بلھے نوں سمجھاون آئیاں، بھیناں تے بھرجائیاں - بلھے شاہ

[سخنور]

بلھے نوں سمجھاون آئیاں، بھیناں تے بھرجائیاں
من لے بلھیا ساڈا کہنا، چھڈ دے پلّا رائیاں
آل نبی اولادِ علی نوں، توں کیوں لیکاں لائیاں
چیہڑا سانوں سیّد سدّے، دوزخ ملن سزائیاں
جو کوئی سانوں رائیں آکھے، بہشتیں پینگھاں پائیاں
رائیں سائیں سبھنیں تھائیں، رب دیاں بے پروائیاں
سوہنیاں پرے ہٹائیاں نیں تے، کوجھیاں لے گل لائیاں
جے توں لوڑیں باغ بہاراں، چاکر ہوجا رائیاں
بلھے شوہ دی ذات کہہ پچھنایں، شاکر ہو رضائیاں

[شازل]

zab:

[سخنور]

zab:

شکریہ جناب!

[بوبی]

بہت ہی ودیا کلام شئیر کیتا ہے تُسی فرخ لالہ

[چاند بابو]

سخنور جی سانجے ویہڑے تو سجانون دا شکریہ۔ میں امید کردا واں جے کر تسی کجھ دن ہور اردونامہ تے ایسے طرح کارا کردے رہے تے تھوڑے دناں تائیں اردونامہ تے سخنور ہوراں دیاں دھماں ای رہ جان گیاں تے ساڈھے ورگے نکمیاں تو کوئی منہ لاون نوں تیار نئیں ہوے گا۔

[سخنور]

بہت ہی ودیا کلام شئیر کیتا ہے تُسی فرخ لالہ

بہت شکریہ بوبی صاحب!

[سخنور]

سخنور جی سانجے ویہڑے تو سجانون دا شکریہ۔ میں امید کردا واں جے کر تسی کجھ دن ہور اردونامہ تے ایسے طرح کارا کردے رہے تے تھوڑے دناں تائیں اردونامہ تے سخنور ہوراں دیاں دھماں ای رہ جان گیاں تے ساڈھے ورگے نکمیاں تو کوئی منہ لاون نوں تیار نئیں ہوے گا۔

شکریہ چاند بابو پر اے فورم بناں کے تسی اپنے نکمے نہ ہون دا ثبوت دے دتا ہویا اے.