کوئل!!!
-
- منتظم سوشل میڈیا
- Posts: 6107
- Joined: Thu Feb 09, 2012 6:26 pm
- جنس:: مرد
- Location: السعودیہ عربیہ
- Contact:
کوئل!!!
اگر آپ صبح سويرے سير پر جاتے ہيں تو آپ نے درختوں کے قريب سے گذرتے ہوئے ايک پرندے کي خوبصورت اور سريلی آواز ضرور سنی ہوگی- دل کو چھو لينے والی يہ آواز ايک لمحے کے ليے رک پلٹ کر ديکھنے پر مجبور کرديتی ہے- يہ خوبصورت آوازايک چھوٹے سے پرندے کوئل کی ہے-
کوئل اور ہر گھنٹے کے بعد کوئل جيسي آواز نکالنے والے کلاک اب ماضی کا حصہ بنتے جارہے ہيں-زيادہ دور پرے کي بات نہيں ہے کہ باغوں اور پارکوں ميں کوئل کي سريلی اور خوبصورت آواز اکثر سنائی ديتی تھي اور بہت سے گھروں کي ديواروں پر ايسے کلاک نظر آتے تھے جن ميں ہر گھنٹے کے بعد ايک چھوٹی سی کھڑکی کھلتی تھی اور ايک ننھی سی کوئل اپني چونچ باہر نکال کر وقت کا اعلان کرتی تھی-
کوکو کلاک موبائل فونز اور ڈيجيٹل ٹيکنالوجی کے ديگر گھريلو آلات کي بھينٹ چڑھ چکا ہے ، جب کہ آب و ہوا کی تبديلياں ہمارے باغوں اور پارکوں کوکوئل کے سريلے نغموں سے محروم کررہي ہيں- جنوبی ايشيا ميں کوئل کی آبادی ميں کتنی کمی واقع ہوئی ہے؟ اس بارے ميں مستند اعدادوشمار دستياب نہيں ہيں ليکن برطانيہ ميں ايک حاليہ مطالعے سے پتا چلا ہے کہ 1995ء کے مقابلے ميں 2010ء ميں اس خوش الحان پرندے کي تعداد آدھی ہوچکی ہے-
کم ہی لوگوں کو يہ علم ہے کہ کوئل ايک خانہ بدوش پرندہ ہے اور وہ خوراک کی تلاش اور موسموں کی سختيوں سے بچنے کی خاطر ہر سال ہزاروں ميل کا سفر کرتا ہے- يورپ ميں يہ ننھا پرندہ افريقہ سے طويل سفر کے بعد وہاں آتا ہے اور سردياں شروع ہوتے ہی واپسی کي پرواز شروع کرديتا ہے- آپ کو يہ جان کر يقيناً حيرت ہوگی کہ يہ ننھی سی جان ہرسال دس ہزار ميل سے زيادہ پرواز کرتی ہے- اوراس سے بھی زيادہ حيرت انگيز بات يہ ہے کہ شمالی امريکہ کے سفر کے ليے يہ پرندہ چار ہزار ميل کی ايک مسلسل اڑان ميں بحيرہ کريبيئن عبور کرتا ہے-
کوئل يا کوکو کی کئی اقسام ہيں جن کا وزن 15 گرام سے سوا پونڈ تک ہوتا ہے - مختلف اقسام کے پروں کي رنگت بھی مختلف ہوتی ہے اور کوئل کی نقل مکانی پر نظر رکھنے والے يورپی تحقيقی ادارے بی ٹو او کے مطابق کچھ اقسام نقل مکانی نہيں کرتيں اور کسی خاص علاقے ميں مستقل طور پر رہتي ہيں-
برطانوی سائنس دانوں کی ايک ٹيم نے، جو کئی سال سے کوئل پر تحقيق کررہی ہے، افريقہ سے برطانيہ پہنچنے والي کوئل کی پرواز کے راستوں کي مستند معلومات اکھٹی کرنے کا دعوی کيا ہے-
اس تحقيق کے ليے پہلی بار جی پی ايس سے مدد لی گئی ہے اور سيٹلائٹ کے ذريعے ان کي پرواز پر نظر رکھ کر ڈيٹا مرتب کيا گيا ہے-
ٹيم کے سربراہ ڈاکٹر فل اٹکن سن کا کہناہے کہ اپنی تحقيق کے ليے انہوں نے پچھلے سال مئی ميں نورفوک کے علاقے سے پانچ نر کوئل پکڑے، اور پھر ايک خصوصی چھوٹے جی پی ايس کو ان کے بازوں کے ساتھ باندھنے کے بعد آزاد کرديا گيا-جس کے بعد ان کي پرواز کاريکارڈ مرتب کيا گيا-
ڈاکٹر اٹکن سن کا کہناہے کہ ان پانچ ميں سے دو پرندوں نے جن کے نام لاسٹر اورکرس رکھے گئے تھے، خزاں کا موسم شروع ہوتے ہی اپنی واپسی کي پرواز شروع کي اور وہ مختلف راستوں سےاٹلی اور اسپين سے گذرتے، بحيرہ روم کے اوپر سے پرواز کرتے ہوئے افريقہ کے صحرائے اعظم ميں داخل ہوئے اور سرديوں کے آغاز پر ايک برساتی جنگل ميں پہنچ گئے- پھر جب موسم بدلنا شروع ہواتو انہوں نے واپسی کے سفر کا آغاز کيا اور مختلف راستوں سے گذرتے اپريل کے آخر ميں برطانيہ ميں فورنوک کے اسی علاقے ميں پہنچ گئے جہاں سے ايک سال قبل انہيں پکڑا گياتھا-
پرندوں پر ايک اور حاليہ تحقيق سے معلوم ہوا ہے کہ 1995ء سے يورپ ميں کوئل سميت پرندوں کی دوسری کئي اقسام کي تعداد مسلسل گھٹ رہي ہے- ان ميں قمری، فاختہ ، بلبل اور ممولے بھی شامل ہيں- ايک اندازے کے مطابق برطانيہ ميں ہر سال کوئل کے دس ہزار سے بيس ہزار جوڑے گرمياں گذارنے آتے ہيں - دلچسپ بات يہ ہے کہ مادہ کوئل اپنے واپسي کے سفر پرروانگي سے قبل عموماً کوئے کے گھونسلے ميں انڈےديتی ہے- اور کوئے کو اس وقت پتا چلتا ہے کہ وہ کوئل کے انڈے سہتا اور اس کے بچے پالتا رہاہے، جب وہ بولنا شروع کرتے ہيں - وہ انہيں گھونسلے سے باہر پھينک دتيا ہے- مگر تب تک وہ اڑنے کے قابل ہوچکے ہيں اور پھر گھونسلے سے بے دخل ہونے کے چند ہی ہفتوں کے بعد وہ افريقہ کے ليے اپنی پرواز شروع کرديتے ہيں-
کوئل کی کئی اقسام اپنے انڈے خود سہتی ہيں اور اپنے بچوں کي پرورش بھی خود کرتي ہيں-
نئي تحقيق سے معلوم ہوا ہے کہ کوئل پرواز کے ليے مختلف راستے اختيار کرتا ہے- بالغ پرندے اپنا سفر پہلے شروع کرتے ہيں اور عموماً مارچ کے آخر يا اپريل کے شروع ميں برطانيہ پہنچ جاتے ہيں اور پھر جولائی اگست ميں ان کي واپسی شروع ہوجاتی ہے- جب کہ ان کے بچوں کي پرواز تقريباً ايک ماہ بعد شروع ہوتی ہے-
صحرائے اعظم عبور کرنے سے پہلے يہ پرندے کچھ عرصہ مغربی افريقہ ميں رکتے ہيں اور اپنے قيام کے دوران معمول سے زيادہ خوراک کھاتے ہيں جس سے ان کے وزن اور جسم ميں توانائی کی مقدار بڑھ جاتی ہے- اپنی اسی توانائی کے بل پر وہ صحرا ئے اعظم عبور کرتے ہيں-
ڈاکٹر فل اٹکن سن کا کہناہے کہ ہميں پتا چلا ہےکہ غير معمولی موسمی تبديلياں ان کی ہلاکت کا سبب بن رہی ہيں- انہوں نے بتايا کہ تحقيق ميں شامل پہلا کوئل افريقي ملک کيمرون سے گذرتے ہوئے سخت موسم کے باعث ہلاک ہوگياتھا-
ماہرين کے مطابق کوئل کا اصل وطن افريقہ ہے اور وہ خوراک کی تلاش ميں يورپ کا رخ کرتا ہے-
ڈاکٹر اٹکن سن نے ٹيلي گراف کے ساتھ اپنے انٹرويو ميں موسمياتی تبديليوں کا ذکر کرتے ہوئے کہا کہ ان تبديلوں کے باعث اس سال فروری کے آخر ميں ہی کوئل کی آمد کاسلسلہ شروع ہوگيا تھا، جب کہ ان کی آمد عموماً اپريل اور مئی ميں ہوتی ہے
سائنس دانوں کا کہناہے کہ نر اور مادہ کوئل کی عادات کافی مختلف ہيں - برطانيہ ميں نر پرندوں کي آمد پہلے شروع ہوتي ہے اور وہ گرمياں گذارنے کے ليے ايسي جگہوں کا انتخاب کرتے ہيں جہاں انہيں اپنےليے اچھے جيون ساتھی ملنے کي توقع ہوتی ہے- جب کہ مادہ پرندے کئي ہفتوں کے بعد وہاں پہنچنے ہيں اوران کي پرواز کے راستے بھي مختلف ہوتے ہيں-
ڈاکٹر اٹکن سن کی ٹيم مادہ کوئل کي پرواز کے راستوں کا نقشہ بنانے کے ليے اس سال ان پر تحقيق کررہی ہے
ممکن نہیں ہے مجھ سے یہ طرزِمنافقت
اے دنیا تیرے مزاج کا بندہ نہیں ہوں میں
اے دنیا تیرے مزاج کا بندہ نہیں ہوں میں
-
- ٹیم ممبر
- Posts: 40424
- Joined: Sun Aug 15, 2010 4:26 am
- جنس:: عورت
- Location: {الدمام}المملكةالعربيةالسعوديه
Re: کوئل!!!
بہترین معلومات پر آپ کا شکریہ
[center]یہ بھی انداز ہمارے ہے تمہیں کیا معلوم
ہم تمہیں جیت کے ہارے ہے تمہیں کیا معلوم[/center]
ہم تمہیں جیت کے ہارے ہے تمہیں کیا معلوم[/center]
Re: کوئل!!!
معلوماتی شیئرنگ کیلئے شنکریہ
بڑی بے چین رہتی ہے طبیعت اب میری محسن
مجھے اب قتل ہونا ہے، مگر قاتل نہیں ملتا
مجھے اب قتل ہونا ہے، مگر قاتل نہیں ملتا
- چاند بابو
- منتظم اعلٰی
- Posts: 22224
- Joined: Mon Feb 25, 2008 3:46 pm
- جنس:: مرد
- Location: بوریوالا
- Contact:
Re: کوئل!!!
بہت خوب میاں صاحب بہت تحقیقی اور معلوماتی معلومات شئیر کرنے کا بہت بہت شکریہ.
قصور ہو تو ہمارے حساب میں لکھ جائے
محبتوں میں جو احسان ہو ، تمھارا ہو
میں اپنے حصے کے سُکھ جس کے نام کر ڈالوں
کوئی تو ہو جو مجھے اس طرح کا پیارا ہو
محبتوں میں جو احسان ہو ، تمھارا ہو
میں اپنے حصے کے سُکھ جس کے نام کر ڈالوں
کوئی تو ہو جو مجھے اس طرح کا پیارا ہو
-
- منتظم سوشل میڈیا
- Posts: 6107
- Joined: Thu Feb 09, 2012 6:26 pm
- جنس:: مرد
- Location: السعودیہ عربیہ
- Contact:
Re: کوئل!!!
پسند کرنے پر آپ سب احباب کا شکریہ
ممکن نہیں ہے مجھ سے یہ طرزِمنافقت
اے دنیا تیرے مزاج کا بندہ نہیں ہوں میں
اے دنیا تیرے مزاج کا بندہ نہیں ہوں میں
-
- دوست
- Posts: 216
- Joined: Tue Aug 19, 2008 4:56 am
- جنس:: مرد
- Location: کینیڈا ،ایڈمنٹں.البرٹا
Re: کوئل!!!
زبردست