شمسی بادبان کی کامیابی

روزمرہ سائنس کی دنیا میں کیا جدت آ رہی ہے
Post Reply
اعجازالحسینی
مدیر
مدیر
Posts: 10960
Joined: Sat Oct 17, 2009 12:17 pm
جنس:: مرد
Location: اللہ کی زمین
Contact:

شمسی بادبان کی کامیابی

Post by اعجازالحسینی »

[center]Image[/center]
جاپانی سائنسدان خلائی سفر پر جانے والے جہازوں کو توانائی فراہم کرنے کے لیے بنائئ گئی ایک شمسی بادبان ’ایکارس‘ کے کامیاب تجربے پر جشن منا رہے ہیں۔

چھوٹے سے رکابی شکل کے خلائی جہاز سے یہ دو سو مربعہ میٹر کی جھلی نما بادبان جوڑی گئی ہے جسے گزشتہ مہینے ایک راکٹ کے ذریعے خلاء میں پہنچایا گیا تھا۔

ایکارس کے چلنے کا بڑا سادہ سا اصول ہے اور وہ کسی مصنوعی ایندھن کی بجائے سورج کی روشن سے چلتا ہے۔

کیمیائی ایندھن کی بجائے اس تکنیک کے استعمال سے خلائی جہازوں کے نظام شمسی میں سفر کرنے کی بہت عرصے سے بات ہو رہی تھی۔

اس مشن پر کام کرنے والی سائنسدانوں کی ٹیم اندازہ لگانے کی کوشش کرے گی کہ آیا ایکارس اتنی رفتار پیدا کر سکتا ہے کہ خلائی جہاز نظام شمسی میں سفر کر سکیں۔

جاپان کے خلائی تحقیقاتی ادارے کے ایک بیان کے مطابق ماہرین شمسی بادبان پر تین جون سے کام کر رہے تھے۔

.دس جون کو اس بات کی تصدیق ہوئی کہ یہ بادبان کامیابی سے کھل گیا ہے اور اس کے سیل اتنی توانائی پیدا کر رہے جو اس کو چلا سکتی ہے۔

اس بادبان کا خلائی استعمال

شمسی بادبان کا انتہائی سادہ اصول پر کام کرتے ہیں۔ ان پر پڑنے والے پوٹون یا شمسی توانائی کے ذرات اس پر دباؤ پیدا کریں گے جو اس کو چلانے کے لیے درکار ہو گا۔ بادبان پر یہ ہلکا مگر مستقل دباؤ اس میں حرکت پیدا کر دیتا ہے۔

شمسی بادبان کبھی بھی روائتی پروپلشن سسٹم کا متبادل نہیں ہو سکتا لیکن اس نئے نظام کا وسیع پیمانے پر استعمال ہو سکتا ہے۔

.خلائی گروپ دی پلینٹری سوسائٹی کےلوئس فرائڈمین اس تکنیک کے بہت بڑے حامی ہیں۔

انھوں نے بی بی سی کو بتایا کہ وہ ایک ایسا کم وزن خلائی جہاز بنانے کے بارے میں سوچ رہے ہیں جسے ایندھن درکار نہیں ہوگا اور جو اس نئے نظام سے چلے گا۔

وسیع المدتی مقاصد میں اس نظام کو ایسے خلائی جہازوں پر لگانا شامل ہے جو سورج یا زمین کا مشاہدہ کرنے کے لیے بھیجے جائیں اور اس کے بعد دو سیاروں کے درمیان سفر کرنے والے خلائی جہازوں پر بھی لگایا جا سکتا ہے۔

زمین کے گرد مدار میں گردش کرنے والے کئی خلائی جہاز پہلے ہی شمسی توانائی کے پینلوں پر ایسے پروں کو استعمال کرتے ہیں جو اس توانائی سے انھیں صیح مدار میں پہنچنے میں مدد دیتے ہیں۔
[center]ہوا کے رخ پے چلتا ہے چراغِ آرزو اب تک
دلِ برباد میں اب بھی کسی کی یاد باقی ہے
[/center]

روابط: بلاگ|ویب سائیٹ|سکرائبڈ |ٹویٹر
رضی الدین قاضی
معاون خاص
معاون خاص
Posts: 13369
Joined: Sat Mar 08, 2008 8:36 pm
جنس:: مرد
Location: نیو ممبئی (انڈیا)

Re: شمسی بادبان کی کامیابی

Post by رضی الدین قاضی »

بہت خوب

اچھی معلومات شیئر کر نے کے لیئے شکریہ اعجاز بھائی۔
اعجازالحسینی
مدیر
مدیر
Posts: 10960
Joined: Sat Oct 17, 2009 12:17 pm
جنس:: مرد
Location: اللہ کی زمین
Contact:

Re: شمسی بادبان کی کامیابی

Post by اعجازالحسینی »

شکریہ
[center]ہوا کے رخ پے چلتا ہے چراغِ آرزو اب تک
دلِ برباد میں اب بھی کسی کی یاد باقی ہے
[/center]

روابط: بلاگ|ویب سائیٹ|سکرائبڈ |ٹویٹر
انصاری آفاق احمد
مشاق
مشاق
Posts: 1263
Joined: Sun Oct 25, 2009 6:48 am
جنس:: مرد
Location: India maharastra nasik malegaon
Contact:

Re: شمسی بادبان کی کامیابی

Post by انصاری آفاق احمد »

السلام عليكم ورحمۃ اللہ وبركاتہ
اچھی معلومات کے لئیے جزاک اللہ
یا اللہ تعالٰی بدگمانی سے بد اعمالی سےغیبت سےعافیت کے ساتھ بچا.
Image
Post Reply

Return to “روزمرہ سائنس”