پرچہِ حکومت

[خرم ابن شبیر]

پرچہِ حکومت
وقت: وقت کا کوئی پتہ نہیں کب ختم ہو جائے
کل نمبر: جتنے پیسے جمع کر سکتے ہو کرلو
جو سوال دل کو اچھا لگے وہ حل کر لو باقی گول کر لو اور اگر موقع ملے تو سوال کو اپنی مرضی سے تبدیل کر لو (کون سا کسی نے پوچھنا ہے)
سوال نمبر ایک
حکومت کرنے کے لیے ووٹوں کی ضرورت ہوتی ہے یا نوٹوں کی جواب تفصیل سے لکھیں اور اگر ہو سکے تو ایک دو مثالیں بی دیں۔
سوال نمبر دو
لوٹے کی تعاریف کریں، نیز یہ بھی بتائیں کے لوٹے کی کتنی اقسام ہوتی ہیں
سوال نمبر تین
اچھی سے اچھی وزارت حاصل کرنے کےلیے جیل جانا ضروری ہے یا مکھن لگانا، اگر جیل جانا ضروری ہے تو کتنی دفعہ اور اگر مکھن لگانا ضروری ہے تو کتنا
سوال نمبر چار
کسی صورت میں اگر حکومت ٹوٹ جائے تو سب سے پہلا فیصلہ کیاکرنا چاہے۔ وطن چھوڑ کر بھاگ جانا چاہے یاپھر وطن سے نکلنے کو ترجی دینی چاہے
سوال نمبر پانچ
اپنی حکومت زیادہ دیر تک قائم رکھنے کے لیے کون سا ڈرامہ کرنا ضروری ہے
سوال نمبر چھ
چور چوری سے جائے ہیرا پھیری سے نا جائے کی تعاریف کریں اور یہ بتائیں کہ اس سوال کا اس پرچے سے کیا تعلق ہے
سوال نمبر سات
یہاں آپ کو اجازت دی جاتی ہے اپنی مرضی کا سوال لکھیں اور اپنی مرضی کا جواب لکھیں
سوالوں کے نمبر سیاست دان کی ذہانت کے مطابق وزارت کی شکل میں دیے جائیں گے
اور آخری سوال
آپزیشن میں رہ کر جس بات سے انکار کیا جاتا ہے حکومت میں آتے ہی اس بات کی حمایت کی جاتی ہے اس کی وجہ بیان کریں
یا
حکومتی اراکین کے جھوٹ بولنے کی حد بتائیں اس سوال کے جواب کے لیے الگ سے شیٹ دی جائے گی
نوٹ: ٹھیک ٹھیک جواب لکھنے پر آپ کو گولی بھی ماری جا سکتی ہے اس لیے حکومت کے ہاں میں ہاں ملانی بھی ضروری ہے اس لیے ہاتھ ذرا ہولا رکھیں

از خرم ابن شبیر

[رضی الدین قاضی]

خرم بھائی اس امتحان سے میں دور رہنا چاہوں گا۔
آپ مجھے گولی مار سکتے ہیں ۔
میں نے میرا خون معاف کر دیا۔

[چاند بابو]

اجی جوابات تو ان سب کے آتے ہیں ہمیں لیکن اگر ان کا کھل کر جواب دیا اور مثالوں سے واضح بھی کر دیا تو خرم بھیا کے کہنے کے عین مطابق گولی کبھی بھی کسی بھی طرف سے وارد ہو سکتی ہے۔اور ساتھ ہی ساتھ اردونامہ کبھی بھی کسی بھی ہاتھوں ہیک ہو سکتا ہے۔

بہرحال اچھے سوالات ہیں۔ لیکن جوابات اچھے نہیں ہیں اس لئے ناقابلِ اشاعت قرار دے کر لکھنے سے انکاری ہوں۔

البتہ اگر آپ کچھ لے دے کر پاس کرنا چاہیں تو کوئی مضائقہ نہیں ہے اس پر بات چیت ہو سکتی ہے۔

خیر اگر پاس نہ بھی کیا تو کیا؟

پاکستان میں جعلی ڈگری پر حکومت کرنا چنداں مشکل نہیں ہے، کم ازکم آج سے دو تین ماہ پہلے تو نہیں تھا۔

بس اب ایک منصف ہے جو آڑے آتا ہے خیر کام اب بھی وہی ہو گا دام بڑھ جائیں گے۔

[خرم ابن شبیر]

رضی بھائی اور چاند بابو ویسے مجھے آپ یہ تو بتائیں آپ کب سے حکمران یا سیاست دان بن گے
یہ پرچہ تو ان کے لیے ہے آپ کے لیے نہیں

[چاند بابو]

اجی جتنی عقل یہاں سیاستدان ہونے کے لئے درکار ہے اس سے کافی زیادہ ہم رکھتے ہیں۔
اور قابلیت تو خیر سے نہ انہیں چاہئے نا ہمارے پاس ہے۔
تو کیا فرق ہے ہمارے اور ان کے درمیان۔
خیر سے آپ دل چھوٹا مت کریں الیکشن میں ہم بھی اپنی اصلی ڈگری کے ساتھ حصہ لے سکتے ہیں۔
بس آپ کی طرف سے کلئیرنس سرٹیفکٹ کا انتظار ہے۔

[خرم ابن شبیر]

چلیں جی ہم انتظار کریں گے آپ کا

[انصاری آفاق احمد]

السلام عليكم ورحمۃ اللہ وبركاتہ
دیکھتے ہیں کون سیاست داں آکر ان کے جوابات لکھتا ہے.

[خرم ابن شبیر]

مجھے تو لگتا ہے کوئی بھی جواب نہیں دے گا بلکے الٹا ہمیں جواب دینا پڑے گا

[شازل]

ذرا کھرا جواب دیجیئے گا

[خرم ابن شبیر]

کھرا جواب دیا تو پاکستان کیسے جاؤں گا

[چاند بابو]

پاکستان آنے پر کوئی پابندی نہیں ہے بس دوبارہ واپس جانے پر پابندی لگ سکتی ہے ایگزٹ کنٹرول لسٹ سے۔

[خرم ابن شبیر]

بات تو ایک ہی ہے نا میرے بھائی