اعتبار نہ کر انہاں سوہنیاں تے (شاکر شجاع آبادی)

[محمد شعیب]

اعتبار نہ کر انہاں سوہنیاں تے اج کجھ ہوند ن کل کجھ ہوندن
منہ زور مزاج دے مالک ہن، گھڑی کجھ ہوندن پل کجھ ہوندن
انھاں حسن دیاں بھریاں بوتلاں دے گل کجھ ہوندن تل کجھ ہوندن
ہِن شاکر مثل کر یہاں دے،پھُل کجھ ہوندن ،پھَل کجھ ہوندن

[میاں محمد اشفاق]

وگدی ندی دا پانی
اینج جا کے مڑ نئیں آوندا
جا کے جیویں جوانی
وگدی ندی دا پانی

پردیسیا وی توں وی
لگ جائیں گا کنارے
چیتے کریں گا جا کے
اس راہ دے نظارے
تیری خیر ہووے شالا
دے جا کوئی نشانی

وگدی ندی دا پانی
اینج جا کے مڑ نئیں آوندا
جا کے جیویں جوانی
وگدی ندی دا پانی

[میاں محمد اشفاق]

سانوں عشق دا روگ اے لگیا اے
سانوں عشق دا روگ اے لگیا اے ، اساں پیار کرن تو چَکنا نئیں
اک تیرے تے دل آیا اے ، اساں ہور کسے وَل تکنا نئیں

اکھاں تیریاں تیر چلاندیاں نے ، اسی دل تے اپنے سہنے آں
توں اپنے دل وچ ویکھ ذرا ، اسی دل وچ تیرے رہندے آں
توں ہیر وی ساڈی ، لیلٰی وی ، کوئی ہور تیرے جیا لبھنا نئیں
اک تیرے تے دل آیا اے ، آساں ہور کسے وَل تکنا نئیں

چال تیری مستانی اے ، تیری چڑھدی شوخ جوانی اے
توں سجدی نال اساں دے ای، تیری میری ہک کہانی اے
اسی رانجھے آں اسی مجنوں آں ، دنیا توں ہن ڈرنا نئیں
اک تیرے تے دل آیا اے اساں ہور کسے ول تکنا نئیں

سانوں عشق دا روگ اے لگیا اے اساں پیار کرن تو چکنا نئیں
اک تیرے تے دل آیا اے اساں ہور کسے ول تکنا نئیں

[میاں محمد اشفاق]

او وی خوب دیہاڑے سن
بھک لگدی سی
منگ لیندے ساں۔
مل جاندا سی
کھا لیندے ساں۔
نئیں ملدا سی
تےرو پیندے ساں۔
روندے روندے سو ں رہندے ساں۔

ایہہ وی خوب دیہاڑے نیں
بھگ لگدی اے
منگ نئیں سکدے
ملدا اے تے
کھا نئیں سکدے۔
نئیں ملدا تے
رو نئیں سکدے۔
ناں روئیے نے سوں نئیں سکدے۔

[اضواء]

کاش یہ اُردو میں ہوتا ....

[میاں محمد اشفاق]

بلال بھائی اس کو ٹرانسلیٹ کر کے اضوا جی کو سمجھا دو

[اعجازالحسینی]

بہت عمدہ جناب