خیبرپختونخوا میں علمائے کرام کی شہادت کے حوالے امارت اسلامیہ کی تعزیت اور ردعملگذشتہ کئی دنوں سے صوبہ خیبرپختونخوا کے مختلف علاقوں میں معروف افغان علمائے کرام شیخ الحدیث مولوی غلام حضرت صاحب، مولوی محمد نسیم حنفی صاحب اور قاری سید مراد صاحب کو مسلسل طور پر شہید کر دیا گیا ہے۔ امارت اسلامیہ افغانستان اس وحشت ناک دہشت گردی اور بزدلانہ عمل کی پرزور الفاظ میں مذمت کرتی ہے اور حکومت پاکستان سے مطالبہ کرتی ہے کہ افغان مہاجر علمائے کرام کی حفاظت پر سنجیدگی سے توجہ دی جائے۔ اور ان کے قاتلوں کو عدالت کے کہٹرے میں لاکھڑا کرے۔
امارت اسلامیہ ایسی حالت میں کہ تینوں علمائے کرام کی شہادت کو عظیم سانحہ سمجھتی ہے اور ان کی شہادتوں کے پیچھے ان عناصر اور قوتوں کو کارفرما سمجھتی ہے، جو اس نوعیت کے مذموم اعمال انجام دے کر ملک میں فرقہ پرستی اور دشمنی کو جنم دینا چاہتے ہیں، لیکن انہیں سمجھنا چاہیے کہ تمام مسالک کے بااثر علمائے کرام اور مشائخ اس طرح کی سازشوں کی جانب بہتر طور پر متوجہ ہیں اور کبھی بھی اسلام دشمنوں کو اس بات کی مجال اور اجازت نہیں دیں گے، جو مذہبی طبقے کے درمیان فاصلے پیدا کریں اور دشمنی کو پروان چڑھائیں۔
اللہ تعالی شہید کیے جانے والے تینوں شہداء کی شہادت کو اپنے دربار میں قبول فرمائیں اور ان کے خاندانوں، دوستوں اور ہمدردروں کو صبر جمیل اور اجر عظیم عطا فرمائیں۔ آمین
امارت اسلامیہ افغانستان
17/ ذی القعدہ 1437 ھ جمطابق 20 / اگست 2016ء
