اک رانجھا مینوں لوڑیدا - بلھے شاہ

[سخنور]

اک رانجھا مینوں لوڑیدا
کن فیکون اگے دیاں لگیاں
نیوں نہ لگڑاچوری دا
اک رانجھا مینوں لوڑیدا
آپ چھڑجا ندا نال مجھیں دے
سانوں کیوں بیلیوں ہوڑیدا
اک رانجھا مینوں لوڑیدا
رانجھے جیہامینوں ہو ر نہ کوئی
منتاں کر کر موڑی دا
اک رانجھا مینوں لوڑیدا
سانولیاں دے نین سلونے
سوہا دوپٹہ گوری دا
اک رانجھا مینوں لوڑیدا
احد احمد وچ فر ق نہ بلھیا
اک رتی بھید مروڑی دا

مشکل لفظاں دا معنے

لوڑیدا۔ چاہیداہے۔ لوڑ ہے
کُن فیکون۔ جد رب نے کہیا ''ہوجا'' تے خلقت پیدا ہوئی
نیوں۔ پیار، عشق، محبت
لگڑا۔ لگا
چھڑ۔ چھیڑو دا مطلب ہے ڈنگراں نوں چارن والا، چھڑ جاندا دا مطلب، ڈنگر پچھے چلاگیا
بیلیوں۔ جنگل
سانولیاں۔ سانولے رنگ دیا ں سوہنیاں
سلونے۔ کھچن والے، سوادلے
سوہا۔ سُرخ
احد۔ اک
احمد۔ جیس دی صفت کیتی جاوے، رسول دا ناں

[بوبی]

شکریہ لالہ

[چاند بابو]

سخنور ہوراں دا ڈاڈھا شکریہ جنہاں نے اردونامہ نوں بابے بلھے شاہ دے ودہیا کلام دے نال سجایا۔

[سخنور]

شکریہ لالہ

پسند کرن لئی تہاڈا وی شکریہ !

[سخنور]

سخنور ہوراں دا ڈاڈھا شکریہ جنہاں نے اردونامہ نوں بابے بلھے شاہ دے ودہیا کلام دے نال سجایا۔

چاند بابو تہاڈا وی بہت شکریہ پسند کرن لئی!