میرا تعارف

[سید حماد رضا بخاری]

میرانام سیّد حماد رضا بخاری ہے۔
1964 میں فیصل آباد میں پیدا ہوا۔ گورنمنٹ کالج آف کامرس، پنجاب یونیورسٹی، انسٹیٹیوٹ آف چارٹرڈ اکاونٹنٹس آف پاکستان اور کچھ اور معروف اداروں سے پیشہ وارانہ تعلیم حاصل کی۔ میرا شعبہ تعلیم تو کامرس اور بزنس ایڈمنسٹریشن ہے مگر ادب سے گہرا لگاؤ مجھے وراثت میں ملا ہے۔ یوں سمجھیے کہ میں نے اپنے گھر میں کتابوں اور رسالوں کے درمیان آنکھ کھولی تھی اور کھلونوں کی بجائے انہیں سے دل بہلاتا تھا۔
انگریزی اور اردو میں دین، ادب اور سماج پر کچھ کتابیں بھی لکھی ہیں۔ مگر میں سمجھتا ہوں کہ درود وسلام پر ایک کتاب اور سیرت النبی صلی اللہ علیہ وآلہ وسلم لکھنا میرے لئے سب سے بڑا اعزاز ہے۔
شاعری سے بھی بہت لگاؤ ہے۔ تُک بندی بھی کرتا رھتا ہوں مگر خود کو شاعر کہنے سے خوفزدہ ہوں کیونکہ میں خود کو شاعری کے معیار سے بہت دُورسمجھتا ہوں۔
کچھ پرائیویٹ اداروں میں کلیدی عہدوں پر کام کیا ہے۔ اس وقت ایک ٹیکسٹائل کے ادارے میں بطور جنرل مینجر فرائض سر انجام دے رہا ہوں۔
شادی شدہ اور تین پیارے بچوں کا باپ بھی ہوں۔
آپ کی دعاؤں کا طالب: سید حماد رضا بخاری

[محمد شعیب]

اھلا و سھلا مرحبا

Sent from my SM-J110F using Tapatalk

[علی خان]

آپکی تعارف کا بہت بہت شکریہ جناب سید حماد رضا بخاری
پڑھ کر خوشی ہوئی.
اور میری نظر میں آپ کی شمولیت اور اپکی تمام پوسٹیں اُردونامہ کے لئے ایک بہترین اضافہ ثابت ہونگی . انشاءاللہ

[سید حماد رضا بخاری]

جناب علی خان صاحب، حوصلہ افزائی کا شکریہ........

[چاند بابو]

سید حماد رضا بخاری صاحب ایک بار پھر سے خوش آمدید
میں آپ کو خوش آمدید پہلے ہی اس دھاگے میں کہہ چکا تھا اس لئے ادھر کچھ نہیں لکھ پایا.
امید ہے کہ اردونامہ کے اراکین آپ سے بہت کچھ سیکھ رہے ہوں گے.

[ایم ابراہیم حسین]

ماشاءاللہ
سلامتی ہو آمین

Sent from my LenovoA3300-HV using Tapatalk