بنگلور…بھارت میں پاکستان بلائنڈ کرکٹ ٹیم کے کپتان ذیشان عباسی کو ناشتے میں مبینہ طور پر تیزاب پلا دیا گیا، بھارت میں ہونے والے ٹی ٹوئنٹی ورلڈ کپ میں حصہ لینے کے لیے گئی ہوئی پاکستان بلائنڈ کرکٹ ٹیم کے کپتان ذیشان عباسی کو ناشتے کی ٹیبل پر مبینہ طور پر تیزاب پلا کر مارنے کی کوشش کی گئی جس کے بعد ان کی طبیعت بگڑ گئی اور انہیں اسپتال میں داخل کردیا گیا تھا۔ ذرائع سے معلوم ہوا ہے کہ اب ان کی حالت خطرے سے باہر ہے۔ بینائی سے محروم ذیشان عباسی کو فوری طور پر اسپتال لے جایا گیا ،جہاں ان کی اینڈو اسکوپی ہوئی اور تمام رپورٹس کلیئر قرار پائیں، ڈاکٹروں کے مطابق اگر یہ ایسڈ پیٹ میں چلا جاتا تو ان کی جان کو بھی خطرہ ہوسکتا تھا۔ ذیشان عباسی کے والد افتخار عباسی نے جیونیوز سے بات کرتے ہوئے مطالبہ کیا کہ ان کے بیٹے کو تیزاب پلانے کے واقعے کی مکمل تحقیقات کی جائے۔
