re: بےنظیر انکم سپورٹ پروگرام۔ ایک تاریخی جرم

Post by بلال احمد »

جو بھی حکومت آتی ہے وہ لوٹنے کے لیے چور دروازے تلاش کرتی ہے تاکہ محکوم لوگوں‌کی آنکھوں میں دھول جھونک کر پیسے بٹورتے رہیں اور پھر بعد میں انہیں چیزوں کے گن گاتے ہوئے ان سے دوبارہ ووٹوں کی امید رکھیں، اور ایسا ہوتا بھی نظر آتاہے.
بڑی بے چین رہتی ہے طبیعت اب میری محسن
مجھے اب قتل ہونا ہے، مگر قاتل نہیں ملتا
اضواء
ٹیم ممبر
ٹیم ممبر
Posts: 40424
Joined: Sun Aug 15, 2010 4:26 am
جنس:: عورت
Location: {الدمام}المملكةالعربيةالسعوديه

Re: بےنظیر انکم سپورٹ پروگرام۔ ایک تاریخی جرم

Post by اضواء »

انہیں ڈالر گننے سے فرصت نہیں ہے تو احتساب کب کرئینگے ...


شئیرنگ پر آپ کا شکریہ ....
[center]یہ بھی انداز ہمارے ہے تمہیں کیا معلوم
ہم تمہیں جیت کے ہارے ہے تمہیں کیا معلوم[/center]
Post Reply

Return to “سیاست”